（適量甜）是咁的，我竟然響公園執到本Sex note: 39

自從個日起，嘉欣日日放學都黎陪我做數。
 
點講都好，佢都係主動黎幫我補習，所以連Miss張都無佢乎，唯有每日抱住欲求不滿既心情翻屋企捽碟。
 
無無聊聊又過左個禮拜，迎來新既一日。
 
今日有d特別，因為係我地form 5 picnic day分組同決定地點既大日子。
 
老老實實，我都唔撚明點解間間學校既旅行日都定響春天，而我地就要定響九月，明明呢個時候最多紅雨，黃雨，咩八號風球（好似有）。
 


老師既解釋就話想比我地新學年去戶外吸收下陽光氣息，有個好既開始。
 
我就話班仆街九成想picnic day個日撞正颱風，到時既可以逼我地翻黎自修，自己又唔洗翻工，一舉兩得。
 
卡比獸響黑板寫左一系列上年picnic day去過既地點，都係長洲啊，大浪灣啊個d。
 
唯一唔同既就係今年可以比我地露營，不過呢樣野同我關係不大，所以唔會納入我既考慮範圍。
 
經過一輪投票之後，鳳凰山以數票之差戰勝海洋公園。
 


「大家記得分組啊。聽朝morning assembly完左之後交翻個分組名單比我，係咁先。」卡比獸講完就行左出班房。
 
卡比獸走左之後，大家各自出位，開始同自己d巴打絲打組隊。
 
每組既名額有限，點都係得四個位。
 
雙數團體都還好，最起碼可以四個四一組。就算不幸地，你既團體得六個人，咁起碼都有另一條友陪你一齊比人拋棄。
 
兩個人受苦點好過一個，係咪？
 


 
至於單數團體方面，由於我地班既單數團通常都係五個人，亦即有一條友會因為唔係團體中既核心成員而被踢走，最後被逼同個d平時少講野既透明人一組。
 
好彩，我，肥輝同阿信永遠都係鐵三角，到時是但執翻件就湊齊腳。
 
「浩J，差一個wo。」肥輝一邊睇故，一邊問。
 
「不如叫shirley啦..」阿信托住下巴，一片痴心咁望住自己既夢中情人。
 
Shirley就係我之前提過，坐響前排靠左既平胸女，同時係阿信form 4到宜家既暗戀對象。
 
雖則佢地講過既野唔超過十句，但阿信為佢已經寫左千千萬萬封寄唔出既情信。
 
寄唔出既情信就好比電腦枱既個卷紙巾，永遠響打飛機個陣先可以派上用場。
 


呢個時候，大家可能會問：明明你地都唔熟，但點解會叫英文名咁親切既？
 
查實係因為佢既存在感都幾低，係得Form 4個陣教英文既Miss先注意到佢既存在，所以每次叫佢都用佢既英文名。
 
自此佢既中文名就成了一個謎，我地淨係知佢叫shirley。
 
肥輝：「條女唔講野，無樣都算啦，最大問題係老豆做工程師啊！究竟你鍾意佢邊忽姐？」
 
我load左半秒先諗到呢句野既笑點，不禁乾笑兩聲。
 
信：「氣質..」
 
我：「你確定呢d叫氣質？」
 
得罪講句，如果唔講野都係一種氣質既話，咁每個毒撚響靚女面前都係氣質型男啦！


 
阿信點下頭，繼續痴心咁望住shirley既背影。
 
 
肥輝：「施主放手啦，你話曬身高米八，五官端正，係個人on9 d姐。You deserve better。」
 
佢拉到最後個版，見樓主無出文，唯有無奈咁打左個屌字，然後繼續f5。
 
阿信：「She is the best，you know？」
 
所以話，正在暗戀人的男人比裝睡的人更難叫醒。

隔離行條女無意中聽到阿信句野，擰轉面掃左我地一眼，個句「做咩姐你」差d衝口而出。
 
我：「算啦，Shirley都唔識我地，佢唔會同我地一組架啦。」


 
我咁講係因為心入面早就有張組員名單，淨低呢個位非你莫屬啦。
 
我行到王雅琳身邊拍左兩下佢膊頭。
 
我：「喂，王雅琳。」
 
「叫全名咁臭串？你老幾呀，再叫過。」佢照舊扒響張枱到。
 
本身個句「雅琳姐」就差d叫左出聲架啦，但我突然靈機一動，諗到條屎橋。
 
「唉，本身仲諗住搵你一組，點知你又扮訓，唯有算啦..」
 
呢招果然有用，當我擰轉身準備走個陣，佢一野扯住我件衫尾，但個頭仲係僕響張枱到唔肯望我。
 


佢：「喂...我都未講完..」


我：「嗯？」
 
佢：「又話搵我入組，宜家又走..」
 
「哈哈，咁你唔肯啊嘛。」我細細力咁拉走佢隻手，但佢捉得更實。
 
「我撚有話唔肯呀，入咪入。」佢抬起頭啤住我，然後起身踩左我兩腳。
 
我：「這就是傲嬌？」
 
佢：「你up乜春呀。老娘我可憐你地差一個人咋，快d多謝我啦。」
 
我：「多謝囖咁。」
 
唔知肥輝同阿信見到我帶翻黎既新組員會有咩表情呢？
 
「喂，肥輝，睇下我帶左邊個…」
 
眼前既景象嚇左我一跳，阿信格離竟然多左個女仔，而個個女仔正正係shirley！
 
肥輝：「浩J，shirley話想入我地組wo..」
 
 
 
What the fuck？
 
咁咪要二揀一？