（適量甜）是咁的，我竟然響公園執到本Sex note: 38

嘉欣將一粒青檸味軟糖送入口，面上一d憤怒既神色都無，但咁樣反而仲恐怖..
 
佢：「浩仔。」
 
「係！」我突登答得大聲d黎壯下膽。
 
佢一邊食糖，一邊笑住講：「今日文學交流會有個低form好得意..」
 
以前炒數會屌到我甩褲既嘉欣竟然對我今次form test既表現隻字不提，實在有古怪。
 


我：「咪住。」
 
佢：「嗯？」
 
我：「你唔嬲咩？我test唔合格wor..」
 
佢嘆左口氣，然後答：「一開始都嬲嬲地架，但後尾諗翻，可能我自己都有錯，成日逼得你咁緊先會適得其反，所以我決定..」
 
我：「你決定？」
 


佢：「以後放學陪你一齊做數，咁咪唔洗晚晚打黎問你有無野唔識，等你咁大壓力lo。」
 
What？！
 
你放學陪我做數，咁邊個陪Miss做愛啊？
 
佢擰左粒提子味糖塞入我個嘴到講：「做咩咁o曬嘴咁，好唔想見到我咩？」
 
「哈，當然唔係啦..」但我有好多新野想同Miss試下都無得試姐..
 


佢：「咁約實架啦，直到你合格為止，我每日放學都會留低同你做數。」
 
我：「但係Miss張個方面..」
 
佢：「放心啦，我會同Miss講。」
 
突然，背後既草叢傳出怪聲…
 
我撥開d樹枝，一野跳入草叢。
 
眼前有個女仔M字腳咁跌響地下，然後用雙手舉起手袋擋住塊面。
 
我：「女人？」
 
佢着住既係我地學習既校服，我本來仲想問下佢係邊個。


 
但當我望真d，呢條短到上膝頭哥既校裙加上一對性感既長腿，唔洗問阿貴都知係佢啦..
 
我：「唔洗擋啦，王雅琳..」
 
「妖..」紅都面曬既佢死死氣咁擰開個手袋，拍走頭頂塊樹葉。
 
嘉欣：「佢係？」
 
我：「er…佢叫王雅琳..」
 
查實我一早預左佢地會有相遇既一日，但點都估唔到呢一日竟然會響普選之前降臨。
 
「我叫林嘉欣，係浩仔既女朋友。你係？」嘉欣向王雅琳伸出手。
 


「王雅琳。」佢好快咁握左下嘉欣隻手，然後秒速鬆開。
 
嘉欣：「你同浩仔同班架？點解咁生面口既？」
 
雖然王雅琳響學校好出名，但嘉欣係個種做好自己本分，唔理其他是是非非既學生，所以唔聽過佢個名都唔出奇。
 
雅琳：「我好少翻學，所以你未見過我都唔出奇..」
 
嘉欣：「喔…」
 
諗深一層，由佢地再咁傾落去都唔係辦法。如果比嘉欣知道左我收留佢響屋企，我實水洗都唔清。
 
之後我果斷咁拉開話題，然後以「趕住翻屋企煮飯」為由，響嘉欣未知道任何野前及時結束左呢場對話。
 
「今晚記得做夠五條數先好打機呀，知唔知？」嘉欣臨走前都要發揮下老母本色。


 
我：「得啦，嘉欣媽媽！」
 
「呀，仲有！雅琳你要幫我手睇住佢，如果佢蝦你，你就話我聽，等我幫你教訓佢。」嘉欣瞇起對眼，扮到好凶狠咁啪手指。
 
雅琳：「嗯..」
 
我不禁苦笑，唔知平時係邊個蝦邊個呢..？
 
我：「遲d再慢慢傾啦，反正大把時間，我仲要煮飯..」
 
嘉欣：「平時你明明提起懶得煮，今日又會咁積極既..」
 
我一邊R頭，一邊扮無辜咁講：「今日阿妹早翻啊嘛，哈哈…」
 


「神神化化...咁好啦，我行個邊呀，bye bye。」嘉欣笑住咁同我地揮手，然後轉身離開。
 
嘉欣走左之後，我終於鬆左口氣，然後同王雅琳一齊翻歸。
 
我：「大佬呀，你岩先無啦啦哩響棵樹後面做乜姐？」
 
雅琳：「咩呀，我咁岩路過咋嘛，唔撚得呀？」
 
我：「路過會走入草叢？你當自己係茶啊？」
 
雅琳：「乜春野茶啊？九唔搭八！」
 
我：「人在草木中。」
 
佢呆左兩秒，恍然大悟之後講左句：「on9.」
 
我：「唔通你跟踪我地？」
 
雅琳：「跟你老母，係你條仆街放我飛機咋嘛！」
 
我：「放飛機？」
 
雅琳：「係呀！我明明約左你一齊放學，點知原來你一早約左其他人。」
 
老老實實，我真係一d印象都無，乜我有答應過佢咩？
 
我：「之後你有響門口等我？」
 
雅琳：「等左你半個鐘呀，衰人！」
 
呢一刻我個心終於安樂翻，起碼可以確保我響學校門口無撞鬼..
 
我：「咁咪好lo，淋花淋咁快，證明你有做園丁既天分。」
 
雅琳：「屌，你再講呀拿！」
 
我笑住講：「對唔住lo，咁你做pokemon都ok既，反正你咁鍾意哩草叢..」
 
佢突然停低，咬住嘴唇，勁用力咁拍向我背脊。我反應不及，被逼硬食一野。
 
「哇屌，謀殺咩宜家..」早知就裝多兩本書，個背囊空得濟搞到赦得個半成力。
 
「死矮仔，串我呀拿，踩死你。」
 
佢一邊扯住我既衫袖，一邊發曬顛咁踩我對鞋，我推住佢膊頭，然後不斷向後退。
 
「喂講笑咋，咪咁認真。」說話之際，我對鞋又硬接左兩下。
 
「哼，以為道歉就無事呀！」佢抹左下汗，然後繼續進攻。
 
周圍既人已經比我地吸引，企響到望住我地，但王雅琳一於少理，硬係要發洩左先算。
 


「OK，我投降，對唔住雅琳姐！」