戀愛沒有那麼甜(18+) 低糖作品 女同小說: 4.

2013-12-1
16:00 Studio
ISO200

咯咯, 咯咯
我放低唔知執到第十幾張伴娘的暗粒相後, 望一望電腦上的鐘, 已經4點S佢有鎖匙, 呢個時間有人打擾的, 應該得RO同佢哥哥康 
「喂, 咁得閒??樓下唔洗做咩?」係康
康:「唔係呀, 我上來傳話, 呀妹話打唔到俾你呀, 叫我上來睇下你係咪死鬼左」
康其實都幾長氣, 拍得住佢妹妹.....「無理由呀........」
我拎起電話「哎, 頂, 難怪S無打過來啦, 個叉電插頭係無插到.........」


康:「哇, S佢今日返咩更??你洗唔洗打返俾佢?」
「佢好似係收11, 借你電話一用」我搶去康剛遞過來的手機打俾S 
「喂?康??」S的背景好嘈, 唔似返左屋企
「係我, 電話無電, 你係邊?」S:「難怪你無打黎啦, 無呀, 同左同事去買野, 而家係灣仔」
「唔......你唔會主動搵我嘛?」枉我一直係到等你.......
S:「知你尋晚彈完野, 都唔會早起身啦, 咪無嘈你囉」S答得很理所當然
「..........咁........你買完未?」我努力地扮無事, 強忍我的不滿「我餓, 起身到而家未食過野」
S:「唔.......我想食scone, 我過來stage食」
「ok」之後我轉向康道
「我沖個涼, 一陣落樓食scone, 佢會過來, 幫我落定杯hot choc 少甜走cream」康應左聲便落樓



 係Stage呷著我杯少甜的hot choc等左大約半個鐘後, S同個女仔帶同幾袋戰利品出現
「Hi」S簡單一句便同相信係佢的同事坐係我對面
唔知由幾時開始, S佢唔想向佢的同事公開我地的關係 
「Hi, 我叫敏, 你係S朋友?」該名予人賢淑感覺的女同事向我道
「Kin, 你好」我都懶得去澄清, 只係配合做"S的朋友"

 S:「呀康, 我要食scone呀, 仲有無?」
康從吧台探頭出來大叫「Kin叫我留起左俾你啦, 你咁遲先到~」
呢個時候, 好的朋友, 就算明白你的立場, 仍然會為你出一口氣S向康白了一眼, 佢的同事好像純真到聽唔到康的反諷一樣, 問道「呢度的scone好出名架?」


S踢我一腳後, 就同敏講剛才血拼的戰績 

「今日真係多謝晒你同我去買野, 返去我實會著俾我男友睇, 聽日見」約2小時的賽果分享後, 敏滿足地帶同佢的一袋二袋離去

S:「衰人呀, 呀康係咪特登架」
「佢只係講事實」我作無奈狀, 並拉佢埋來想錫佢已嘟起的咀
S:「街黎架!!」將我推開「俾人見到點算!!」
隨後走回Stage內檢視佢的戰利品

 若早在幾個月前, 佢同樣的動作, 會令我心痛一輪, 會諗係咪佢唔再愛我, 連簡單的錫都唔俾.....
不過, 而家好d, 都唔知呢D係咪人地叫的老夫老妻, 感情轉歸平淡的心態....