（適量甜）是咁的，我竟然響公園執到本Sex note: 58

我個頭好似比人smite左野咁，霎時間缺乏左思考同操作四肢既能力。
 
佢：「妖，發曬夢咁，快d拎黎啦。」
 
Mk琳捧走我手上既真西瓜慢慢行翻上天台，我先反應過黎，秒速衝上前攔住佢。
 
我：「等陣！」
 
佢：「做咩呀？」
 


我：「er…阿信條友仔平時都無練開，我怕佢出事…」
 
佢：「係人都知佢想響shirley面前威翻次，話唔掂佢真係做到呢，做friend既就要比d信心佢！」
 
我：「但…」
 
「唉呀，唔好但啦！」佢響我側邊行過，然後格硬拖埋我上去。
 
阿信，對唔住。我呢個做兄弟既已經無能力阻止呢場悲劇既發生….
 


Mk琳將個西瓜捧到阿信手上，除左我之外，大家都發出期待既歡呼聲，連shirley都放低最愛既村上為佢打氣。
 
阿信接住個西瓜，然後比左個感激既笑容我，但我唔敢再望，即刻擰轉面。
 
「各位，我上啦。」
 
「加油啊信，老娘我睇好你呀！」
 
「gogogo！」
 


「阿浩你叫下佢量力而為，唔好玩得咁顛啊..」
 
「我之前睇過一本書講人既然頭骨比西瓜既表皮堅硬好多倍，所以阿信一定得架，加油！。」
 
 
呢句「加油」令阿信仲自信過用左gatsby既木村，但我相信佢好快就會因為咁而後悔…
 
唉，根本唔可以怪Mk琳，由頭到尾都係梁永浩呢條仆街累事，諗埋曬d垃圾屎橋..
 
不過宜家講咩都無用，即使我罰自己JJ插西瓜一百下都阻止唔到事情既發生。我可以做既唯有係事後請翻佢食一個禮拜譚仔..
 
佢吸左啖氣，然後一野鐘左落個西瓜到。
 
「噗。」西瓜發出細微既響聲。
 


阿信既捨身撞擊連層西皮都撞唔裂，撞到個西瓜血肉橫飛更加係天方夜譚，FF之中既FF..
 
大家既目光放響阿信身上，沉默不語，我直情恰低頭無眼睇。
 
媽啊，實在太柒啦！
 
當我抬起頭既時候，阿信掩住額頭，一副死老豆樣望住我，個嘴O到裝得落個橙。
 
思思忍唔住笑出聲，講：「哈哈，究竟你表演頭爆西瓜定西瓜爆頭啊？」
 
阿信：「我…我…..」
 
佢抬高頭，無奈咁掩住對眼。自從個次輸左學界八強之後，我無再見過佢呢個失落樣。
 
思思繼續抽水：「要溝女就練好d先啦，咁蝦碌都有既。」


 
阿寧拍左下思思膊頭，再擰左幾下頭，佢先識得收聲。
 
當阿信準備敗走華容道既時候，轉機終於出現了！
 
Shirley突然雙手握拳，合埋對眼，大聲叫：「阿信你得架，唔好放棄呀！」