戀愛沒有那麼甜(18+) 低糖作品 女同小說: 3.

2013-12-1
11:30 Studio
ISO 80

尋晚最後攪到5點幾先可以返上樓, 記得婷唱完「你把我灌醉」後再繼續唱左幾首輕快的歌曲, 隨後又有其他客人陸續上台獻唱, 整個SHOW到3點才完結
完場後, 我同已經玩癲左的RO走到吧台賣醉, 依稀記得有個3位未夠20的妹妹曾經走埋黎, 但我地自顧自玩, 都無乜印象點理佢地.....之後都開始斷片.....

「個位one piece叫婷嘛....」
回想起佢尋晚同RO玩到好high的樣子 



「你所打的電話暫時未能接通....」
「唉...............」望著電話內S的更表
「今日你唔係收11嘛....?」

S是我女友, 醫院急症室的護士, 一齊左快8年 

當年我同RO係city過住瘋狂又無顧慮的大學日子, 有次RO佢出placement要帶組去醫院探訪, 順利成章, 讀soci百無了賴的我成為佢恒常義工之一個次帶住幾個初中生去醫院探訪, 遇到當時都係出緊placement的實習護士S 


「其實可唔可以唔好每次都搵我黎做埋D蝕錢野!?」


當時我23歲, 地點係醫院大堂

「咁多年老友, 唔係見死不救嘛??」RO搭著我膊頭道
RO:「況且, 你都無野做, 你份FYP又唔見你開波, 咁得閒無理由唔捉埋你來呀, 我一個邊帶到咁多件細路做services先......」
「唓, 你唔搵你~個位係讀Stat識個位, 好~同學幫手~?」
RO:「咩呀, 邊有呀, 個個都唔熟........人地讀marketing架, 邊得閒....」

 RO說罷即轉向佢班仔, 一共6人的初中義工「好啦, 今日我地來東華醫院係要做探訪...」

接下來繼續講解探訪病人的要點及注意事項, 辨理手續後一行8人由入到一間男長者病房


我地分2批, 我同RO各自帶住3名學生走到病床前慰問病人, 我講完開場白後交由3位學生繼續與5號床的老伯傾談

眼見病房的入住率唔高, 好多空置的床位, 心想呢間療養院的護士同醫生真係得閒...... 

「呀!!?你做咩呀?」
見到我背後7號床有位護士正雞手鴨腳地協助一名病人過床, 但面容尷尬地護住衣領, 表情有D激氣, 相信係俾7號床的大叔係趁機抽水

「哎呀, 姑娘仔你咁唔小心的, 我整到腳啫, 你唔洗整埋我隻手嘛」大叔作狀手肘被撞到
護士:「先生, 麻煩你尊重D, 明明你頭先扯住我件衫領」
大叔:「哇, 姑娘仔你仲惡人先告狀, 信唔信我投訴你啦!!?」 

「咦, 同學, 頭先岩岩好幫伯伯映左張相架, 應該映到D野, 拎來望望」
我拎起一直由學生保管的數碼相機

「呀, 唔知有無映到有人非禮護士呢?」我提高了聲音道



「喂, 細路, 你地映到咩呀?」大叔隨即將矛頭指向我「我咩都無做喎, 你映到D咩呀?」
「唔係呢, 明明見到好似有人話要投訴俾人整到手肘同埋非禮喎, 有埋證據咪一齊拎俾差佬睇下囉~」
「無D咁的事, 我邊有整到手, 痴線」大叔即拉起被合上眼作休息

「Thank you~」護士仔收拾好經過時向我細聲道
由於探訪的service之後仲有, 護士仔為左答謝我上次的幫助, 話要請我食飯, 結果兩個就好自然走埋左一齊