（適量甜）是咁的，我竟然響公園執到本Sex note: 41

襯住宜家load緊game，佢翹起對長腿，dup低頭玩ig。
 
講真，其實佢個look望落都唔差，但唯獨係性格方面難頂左少少。
 
「喂！」佢搖左下我膊頭。
 
「係…」
 
「屌，發曬夢咁，入左game啦！」佢拋開部電話，重新將視線轉到mon前。
 


我簡單咁介紹左少少操作，例如科加斯既四招技能點用，幾時尾兵，推線等等。
 
無計啦，出兵得個分幾鐘，根本唔夠時間講太多野。
 
佢：「喔..簡單啦，就係咁咋下話？」
 
我：「你聽得明啊？」
 
佢：「總之就響隻兵就死之前打佢有一下，見到對面無血就用技能去殺佢呀嘛。」
 


我：「講你就叻。我就留定名等你收皮。」
 
「on9，睇本小姐表現啦！」佢露出雪白既牙齒，自信咁笑左笑。
 
話時話，明明佢成日煲煙但棚牙又會白成咁都有既？
 
我擰轉身玩左陣電話，當我望翻個mon個陣，上天竟然同我開左一個極大既玩笑。
 
王雅琳竟然用科加斯壓住對面既維嘉連兵都唔敢食，佢既走位同接技完全唔似新手，最難命中既一技竟然可以接近0 Miss..
 


「屌啊，你邊有可能第一次玩啊？」
 
「呢d咪天分lo，你無架啦。」
 
話畢，佢一個qw連技，再閃現入塔殺左對面既維嘉。
 
「First blood！」4分幾鐘就已經拎到首殺，佢既天分會唔會強得有d過分..
 
大家唔好忘記，我個ac仲要有千幾勝場，所以對面既維嘉實力應該唔會太弱。
 
「輕鬆。」
 
佢笑左笑，gum左下回城制，翻溫泉買左兩隻鞋。
 
 


 
我突登唔提佢，仲教佢出錯裝（ad 科加斯，問你死未）等佢行多幾條冤枉路。
 
最後，佢理所當然地輸到仆街，仲要比班台狗怒屌。
 
「垃圾game，都唔好玩既。」
 
「哈哈，呢個世界無垃圾既game，只有垃圾既玩家。」
 
「收皮啦，一定係你唔識教。」佢隨手拎起墊響背脊既咕臣一野拍落我個頭到。
 
「你話點咪點lo。」我攤攤手。
 
「妖！」佢唔憤氣咁踩左我兩腳，然後行左入房。
 


當我從新歸位，以為自己可以專心衝rank既時候，佢無啦啦行翻出黎。
 
「矮仔，跟我出去。」佢換左套露臍既白色短袖衫，加條牛仔熱褲。
 
「做咩姐你。」
 
「咪咁多爹啦。」
 
佢拎起電視頂條鑰匙，塞入褲袋，然後行到門口彎低腰，着起對紅色高筒converse。
 
「快d啦屌你。」佢響走廊講。
 
「唉，麻撚煩。」我被逼刪左部腦，求其踢對拖就跟佢出去。
 
「無啦啦出街做咩先？」


 
「哼，我要你見識下咩叫打機勁。」
 
Lift門慢慢打開。
 
「得啦，你最勁啦得未？我想翻去打鋪rank姐..」我作出最後既掙扎。
 
「唔得！」佢用雙手捉住我手臂將我扯翻入lift。

之後，佢帶左我去左隔離商城附近既一間機鋪。
 
「黎呢到做咩？」我響機鋪門外停低。
 
「on9，梗係打機啦。」佢推開玻璃門，拉左我入去。
 


機舖入面有好多煲緊煙既mk仔，mk妹，紋身佬響到啤住我，好似佢地既世界突然多左個外星人咁。
 
當中有人玩機麻雀機，槍game，車game等等..最多人圍觀既當然係格鬥遊戲既巔峰，拳王97。
 
「喂，我地打場呀。」
 
老老實實，我對格鬥遊戲既認知已經停留響拳王仲有出緊game boy帶既年代，宜家玩翻基本上可以話同新手毫無分別。
 
不過算啦，事但兩場當應酬下佢，等佢開心完，我咪可以早d翻屋企lo。
 
我地揀左角落位既兩部機。
 
「屌，睇我點洗你啦！」佢望實螢幕，好專心咁揀角色。
 
原來帶我黎呢到係想將岩先輸game既怒氣發洩響我身上..
 
「睇下點。」希望腦裡面對格鬥game殘存既記憶可以幫到我啦..
 
「Ready？….Fight！」
 
佢揀既拳王至今最受歡迎同最多h漫既女角，不知火舞。而我就揀左同我性格岩岩相反既mk仔八神。
 
開game無耐，佢就極速咁搖操縱桿同啪個六粒按鈕，熒幕上既不知火舞係咁用一堆我up唔出名既技能打落我身上。
 
相反，連六個制代表d乜都唔記得左既我只有齋拳齋腳，齋閃，得閒食佢幾套技咁。
 
「KO！」
 
mk八神應聲倒下，屏幕同時現出「You lose」既字眼。
 
「Loser！」
 
「係啦係啦..」
 
「哼，睇你以後仲敢唔敢話老娘打機廢。」
 
「小人不敢，雅琳姐係我地全屋最勁既人，OK啦嘛？」
 
佢興奮咁跳起身，塊面微微泛紅。
 
屌，你唔會當真下話，我應酬下你咋傻妹..
 
「洗乜講！不過你都有我一條眼睫毛既功力，唔好灰心呀，哈哈。」
 
「一條眼睫毛…會唔會短左d呀？」
 
「我話點就點，唔准貪心！」
 
佢笑住咁敲左一下我額頭，然後拉住我手臂蹦蹦跳跳咁走到去跳舞機個到。
 
「咁興奮做咩姐，你high大左啊？」
 
「哈，我鍾意呀，吹咩。」
 
「咁我地走得未姐？」
 
唔係我唔想玩多陣，但呢到d人對我既奇怪目光同陣煙味真係好難頂。
 
「玩埋呢個先啦，你趕住翻去投胎咩！」佢行到跳舞機側邊入個幾個硬幣。
 
「你話架，呢個最後一個。」
 
「得啦煩人。」
 
隨住音樂既節拍響起，佢響踏板上跳起相應既舞步。
 
每一個旋轉，跳躍，手腳既擺動同舒展都自然流暢，即使跳錯左幾個節拍，能跳可以跳出屬於自己既風格。
 
點都好似個d所謂跳舞機高手為左chok高分而跳到踩螞蟻咁既樣，真係諗起都覺得柒。
 
周圍有唔少無錢又睇緊人打機既mk仔都比佢吸引，一邊拍住手，一邊響到鳩叫。
 
當音樂聲完結既時候，成班狗公即刻醒水一個二個流曬口水咁拍手。
 
一條高我半個頭既飛機頭MK襯住王雅琳行到我身邊既時候將佢攔住。
 
「靚女，比你電話我，大家溝通下呀。」
 
王雅琳白左佢一眼，然後撥開佢隻手，好快咁行到我身邊再拉住我手臂響門口位走。
 
條mk知自己柒左，即刻唔墳氣咁叫：「屌，洗唔洗咁串呀！」
 
我嚇左嚇，唯有加快腳步。
 
離開機鋪之後，我feel到成個人好似即刻鬆左口氣咁。
 
之後，佢話想散下步，於是我地兜左條遠路翻屋企，還掂都出左黎啦，唔差在行多陣先翻去打機。
 
我：「你做咩唔睬佢？」
 
佢：「最憎呢d死狗公，睇佢個樣都知佢想呃西屌啦。」
 
我：「話時話，你跳得都唔錯wo，平時有練開跳舞咩？」
 
佢：「洗乜講，本小姐…」
 
佢突然靜左，然後驚訝咁望住前面，我順住佢既方向望過去…
 
迎面而黎既竟然係好久不見既醉愛傑少…