點...點解......我一起身變左女仔架!!!!???: 第一章 毒撚人生
第一章 毒撚人生～
叮叮叮叮叮叮叮 ， 煩人的閙鍾聲又響起 ，過完一個暑假之後，又到左開學既日子 ， 我起身沖左個涼就準備出門口返學 ， 啊係 ， 唔記得自我介紹 ， 我叫杜小風
， 今年中五 係 如風中學到讀緊，唔記得講 ， 我仲係一個身高冇１８０又樣衰既毒撚，我平時係屋企都只會打機，我行到巴士站之後上左架巴士落車之後，就見到
我由中一識到中五既好基友，佢叫啊龍，啊龍份人好單純而且都係一個毒撚樣再加上１６５既身高。
我：咁早既啊龍。
啊龍：仲早？？行快啲啦就遲到啦 屌。
我：咁跑啦！！
我同啊龍就用左平時用黎追巴士既速度跑返去學校，姐係龜速，一上到班房就有好明顯既分左三堆人，一堆係讀書既人，佢地既身上發出濃濃既書卷味，仲有一堆
人係ＭＫ仔，佢地冇惡不做，但係個個都有女，而最後就係我地既毒撚堆，我相信每一個毒撚心中都有一個女神，我都唔例外，我既女神就係Ａ班既 子如
黃子如，佢係學校入面既公認女神，每一個毒撚既目標，可惜我係一個毒撚，根本就冇機會可以食到女神，只可以係佢身邊守護佢，姐係做兵。。。
話咁快就到左ＬＵＮＣＨ既時間，但係我間學校得帶飯返黎，食飯商啲飯，仲有下面既小食部，有食過學校飯商既飯就知道有幾難食，所以我同啊龍都選擇左落下面
既小食部到食野。
我：喂，啊龍，果到做咩咁多人既？？
啊龍：緊係啦，你女神黃子如係果到喎，啲狗公仲唔衝過去？？你仲唔快啲衝埋過去？？
我：我先冇佢地咁得閑，同埋我要保持我自己既型像。
啊龍：屌你，你都有型像既咩？？？？唔好挽啦。
我同啊龍食完野之後就上返去班房，唔知係唔係我有錯覺，我走之前好似比子如望左一眼。
我：喂，啊龍，我頭先好似比子如望左一眼咁，唔知佢係唔係對我有意思呢。
啊龍：好心你啦，咁大個人仲ＦＦ。又唔係生得靚仔，又冇錢
我：唔係呢，佢好似真係望左我一眼喎
啊龍：係啦係啦，好勁喎
死啊龍，死都唔信我，不過佢又講得好有道理既，我都係唔好自己ＦＦ咁多，上完左幾堂悶死人既堂之後就到左放學既時候。當然我返到去緊係開電腦打機啦，我
揾埋啊龍既朋友挽ＬＯＬ，開哂ＲＣ係到等人，打到咁上下果陣，有人打比我，我叫啊龍幫我頂左個位先，好快返，我就聽左個電話。
我：喂？
？？？：喂，小風？
我：係啊，你係邊個？？
？？？：我係黃子如啊，唔知你對我有冇印像？？
我：緊係有啦，子如同學好出名架喎，點會唔識。（嗚啊，女神揾我啊！！！！！ 唔得，我要控制自己既情緒）
子如：唔好挽啦，我邊到出名。。。
我：咁啊，子如揾我做咩？？唔介意我叫你子如架呵？？（唔知子如揾我做咩呢）
子如：唔介意，其實呢，我揾你係想你陪我睇部電影，我想睇好耐架啦！一直都揾唔到人陪我睇，自己睇又驚喎
我：好哇，我陪你睇啊，係邊睇？？？但係我唔知果日得唔得閑架喎（其實我日日都得閑架：）扮下多人約先）
子如：就後日，我屋企啦，好唔好，我連碟都買左架啦。
我：緊係好啦，到時見。（哇！！要上女神屋企啦）
子如：到時見啦，小風，拜拜
我：拜拜，子如（子如頭先叫我小風啊！！好興奮）
由於聽日要返學，我好早就上左床，果一晚我都係床上面一直都訓唔著，一直都係一個好興奮既狀態，希望可以快啲到後日啦。
又係新既一日，我帶著一個黑眼圈慢慢行到班房門口前面，發現有好多人企左係我班房門口到，我一行入去就見到有一個新既面孔出現係我地班，仲要坐我既隔
離，我心諗呢幾日做咩桃花運咁好既，我慢慢咁行返我個位到，我望住個新同學，我發現佢有一對好水好大既眼睛，瓜子臉，豊滿既身材，仲有一對殺死人既長
腿。
李小花：你好啊，我叫李小花，你可以叫我小花架，今日係我第一日係呢到返學，多多指教。
我：呃呃呃，你好。。。。啊，小。花。。同學（哇，真係好靚女，搞到我講野都停下講下咁）
小花：係呢，你可唔可以教返我你地琴日個課程啊？？？
我：緊係得啦，你想幾時？？（雖然我唔係讀書好勁果啲，但係我琴日聽既野都明，教佢應該唔係問題）
小花：聽日得唔得？？星期六
我：對唔住啊，我聽日約左人，一係星期日啊，好唔好？？
小花：好啦。。。
上左幾堂之後，又到左ＬＵＮＣＨ既時候。。。但係我估唔到自己可以咁好運