（適量甜）是咁的，我竟然響公園執到本Sex note: 57
我將成個計劃講比阿信聽，佢即刻醒曬神，對眼look到五蚊銀咁大。
我：「條橋掂唔掂先？」
阿信搭住我膊頭，chok住把gay佬聲講：「衰仔，算你有d貢獻。成事既話，下禮拜lunch我既！」
個計劃是咁的，今晚我地響天台bbq個陣，我會提議玩個才藝大會，到時阿信就會比我點出黎做第一個表演嘉賓。
表演d咩？仲洗問既，除左頭爆西瓜之外仲有咩好表演？至於detail方面，我下面會再詳細交代，大家唔需要太心急。
大家訓到十二點幾，起身踩左幾粒鐘單車，再買左d燒烤既野食就翻出租屋。
天一黑，我地就將所有買好既野食搬上天台。
雙胞胎以身體不適為由走場，缺席左今晚既好戲。
燒烤呢家野真係好考技巧，尤其是響天台燒，唔識起爐既話唯有一齊排排坐食西北風。
我地落完炭精再輪流用報紙扇左十五分鐘個爐都未有起息，終於要到Mk琳出手。
佢放低手上既啤酒，zip高衫袖講：「唉，你地太弱了，等老娘出馬啦！」
我：「留名等柒。」
阿信：「加一。」
「收皮！」佢卷起張報紙一野拍落我個頭。
佢展開張報紙，烏低身，響爐底到猛咁拍，拍到d灰都吹曬出黎。
我地成班人即刻掩住口擰轉頭，得佢一個對住個爐9拍。
「輕鬆！」一陣燒炭既聲音傳出，伴隨住點點焦味。
我：「唔係成功左下話？」
雅琳：「吹咩？用你對狗眼睇清楚啦。」
我緩緩咁擰轉頭，發現眼前呢團微弱之火比聖火發出更耀眼既光芒。
思思：「哈，你又幾本事wo，不過個樣就要扣少少分啦。」
Shirley同阿寧忍唔住掩住口，恰低頭細細聲咁笑。
原來MK琳既面豬同頭髮痴左幾塊灰，同無線d膠劇入面個d皮光肉滑既既女乞丐有異曲同工之妙。
我同阿信都忍唔住指住佢偷笑，佢拎部手機出黎一照，然後紅都面曬咁踩左我幾腳。
我：「喂，唔公平wo，次次都係打我一個既？」
佢咬住唇拍走面上既灰，講：「哼！鬼叫你生得樣衰呀，死矮仔！」
通常大家鬧人都會將關聯性既詞語放埋同一齊，但樣衰同矮有直接關係既咩，點解要擺埋一齊講呢？
我無問出口，因為我知道收翻黎既回覆會係「吹咩，我中意。」
之後，大家圍埋個爐開始燒野食同出水，然後互相偷下對方d野食咁。
阿信今晚果然比平日主動左好多，係咁幫shirley燒雞翼，腸仔，魚蛋…堆到shirley個碟成座山咁。
阿信：「今晚d牛扒都好正，多汁又厚肉，你要唔要？」
Shirely有d尷尬咁推卻：「唔洗啦..阿信你燒左咁多野比我，我怕食唔曬..」
思思亂入：「做咩姐信哥，係咁燒野比shirley，你鍾意人地呀？」
阿信即刻面紅，毫不猶豫咁拎開原本想遞比shirley個塊牛扒。
阿信：「我見shirley咁瘦先叫佢食多少少…」
思思襯阿信放低碟既一剎以閃電般既速度叉走左上面隻雞翼，手法乾淨利落，應該係慣犯。
阿信：「喂，你個卑鄙小人！」
思思：「係你咁傻先中伏咋嘛，哈哈。」
正當我食緊花生既時候，阿寧亦向我展開攻勢，佢格硬逼埋我到，對波波壓實我手臂，有意無意咁磨9我。
佢：「阿浩你想食咩？我燒比你呀。」
MK琳突然坐落我地兩個中間，對阿寧擺出僵硬既笑容：「唔洗啦！矮仔佢飽架啦。」
我：「飽？我食左兩條芝士腸咋..」
「咪係。阿浩，我餵你食呀。」佢叉起兩粒牛丸送到我嘴邊。
當我伸個頭埋去個陣，王雅琳即刻批左我一掙，我唯有拒絕阿寧既好意。
之後我地三個就處於極度沉默既局面，唯有自己食自己。
我隱隱約約feel到阿寧埋藏響心底既殺氣，但Mk琳既霸氣力場亦一d都唔輸洩，夾響中間既我就黎監生比佢地度氣逼死…
我：「喂，食左咁耐，搵d野玩下啦。」
思思：「咁你想玩咩先？」
我：「才藝大會！」
思思：「咁老土？」
我：「屌，大陸夠年年搞春晚，無線年年選港姐，亞視日日賽馬直擊，賽馬追擊，直擊賽馬，再追擊馬賽啦，又唔見你話悶！」
思思：「車，我唔睇電視。」
Ok，fine，秒殺。
「就咁話啦，有人想表演先呢？」我向阿信打左個眼色，佢即刻舉手。
點知思思同Mk琳亦同一時間舉手，咁身為bro既我當然識do啦。
我：「阿信快d，佢先。」
雅琳：「哈哈，咁都好，老娘我壓軸出場。」
Shirley托左下眼鏡，問：「阿信你表演咩？」
阿信舉起四隻手指，直頭霸氣過葉問：「頭爆西瓜！」
思思：「屌，咁誇張，咪玩命啦同志。」
阿信霸氣咁答：「唔好講咁多廢話。浩J，go！」
仆你個街啊，當我狗咩宜家。不過算數，今晚你主場，比你威翻次。
我行落廚房搬左個真西瓜出黎，比佢地check，佢地拎起個西瓜又踩又彈，搞完一大輪先話無問題。
我：「無問題啦嘛，我拎過西瓜落去洗一洗之後就到阿信開show架啦。」
大家無異議。
於是我搬翻個真西瓜去廚房，正當我準備使出一招移型換影，以假換真既時候，悲劇出現了…
原本我收埋響廚房最下個格既空心西瓜竟然唔見左….
呢個時候，Mk琳響天台行左落黎。
佢：「爽手d啦，搞咁撚耐。」
我：「櫃桶底個西瓜去左邊…？」
佢攤攤手講：「岩先我搵啤酒個陣唔覺意見到，咁我見佢拎上手又輕飄飄咁咪以為佢壞左唔食得，跟住就dum左啦。」
我：「dum左？」
佢：「事但啦，咁輕都唔慌多肉。」
屌你個仆街mk琳，呢獲我點同阿信交代啊…