點...點解......我一起身變左女仔架!!!!???: 第二章 新同學小花
第二章 新同學小花
上左幾堂之後，又到左ＬＵＮＣＨ既時候。。。但係我估唔到自己可以咁好運，小花行過黎同我講。
小花：小風同學可唔可以同我一齊落去食？？我唔係好識路，又冇朋友，你係我係呢間學校第一個朋友啊
我：緊係可以啦，行囉，（我唔理啊龍就自己同小花落去左食）
我地一路行就發覺好多人望住我地，可能未見過女神同毒撚一齊行，不過我聽日都要去子如屋企睇電影，真係諗起都興奮，我諗小花都發覺好多人地望住我地。
小花：做咩咁多人望住我地既？？
我：有邊個唔望靚女架？？（我唔知做咩講野又正常返）
小花：口花花
我：。。。（我冇講到野，但係我發現小花塊面紅哂）
我地係眾目睽睽之下行左入學校既小食部，我幫小花買左個三明治，我自己就買左個三明治同魚旦食。我坐低左之後
小花：係呢，你唔問我做咩中五先黎轉校既？？
我：我諗你有你原因既。
小花：係啊，其實我係因為搬屋先會轉校。
我：咁你本身讀邊間架？？
小花：我讀觀公架本身
我：哇，咁你咪好勁？？
小花：邊係呢
我地就係咁自由自在咁傾左一個ＬＵＮＣＨ，但係我上去之前又見到子如望左我一眼，不過唔理啦，反正聽日都可以上佢屋企（一諗到呢到就有啲興奮）於是我就
同小花上返去，啊龍就行過黎同我講。
啊龍：哇，咁快得米。
我：得咩米姐，小花話佢唔識路，我先同佢落去。
啊龍：哇，叫埋人小花，仲唔係有路。
我：係啦係啦，我同佢有路，得未？？
放學果陣，子如行左過黎提我聽日記得去佢屋企，當然，有好多子如既兵同狗公都帶住一個仇視同萄葡既眼神望住我，但係去女神屋企既機會係我既，哈哈，你地
恨都恨唔黎架啦。做子如隻兵跟係後面啦，哈哈。我就同啊龍行左返屋企。當然我一返到去緊係開電腦打機啦，聽日仲要係星期六，雖然聽日約去左女神屋企，但
係佢唔會咁早叫我既，於是我果一晚就挽到兩點鍾先訓。但係由於我太興奮既關係，我係床上面訓左好耐都訓唔到，一諗起聽日可以去參觀女神屋企同埋女神既生
活就好興奮。。。叮噹叮噹叮噹叮噹叮噹叮噹叮噹，
我：哇，邊個咁早禁我屋企門鍾
子如：係我啊，你唔記得左今日要黎我屋企咩？？
我：喔喔，子如，緊係記得啦，但係你點解會知我屋企係邊既？？
子如：你咪理啦，係喎依家咁早，不如去食個早餐先？？
我：喔，好啊，咁等我換左衫先，你入唔入黎先？？
雖然我屋企唔係大，但係都有三間房，一個廳
子如：緊係要啦，出面咁熱，快啲比我入黎啦
子如：哇，你屋企咁亂既？？
我：係啊，我屋企人出哂去公幹，基本上都係得我自己一個住咁。
我行左入房，係到諗緊著邊一套衫好，但係由於我係一個毒撚既原因，我屋企都係得幾件衫，因為平時我根本就唔會出街，我係個衣櫃到拎左一套Ｕ記就出左房，
我一出到房，就見到子如係我屋企到參觀。
我：子如，你冇上過男仔屋企架咩？？
子如：冇啦，你條底底啊，周圍放。
我：咁我平時屋企都冇人上黎既。
子如：哇，你套衫係邊到買架。。。一啲都唔岩你著囉。
我：我平時都唔出街既。。。屋企都冇咩衫。
子如：反正依家咁早，你帶多啲錢，我地食完野之後陪你落去買衫啦。
我：吓。。。是但啦（哇，女神陪我去買衫）
於是我同子如就落左去樓下間吉野家到食野，但係我地去到吉野家果陣就見到一個好熟面口既人。。。我慢慢咁行過去，點知係小花黎。
小花：咁岩既，自己黎食？？
我：唔係啊，我同子如黎食。。
小花：子如？？邊個黎。
呢個時候子如行左過黎，哇，兩大女神碰見既畫面好震撼。
子如：你好啊，我叫子如。
小花：你好啊。我叫小花，不如我地一齊食？？
子如：好啊，小風，好唔好？？
我：緊係好啦（有兩個女神同我一齊食野，望住佢地食都飽啦，哈哈）
於是我地買左三個牛肉飯就坐低左。
小花：係呢，你地識左好耐架啦？？？
我：都係掛（其實我同子如識左差唔多有四年，但係講得幾句野）
子如：係喎，小花，等陣小風反我屋企睇電影喎，一齊？？但係我要陪小風去買啲衫先，你望下佢著緊啲咩，一啲都唔岩身囉。
小花：好哇好哇，我因為岩岩搬過黎，唔係好識路，周圍行下都好喎，行完之後再上你屋企睇電影啦。
於是我地食完野之後就一行三個人，一個毒撚加兩個女神行入商場，我地一入到商場，唔小得啲萄葡既眼光啦。我唔知做咩自己行行下會去左Ｕ記既門口。
子如：仲去Ｕ記，傻架你？
我：我唔知做咩自己行行會黎左Ｕ記。。。
子如：跟我黎啦。
於是我跟住子如同小花行左去一間看似好高級既買衫店到。係我入去果陣，店員都帶著一個仇恨既眼光望住我，可能係因為我帶左兩個女神入黎啦，又可能係我全
身都Ｕ記既原因。我不停比子如同小花兩個女神係咁推入更衣室，我好似變左一個模特兒咁，終於都換左一套佢地兩個都滿意既衫出黎，跟住我地就行去比錢，
一望下個價錢，哇，我呢一套衫要三千蚊。。。不過算啦。。。咁難得有兩個女神陪我出黎買衫。。。比完錢之後我覺得我個銀包係到滴緊血。。。
小花＆子如：咁樣咪幾好睇，冇哂啲毒味。
我：係咩，咁要多謝你兩個啦喎。
小花＆子如：緊係啦。
小花同子如都買左小小野先走，小花就買左條迷你裙，子如就買左個手挽袋，小花條迷你裙真係睇到人流哂鼻血，要突既地方都突哂出黎，真係好正。。。
於是我地三個人就出發去子如既屋企！！