（適量甜）是咁的，我竟然響公園執到本Sex note: 59
阿信慢慢抬起頭，本來跌到負數既士氣值好似香港既樓價咁秒速向上飆升。
阿信沉住氣，點左下頭，雙手捉實個西瓜，然後一野鐘個頭落去。
「噗。」
呢一次佢開行認真mode，撞得比上一下更用力，更搏命。
根據牛頓發明既newton's third law，佢亦痛到咬牙切齒，眼水都標埋出黎。
可惜西瓜同人唔同，佢無感覺，更加唔會認真。但你會痛，你會唔甘心，所以受傷既總係你，正如愛情一樣。
佢抹左下眼水，吸左啖氣，又鐘左落個西瓜到。連續重覆左幾次之後，塊西皮終於有d龜裂..
我：「咪再撞啦！個西瓜堅野黎，再咁落去你會死架。」
阿寧：「阿浩講得岩，不如你表演過第二樣野啦....」
思思：「下次練好d先再黎過啦，我唔想聽朝見你上報啊仆街。」
Shirley雙手合十，默默咁為阿信祈禱，而Mk琳就坐響一邊狂隊啤酒，一邊好似high大左咁9叫幫阿信打氣...
阿信痛到出唔到聲，淨係掩住額頭向我地搖手。
我：「一個禮拜譚仔，皮蛋，雞翼任叫！」
佢考慮左陣，然後慢慢舉起兩隻手指。
我：「呢排手頭緊，唔好咁狼死啦信哥..」
佢：「NO！」
我：「屌，咁你死左佢算啦。」
正當佢抬起頭諗住再下一城既時候，我即刻阻止：「等陣！兩個禮拜就兩個禮拜！」
但一切已經太遲，因為佢呢一擊已經撞爛左層西皮…
全場陷入一片沉默，無人敢相信眼前出現既奇蹟。
雖然同原本既頭爆西瓜有d出入，但無人會再執着於呢d小細節。
阿信興奮咁大叫：「yeah！我得左啦！」
Shirley捉住阿信隻手，激動咁講：「我一早話阿信你得架啦！」
過左半秒，shirley即刻縮開自己隻手，然後紅都面曬咁恰低頭，拎翻起本村上。
阿信直頭開心到呆響原地，四萬咁口，對手停留響空中，成個人好似中左石化咒咁，差在未有hermione出黎叫句petrficus totalus..
Mk琳隊手上支啤酒去阿信面前：「咁先似男人啊嘛，呢獲終於威翻次啦你！」
阿信已經high到比唔到反應，眼都唔眨咁望住shirley，直接當Mk琳透明。
「車，你唔飲…我飲。」佢一收翻支啤酒，又開始瘋狂自隊。
之後由思思跳少女時代隻Party，可能d舞步本身唔易，佢有d位其實跳得麻麻，但勝在身材搭救，總算叫做勉強合到格。
本身就到我用app彈琴，阿寧唱歌。但Shirley怕醜得滯，話自己無咩特別技能，唯有join埋我地一齊唱。
順帶一提，Tiny Piano真係好tiny下，搞到想show off下琴技既我都要就住就住，事關手指既動作大左少少就已經gum左入格黎個琴鍵..
最後由醉到痴左線既雅琳姐表演《帝女花》。
本來我以為佢會跳下k pop同思思一較高下，但點知佢係都話要試下粵曲，仲要又唱又跳，搞到我都忍唔住要拍低佢，日後拎黎慢慢恥笑。
我地一路響天台玩到十一二點，大家先清好個場，意猶未盡咁翻落去。
所有人走曬既時候，得翻Mk琳自己個挨住堵牆，對住個天指指點點。
「行啦，雅琳姐。」
我扶住佢膊頭，佢即刻當左我個身係支點，成個人挨左埋黎。
「今晚我好開心…哈哈…」
「我覺得聽朝你仲開心。」
老老實實，FF下聽日佢見到條片個嬲樣，我都忍唔住偷笑。
「落花滿天蔽月光，借一杯附薦鳳臺上…」
佢突然推開我，挺胸gut蘿，再擺出一雙蘭花指。
佢笑住講：「我係粵曲小公主…嘻嘻…」
Sorry，以我文字既力量真係形容唔到一個着住背心熱褲，帶手帶腳繩，踩住對厚底拖既mk妹跳粵曲既震撼。
呢種威懾力足以令你恥笑佢一世…
「知你勁啦，走啦。」
為免佢high得滯跳埋落街（天台圍欄大概到心口位）我格硬拖翻佢落樓。
「喂，入屋要除鞋！」
「屌，醉成咁仲除乜春啊，去廁所洗個面先啦..」
屌，醉到連自己老母都唔認得仲可以記得叫人除鞋，佢個腦究竟咩構造？
「妖，唔得呀，快d除！」
我唯有死死氣咁除左對nb，佢亦fing開對拖鞋，赤住腳挨住我行入廁所。
我見佢玩全身出曬汗，於是zip起佢件背心，抹乾佢背脊d汗。
「你唔好亂郁啦..」
「做咩呀你…係咪想抽我水？」
「鬼有，我費事你就咁訓着，第日焗到發燒咋。」
「我發燒關你撚事！」
「關心朋友姐，應該既，何況你今晚請左我食咁多花生。」
「嘻嘻…算你有良心…」
「好心你唔飲得就量力而為啦，宜家醉左又響度發酒瘟..」
「我無醉！」佢用手指推左下我額頭。
「d對白唔好咁行啊唔該。」
佢恰低頭，合埋眼，醉到搖黎搖去咁，搞到我一邊擦都要跟埋佢一齊搖。
「矮仔…我d腳趾靚唔靚…」
雖然我鍾意黑色，但我對黑色腳甲油真係無乜性趣，就好似鐘意菠蘿唔一定鐘意菠蘿油咁。
「靚啦靚啦，伸隻手出黎。」
我zip翻好佢件背心，諗住幫佢抹下隻手。點知佢突然轉身挨埋黎，再一野將我推低。
正當我想起身既時候，佢順勢騎上我條腰，兩隻手撐住我心口。
佢合埋眼，個頭up下up咁講：「矮仔…你係咪鐘意我？」
我：「what？咪痴線啦你。」
「我無痴線！痴線個個係你！」
「係我lo咁，你冷靜d，落翻黎先啦。」
我覺得自己有d似日劇個d響天台叫人唔好自殺既談判專家，可惜我無佢地既口才，我越講王雅琳就越痴線…
「我唔落！邊個叫你咁黑人憎，成日玩9我！」
「我點敢玩你啊，大小姐。」
「哼，咁點解你一時又蝦我，一時又對我好…..」
「OK fine..我道歉。」
「道歉大撚曬呀？」
「咁你想點呢？」
「哈…我要罰你…」
佢笑左笑，然後gum實我既手腕，一野咀左落黎…