（適量甜）是咁的，我竟然響公園執到本Sex note: 40

「下？」
 
我當堂打左個突，呢種剎那間既震撼感絕對拍得住打團戰個陣無啦啦比嘉欣gank。
 
「唔緊要啦，反正我以前都係自己一組..」
 
王雅琳一邊笑，一邊扮到不在乎咁揮動雙手，但僵硬既笑容，惋惜既眼神，就好似個杯dry martini咁，將佢深深出賣左。
 
「但咁會唔會唔係咁好..話曬我好似遲黎..」 Shirly托一托眼鏡，面上帶點歉意。
 


上次唔記得講，shirley其實係四眼妹黎，目測鏡片既厚度，近視應該達五百度以上。
 
阿信見自己女神陷入困境，於是少有咁露出勇武既一面。
 
信：「浩J，既然佢都話可以自己一組啦，我地咪要埋shirley lo。」
 
我：「咁…」
 
話曬條mk妹都係我拉入組，咁樣一腳伸翻開人又好似好唔人道wo..
 


我：「不如咁啦，我聽日求卡比獸，佢應該可以破例既..」
 
王雅琳聽到一線希望，即刻好似死人反生咁捉住我手臂。
 
佢：「我陪你一齊求佢！」
 
「求？你地點求啊？唔好做傻事啦。」 比av荼毒既肥輝似乎又get錯野，色情資訊真係害人不淺。
 
我：「放心，賣花賣鮑呢d不法勾當我地唔會做既。」
 


「拿，如果你fail左既話就比shirley入我地組啊！」阿信條死仔果然反面唔認人，為左自己女神竟然可以去到咁盡，雖然我當年都係..
 
「OK！」王雅琳搶左我句對白。

第二日朝早，我同王雅琳七點都未夠就去左教員室門口搵捕捉卡比獸。
 
事情比我想像中來得順利。
 
當我地提出要五人成團個陣，佢竟然好順灘咁答應左，附帶既條件係我地每日小息要幫佢去同班低form重默。
 
等價交換係呢個世界必然既法則，你要響人地到拎到好處自然就要付出同等既代價，幾次重默就換到一次五個人既picnic day wo，望落幾底啊。
 
後尾肥輝佢地聽翻都覺得出奇，不禁暗暗佩服我討價還價既能力。
 
就是咁，本來空洞既生活比重默，做數，嘉欣，miss張，miss張對波，miss張對腳，miss張個口等等填滿。


 
充實既生活過得特別快，時間轉眼間黎到星期五既夜晚。
 
食完飯大概八點半到。
 
我自己一個響廳到打緊LOL，王雅琳攤響sofa聽歌，莉莉絲同阿妹就入左房唔知做乜。
 
話說，我隱隱約約feel到莉莉絲呢排有d古怪。
 
以前晚晚都靜雞雞等阿妹訓左之後偷偷地出黎廳同我做愛，但最近呢個禮拜直頭連搵都無搵過我..
 
究竟佢做咩呢..？唔通因為屋企多左個人，怕唔方便？
 
我掛住ff，無意中忽略左LOL彈出黎既入game提示。
 


好彩王雅琳及時發覺，然後幫我gum左確認。
 
我：「你玩過LOL咩？」
 
佢：「on9，未玩過都識點樣入game啦。」
 
我：「唔該lo..」

「喂，教我玩呀。」
 
「我記得你之前講過話對game無興趣架？」
 
「妖，咪問咁多啦。」
 
佢擰開耳塞，一臉好奇咁望住螢幕前既英雄列表。


 
得罪個句，教女仔打機已經難，要教一條無腦mk妹打機絕對係難上加難。
 
除非你玩緊既係勁舞呢類垃圾mk game，唔係大家既溝通應該會有好大代溝。
 
咪住，我修正一下，學子華哥話齋應該係鴻溝。
 
不過以王雅琳咁硬頸既性格，真係講多都無謂，失敗最實際。
 
等佢比人屠幾場自然就會明白召喚峽谷既腥風血雨有幾咁可怕，幾咁可悲。
 
我幫佢搶左條中路，然後讓開個位比佢坐，我再坐到佢則邊。
 
「拿，你首先要揀隻英。」
 


「嗯…等我諗諗先…」佢捉住鼠標，猶豫不決咁look上look下。
 
「呢隻啦，望落幾靚仔啊。」我指下個螢幕左上角既ez，因為佢係我有既英入面唯一望落似人既人類。
 
「唔要，咁乸型。」
 
倒數計時大概淨翻二十秒個陣，佢竟然揀左科加斯…
 
「就呢隻恐龍仔啦，夠得意。」佢果斷鎖英。
 
「得意？」我覺得全LOL最柒既英竟然有女仔話得意..
 
「係呀，本身我諗住揀個隻龜仔，但佢都唔識講野既，所以都係揀恐龍仔算。」
 
沉默既拉姆斯就咁比人冷落左，真可惜。