（適量甜）是咁的，我竟然響公園執到本Sex note: 42
仆街啦呢獲，我當堂丁都縮埋，呆左咁企響原地。
好彩傑少同佢班fd子恰低頭督緊電話，仲未發現我地。
王雅琳秒速將我壓倒暗角既燈柱，然後用手掩住我個口，一啖錫落黎。
兩片既嘴唇之間只係隔住一隻手掌…
「唔..唔..」佢look大隻眼係咁比signal我。
呢家我先醒水，秒速將兩隻手兜去佢條腰到。
我既手掌隔住一層薄衫，僵硬咁停響佢條腰上面。
可能係瘦底既關係，王雅琳條纖腰真係好正，又幼又細，腰間一d多餘既脂肪都無。
唔似得d恐龍妹動不動就攬幾條車胎響個肚到，擋子彈咩宜家？
傑少由此至終都無懷疑過我地，直接響我地身後路過，然後響街口既轉角位消失。
「喂，喂！」佢拍左幾下我塊面。
「下？」我一時ff太入神無即使反應過黎。
佢fing開我對手，然後講：「行到九條街咁遠啦，洗唔洗嚇到面都青埋呀？」
「係咩..哈哈..」我一邊R頭，一邊回味岩先響小蠻腰上既觸感。
佢瞇起對眼，懷疑咁望住我：「抑或係你…」
「我發誓無諗衰野啊！」ok，我承認自己講大話既功力好弱，因為我隻眼忍唔住停留左響佢條腰到半秒…
「妖！死人鹹濕仔！」佢踩左我兩腳，然後氣沖沖咁行翻屋企。
大佬，你踩還踩，細力得唔得呢？我着緊拖鞋架…
星期六，日要翻教會受難，除左唱下聖詩之外都無乜特別野講。
渾渾噩噩過完星期一之後，終於迎黎星期二既picnic day。
本來我地form應該就去鳳凰山既，奈何form2，3，4快我地一步揀左個度。
我地form 5唯有響星期一臨時臨急將旅行既地點轉成長洲，至於分組名單等等一切照舊。
當佢話要改地點個陣我有考慮過唔玩camp，齋食下魚蛋，踩下單車就翻歸算。
奈何阿信條死仔邪惡到用友情做籌碼逼使我去幫佢手溝shirley。
話曬都五年友情wo，無得say no啦..
「唉，又係長洲。」 望住渾濁既海水，我開始後悔。
「屌，講呢d。我就唔過夜既！」肥輝拎住懷舊既psp邊玩gal game邊抽我水。
阿信：「唔好咁啦浩J，長洲不知幾好！」
坐響佢身邊既shirley一邊睇書，一邊問：「點解既？」
阿信：「因為長洲賓客人數多啊嘛！」
全場靜左兩秒，大家不約而同咁望住佢，令佢都有少少尷尬咁恰低頭。
Dead air真係比死更難受，所以我決定幫阿信解圍。
我：「多..多..多數人客賓州長..」
「哈哈哈哈….」過左兩秒，shirley竟然合埋本書，彎住腰咁笑到見牙唔見眼。
Shirley向阿信講：「你好幽默呀。」
我當堂眼都突埋，估唔到小學雞用黎開玩笑既爛gag竟然有咁既威力。
紅都面曬既阿信即可挺直腰講：「邊係呢…哈哈..」
去到長洲，我，肥輝，阿信，shirley由於無做功課，又唔知有咩玩，只可以同大部分既學生一樣無無聊聊咁亂行，求其搵d野食下咁。
浪費左幾個鐘之後，為左等阿信可以同shirley講多d野，我專登用藉口拉開肥輝，等佢地有多d共處既機會。
「喂，你唔約條女出黎？唔洗理我架wo。」 肥輝食左啖豆腐花，唔覺意噴左幾粒響我塊面度。
「夜晚先啦，佢仲同班friend玩緊。」
我響背囊拎出tempo，抹走面上既豆腐跡。
雖然d豆腐花好正，但身為窮丁既我略厭11蚊既價錢真係貴左少少。
佢：「件mk妹呢？點解佢唔黎既？」
我：「今朝發高燒，病到起唔到身。」
講翻起，其實佢後尾仲死撐話自己無事，係都要跟埋黎，但落床行左兩步就已經扒低咁濟，所以我先叫莉莉絲gum住佢，無比佢跟黎。
肥輝不壞好意咁望左我一眼：「你地會唔會襯我唔響度玩3p架？」
肥輝係我地之中家教最嚴既人，老豆老母連電腦都唔比佢玩，試問又點會比佢響出面訓呢？
我：「我想幫阿信姐，無其他意思架。」
宜家諗諗下，還唔掂嘉欣會響到住一晚，聽朝先走，不如今晚索性叫埋佢黎同我訓，咁我咪可以…
肥輝：「屌，搶人條女呢家野你有前科架，咪扮啊。」
我：「個陣嘉欣同佢都未一齊，我邊算搶？」
肥輝笑住講：「咁你有答應過幫佢手追林嘉欣架嘛，點知最後就自己食左條女。」
「咁..咁後尾..佢地性格根本唔夾，邊有可能會一齊啊？」諗起個件事，我一時激動用力咁拍左下枱。
周圍既人既目光都被我吸引，我恰低頭扮冷靜。
肥輝：「sorry..」
我：「唔緊要…」
食完野之後，肥輝話悶得濟，於是跟住一班學生同d miss阿sir提早搭船翻歸。
就是咁，宜家既長洲旅程變左一個人的旅行。
唔緊要，孤獨只係一時姐。
難得今晚有得同嘉欣獨處，我走左去街市揀牛扒，諗住整餐燭光晚餐哄下嘉欣之餘，再補翻上次唔記得拍拖紀念日book餐廳既過失。
大概六點，阿信終於打比我叫我去一間一早搵定既出租屋到等。
聽佢把聲好似無氣無力咁，直覺話我知佢今日同shirley既約會應該唔太順利..
拎住一袋兩袋既我靠住google map既幫手，終於千辛萬苦咁去到出租屋。
「浩J！」阿信響遠處向我揮手。
我呆左兩秒，因為阿信同shirley身邊竟然企多左四個女仔…