點...點解......我一起身變左女仔架!!!!???: 第三章　女神的家

第三章 女神的家

我同子如同小花行到一個看似幾高級嘅住宅區，唔怪得子如好似要咩就有咩咁。。。原來係屋企有錢，我想問佢果陣。子如就開左口。

子如：前面就係我屋企啦。

小花：哇，子如你屋企好有錢架？？？（比小花問左我想問既問題。。。）

我：係囉，子如你屋企好有錢架？？？



子如：都，都有小小錢嘅。

我：你屋企人返哂工？？

子如：係啊，佢地去哂公幹。

子如：我屋企成日都得我一個。

我：咁岩既，我屋企人又係去哂公幹。



子如：我知啊。

我：你又知，我有同你講過咩？

子如：係啊，傻仔，咁都唔記得。

我：（諗左一諗）又好似係喎。。

子如同小花：記性咁差架你。。。（兩個女神係到偷偷笑）



話說，我地一邊行一邊傾，已經到左子如嘅屋企門口。

子如：仲企係門口做咩。

子如；快啲幫我放啲野入黎啦，好重啊。

我一入到子如嘅屋企就發現佢屋企同我自己幻想嘅一啲都唔同，我幻想中既女神，啊唔係，女仔既屋企都係粉紅色牆身。反而子如屋企係用白色同黑色為主，好有

摩登既感覺。

我幫子如放低左我地岩岩買既衫。

子如：我去換左依家件衫先，小風同小花你地可以睇下電視先。

子如：我好快就會出黎架啦。（講完就入左房）



我：依家邊有人會仲睇電視架，ＣＣＴＶＢ啲劇咁膠。

小花：係囉係囉，我都好耐冇睇過電視，平時開電視都係因為個屋企好似會熱鬧啲我先開。

我：我都係。。

就係咁，我同小花傾左一陣計。子如之後就拎住一隻ＤＶＤ出黎

我：呢隻咩黎架？？？

子如：呢隻叫活死人黎明啊，我一直都好想睇，但係我自己睇又驚。

小花：哇，呢隻我都想睇好耐架啦。



小花：之前揾左好耐都揾唔到。

子如：咁就岩啦，依家一齊睇啦。

子如講完就行前放左隻ＤＶＤ入ＤＶＤ機到。

我地三個就坐左係大廳個沙發到。

坐發係咁既。　　　　小花。我。子如

電影終於都開始左。原來呢套電影係喪屍嘅電影，唔怪得佢地自己唔敢自己睇啦，我依家都睇到有啲驚。

電影去到中段嘅時候。男主角因為要救女主角，所以男主角用佢自己嘅身體換左女主角既生存。

呢個時候，我發現子如有一點眼紅。小花的眼角都好似有啲濕。



我：哇，你地兩個，睇喪屍都會睇到眼濕濕嘅。

子如：你識咩姐。。。好感動囉。

小花：係囉，我都覺得好感動，個男主角真係好愛個女主角

我：。。。。。。（無言中）

但係部電影經過啲所謂（感動）嘅情節後，都有啲好恐怖既鏡頭，嚇到小花同子如一人拉住我一邊，雖然我幾鍾意咁樣。但係我件衫新買架。

我：喂啊，我件衫新買架，比你地扯到大哂。。。

子如：唔。。。唔好意思囉。



小花：唔好意思啊小風。

其實我基本上冇咩睇過部電影，我一直都係到欣賞緊佢地既側面，佢地嘅側面真係好靚，佢地兩個大個左之後一定會仲靚。

子如同小花好似都發現我一直望住佢地。

小花：做咩係咁望住我地既？？？

子如：係囉，你好似望左我地好耐啦喎。

我：邊有姐。（我一直否認）

子如：咁你答我，岩岩女主角頭先做左啲咩。

我：呃。。。佢唔係一直比喪屍追緊咩？？？

小花：傻架你。。。（偷笑）呢部電影由一開始啲人就比喪屍追緊架啦，唔怪得子如叫你傻仔啦，傻仔風。

我幾時又多左個名叫傻仔風架。

我：。。。咁佢真係比喪屍追丫嘛。

子如：係喎，你仲未答我地做咩係咁望住我地喎。

小花：係囉，係囉，快啲答。

我：冇。。。因為你地兩個都好靚女囉，我先一直望住你地。

子如同小花：真係？？

我：係啊。

子如同小花：口花花（佢地兩個塊面都有小小紅，好似紅蘋果咁，好可愛）

我：好啦，我地睇完電影做咩好？？？？

子如：唔知啊。

小花：我約左朋友食飯啊，今日我有朋友生日。

我：咁，小花你返去先啦。

小花：好啦。

小花：係喎，小風，你記得聽日要教返我之前啲野架呵？？

我：緊係記得啦。

小花：好啦，咁我走先啦。

子如：好啦，拜拜啦小花。

我：拜拜小花。

小花講完之後就出左門口，但係小花唔記得左拎返佢自己買既野。

我：子如，你返學果陣拎返比小花。

子如：好啦，佢又咁大頭哈既。

我：咁我地依家做咩好？？

子如：不如我地去食野？？我好肚餓。

我：都好喎，我都有啲肚餓。

我地就落左去樓下嘅大排檔到食野。

我越黎越覺得子如太完美，唔會理自己嘅型像，又唔會對人冷漠，又冇港女性格，唔怪得咁多人鍾意佢啦。

我同子如都叫左３０幾蚊一個餐有野飲，唔知係唔係因為肚餓既原因，我同子如都好快就食完左個餐。我地各自比完錢，我就提議不如回家。

子如：仲咁早，不如去陪我去食甜品先啦。

我：哇，小姐，你唔係岩岩食飽炸咩？？

子如：你冇聽過女人有兩個胃既咩？？？另一個係用黎裝甜品架。

我：下。。。

子如：好啦，好啦，去啦，去啦（子如好似個細路求自己父母帶佢去買糖咁）

我：好啦，好啦，怕左你。

子如：好ＹＡ

我：咁我地去邊到食。

子如：我知邊到有！跟我黎啦。（講完之後就拖住左我隻手）

原來女仔隻手係咁架，不過我感覺到自己塊面都有啲紅，可能係我啲毒撚性格又出左黎。

行左冇耐，我同子如就停左係到。

子如：啊，唔好意思，我唔係突登拖住你隻手架（講完就放低左自己隻手）

我：喔，唔緊要啦。

子如：咁我地行囉。

我：恩。

我地去到一間叫小馬咖啡嘅地方，子如好快就叫左幾個甜品，我都叫左一個布丁食，味道真係唔錯。

我同子如食完之後就講再見，之後就各自返到屋企。

返到去，我見到有幾個信息揾我。

小花２１：０３（聽日你想幾點？？？）

小花２１：０４（我聽日全日都好得閑）

小花２１：１２（你去左邊？？仲係出面？）

小花２１：１３（喂喂，傻仔風去左邊）

我見到之後回左佢幾個信息。

我２１：５０（聽日。。。１２點好唔好，唔想咁早起身）

我２１：５１（冇啊，我同子如食完野就返左黎啦）

小花好快就回左我個信息

小花２１：５１（咁好啦，就１２點啦，到時見）

我２１：５１（好啦，到時見）

然後我就去左沖涼，沖完我就打開左電腦，一日冇見既電腦啊，好掛住你，我開左ＬＯＬ，同啊龍佢地挽左幾場ＬＯＬ之後有啲累

我就同啊龍講。

我：喂啊龍，我有啲累。遲啲先挽。

啊龍：好啦咁。

於是我呢一日就好早上左床。

但係我估唔到聽日發生嘅事改變左我既人生。