戀愛沒有那麼甜(18+) 低糖作品 女同小說: 2.

2013-12-1
00:30
半山STAGE
ISO3200

STAGE最多人的日子就得星期五同星期六晚, 其餘的日子好靜局
「 一間離蘭桂咁遠的清吧, 唔方好生意得去邊.... 」康係佢3年前買入時咁講 

我同佢2兄妹中學後一直都有夾開, Ro彈結他, 我打鼓, 康揀左比較沉實的bass, 我地3個一直都希望有個自己的band房, 而家各自出來做野後搵到D錢, 搵左一輪先搵到價錢相宜的奧卑利街一個位置。



 當時我係雜誌社的工作不順, 正考慮緊籌組自己的studio, 剛好呢個位置樓上招租, 就順理成章地租埋樓上的單位, 開始左我SOLO攝影師的工作。 

康接手後張一半的位置放左個台係到俾人夾BAND, 其餘的位置則維持原有的吧台同幾張檯, 康都搖身一變做埋間吧的老闆兼bar tender, 日頭呢度係cafe。
當然, 呢度就變成我同RO個成日浦頭的地方, 貪佢有免費餐飲同band房。租埋樓上後, 我一日三餐都係靠佢。  

「KIN~~~~~~」Ro係台上對住咪尖叫著, 全場都順住佢的目光轉移到我身上, 習慣獨處的我實在唔慣成為眾人的焦點, 我急速閃到我set鼓的專有位置, 找回些微的安全感

「黎左啦」我向一旁的康苦笑
「Ro你咁尖叫法, 都唔明你做咩B, 麻煩你下次索性留返把頭髮做G啦」
Ro:「哼, 你又唔知我幾~掛住你, 唔止我添, 佢地都係~」指向台下3名未夠20的少女身上, 佢地順住我視線又一輪叫囂 



「唉..........今晚彈咩呀?」
康:「收緊紙仔咋。我落去交帶下新來兼職個哥仔, 你Set住野先」
康走向吧台上向一位年約25的後生仔走去

Ro面向台下道: 「歡迎今晚大家來臨STAGE, 我地繼續今晚的live 點唱, 大家如果有咩想聽的歌, 都可以寫低交俾我地」 

「可唔可以上埋台唱先?」台下一名男顧客叫著
RO: 「喔, 新提議喎, 反正我唱左一晚把聲都開始沙, 大家有咩想唱的話, 上來講低俾我地知」 



台下因為RO的新提議擾攘一輪後,上台向我遞上紙仔, 上面寫住「GEM 你把我灌醉 – 婷」

(佢叫婷?)我不禁再望這位面目標緻、留一頭清爽的中長髮的女士多幾眼 
Ro一展佢社工健談的個性, 「你叫....」搶去我手上的紙仔「喔, 婷, 你好, 我係RO, 係今晚的結他手, 呢位chok住望你的, 係KIN...」隨即指向我
(RO你係報仇嘛??!)
「Hi」我簡單地回了一句婷向我笑了笑, 隨即尷尬地向RO抗議, 「原來係台上勁緊張!」

RO: 「咁你ready未?」佢輕拍婷的膊頭以示安慰「你ready我地就開始」 


「5.4.3.2.1」我敲著鼓棍, RO彈出intro後各人有默契地配合 

「開 往城市邊緣開把車窗都搖下來
用速度換一點痛快孤單
被熱鬧的夜趕出來卻無從告白


是你留給我的悲哀
哦 愛 讓我變得看不開
哦 愛 讓我自找傷害
你把我灌醉 你讓我流淚
扛下了所有罪 我拼命挽回
你把我灌醉 你讓我心碎
愛得收不回 嗯... 」