如果你既人生好似打機一樣……: 6.9, Facebook有好多你ADD完之後其實都唔會再理既FRIEND

番到屋企，老母仲未探完親，初五喇喎，洗唔洗探咁耐？
 
九點幾鐘，咁早訓又太健康，所以我沖完涼之後又再登入online game.
「波仔，你今日去左邊？」
「水牛約左我去打波。」
「你唔叫我？」諗番起上次老麥單野，我都係唔敢再帶毒撚方去有女既場合。
「我以為你有副本打丫嘛？」
「有街去我梗係去下啦！」依句說話好唔乎合常理，由呀方講的話。
「你條毒撚個屎忽癡住左張凳，會出街架咩？」
 




「咁你就錯喇，後日得唔得閒？」
條毒撚想約我去街？唔通又係啲乜野毒漫節？
「想點？」我戒心非常之高，因為我怕去到果啲地方會毒到抖唔到氣。
 
「我地團網聚丫嘛？你唔知咩？」
咦！我地團網聚？
 
「點解我唔知架？」我好興奮，因為見網友可以話係一個好刺激既體驗。
當然，唔好彩的話亦都可以係一個令美好幻想破滅既體驗，我見過無數係game入面好恩愛既「夫婦」，出到黎見完面之後就散左。
 




「你依幾日咁小出現，我地傾果陣你都唔知啦。」的確，換轉係以前我新年假一定每日玩至少十八個鐘。
「咁網聚做乜？」依個都係好重要，如果網聚都仲係落網吧又真係幾灰。
雖然十幾人一齊打副本，一齊尻嗌真係幾爽，但係我想脫毒。
 
「佢地好似話bbq。」哦，原來想拍大結局。
 
「好囉，反正都無野做。」
「約實你，咪飛機我！」雖然同毒撚方出街好危險，但係見既係一早慣左佢既人，所以應該無問題……
 
掛……




 
聽日有武術堂，所以求其解左啲每日任務我就準備訓。
 
訓之前上一上fb，醒起有條女可以add。
j……j乜撚野呢！
 
仆街喇，我竟然記唔實個名點串！
 
「喂，毒撚。」我msn密呀方。
「又話要早訓？」
 
「知唔知隔離班有個女仔叫李茉？」我問左一個最無可能知既人。
「李乜話？李蘊？」果然，佢個腦剩係得精液。
 
「蘊你老母，李茉，茉莉呀！」




「兩個人黎？」
 
「妖，我竟然戇尻到問你！」
「等等……你講果個tb？」
 
「係呀係呀！」毒撚方竟然識佢！？
「做乜提起佢？睇中左佢心口果兩舊肉？有呀飯仲唔夠？」
 
「你好蟹煩，都話我唔食飯架囉！」
「轉左行食肉？得啦，明架喇……我中一果陣同過佢同班，不過之後就好小傾到計。」毒撚方原來係三次元都有異性朋友！
 
「知唔知佢同水牛有無咩仇口？」
「咁真係唔清楚喎，但係學校入面都無乜幾個女仔會討厭水牛架啦，我估應該唔會掛。」
但係我今日好清楚咁感受到茉莉對水牛既厭惡。
 




「有無佢facebook？」
「無喎，不過佢英文名好似係j字頭……j乜野呢……」
 
「屌，收皮啦文盲！」
睇黎都要靠自己搵。
 
上facebook個搜尋欄到打個lee字，得一個人係j字開頭又有共同朋友。
Janice仲唔撚係你？
 
我add完之後，就靜待回覆，未有回應。
等緊既時侯，我都上facebook求其睇下朋友有咩尻up，但係大多數都係玩完game po出黎果啲on9訊息。
 
「喂！」
由Michelle Rice傳來的訊息。
 




「點？」我依然唔知依條友係邊個，我剩係知道佢係一個重口味叔控。
「今日去左邊？」我對三唔識七既人亂咁問我野好反感，但係出於禮貌，我都係答番佢。
 
「我去左拜山。」
「新年流流你拜山？
 
「去左同朋友打羽毛球呀，得未？」我隨意敷衍佢，反正講左出黎又無蝕底。
「同水牛？」
 
「係，仲有一班囡囡
「哦……」
 
依條友話唔定識茉莉喎。
 
「係喎，你識唔識Janice？」




「Janice？衛蘭？」依條友同呀方一樣，係到扮幽默。
 
「茉莉呀！」
「你講Jasmine呀？識呀，我早幾年同佢好熟。」
 
「有無佢facebook？」
「無喎，我開始玩facebook果陣已經好小同佢聯絡，不過我估你打jasmine lee就應該搵到佢。」皇天不負有心人。
 
「無啦啦搵佢做乜？想溝人？原來你鐘意啲大波既#HEHE# 」
「醒下啦，佢lesbian黎架！」
 
「#SHOCK #」
仲話同人熟，連人地係les既都唔知……
 
「喂我唔同你講住，聽日見#BYE# 」
「拜拜」聽日見？我識你老鼠咩。
 
傾完之後，我寄左個交友邀請比茉莉，然後醒起一個問題。
咁即係我同個唔識既人sd左交友邀請？

未，未有人回覆我，唔通佢已經對我失去興趣？
Fine，其實@完之後好大機會都只係hi-bye friend，所以我其實都無乜所謂。
 
打開online game，做左啲琴日未做完既每日任務。
依家只係朝早十點，通宵既人訓晒，其他人又未起身，所以團頻人唔多。
 
「聽呀夜講你黎喎。」如果各位唔記得左的話，等我提多你地一次　－　呀夜係毒撚方既網名。
「係，反正無野做。」
 
問依句既，係同毒撚方有曖昧關係既團醫　－　蜜糖。
醫師同坦熟，用遊戲角度黎諗其實都覺得好正常。
 
可惜，依個關係聽日就會終結。
 
「仲有乜人會黎？」網聚出到黎如果得小貓三四隻其實真係幾灰，都係多啲人好玩啲。
之後蜜糖講左一堆名出黎，基本上都係平時打副本既固定班底。
 
好期待，依班好熟悉但係又素未謀面既人會係點架呢？
 
我係法師，所以一個人去危險既地方解每日任務其實都好麻煩，比幾隻野怪圍我就可以番屋企。
好彩蜜糖都無乜野做，所以佢陪我解每日。
 
唔同毒撚方，我覺得網上識朋友ok，但係網上搵女搵仔我就好抗拒。
網路世界可以話係一個革新既交友模式　－　佢可以係唔了解你外表既情況之下了解你內涵。
 
咁樣當然有好有唔好，好既係平時係生活中因為個樣生得衰而人緣差既人，可以係網路世界到展現自己既內涵。
而唔好既地方其實都好相對　－　睇到個好甜既名（例如蜜桃），你就會幻想到對方有個好甜既樣，但係一出到黎既時侯，你既最終幻想就會變成死魂曲，配搭埋以往既心跳回憶，你會寧願自己忽然患上Amnesia.
 
所以，做緊任務既時侯，我都刻意係對話既字裡行間保持距離，一黎朋友妻，不可窺。
二黎我亦都無呀方咁饑不擇食。
 
佢既對話加插左好多表情符號，亦即係所謂既表情撚。
不過我係唔受依一套，有人會覺得加表情符號會可愛啲，但係我個人黎講係比較鐘意直腸直肚既女性。
 
有英氣而且瀟灑既女性其實都好吸引。