如果你既人生好似打機一樣……: 6.8, 兄弟就係有不同價值觀依然可以搭住膊頭既人
「你叫我做波仔就得。」雖然係不能攻略既對像，但係識多個異性朋友都會好小小。
「我黎之前本身以為Joe性格唔港，但係結果一樣，以後我都唔會再同佢出街。」
「下？你唔怕比人杯咩？」只要你講錯小小野，港女既majority可以針對到你傻，壓力好大。
「我梗係唔會講個原因比佢知啦，我唔講你唔講，佢唔會知乜事。」
「哦……」佢無考慮過我可能會為左好感度而踢爆佢，睇黎佢都幾單純。
「依家個社會話要男女平等，啲女仔要求同男仔有同樣既權利，但係另一方面又唔放棄自己以前已經有既權利；而且亦都無做到自己既義務……」
「嗯！嗯！」我極力點頭。
「以前女性處於弱勢，受到保護係應份；依家已經唔同，男女地位相若，可惜女性依然覺得自己係需要被保護既一群 － 就算佢地唔係。舉例黎講，佢可以用粗口鬧你，而你用粗口鬧番轉頭果陣，佢就會話：『搞錯呀，乜你咁蝦女仔架！』我好睇唔過眼。」
唔敢相信依一番話係出自一個Lespian！
我同茉莉呻左好多我平時受到既不公平待遇，我地出奇地好傾。
《茉莉好感度上升》
之後水牛就好似奧蘇利雲咁一野147左我地隊，於事又換番我上場。
我仲未對話成功既目標有呀JOE同爆處女。
呀JOE因為排名關係，我永遠都同佢夾唔到波……
而爆處女同我關係咁惡劣，除左撩佢開聲屌我之外，我真係唔知點先同佢講到野。
但係佢腹黑成咁，應該無咁易。
我球之後，雙方來來回回，水牛亦都無打到任何有威脅既球，好似特登咁。
然後紙巾打左球吊球，水牛即刻係網前截擊，好彩我反應快接到，仲將個波打到去佢地兩個都接唔到既位。
「Yes!Give me 5!」
「妖！」紙巾依然係唔多理我。
依家係場上既係爆處女同埋女同學甲，由對面開波。
雖然我地係雙打，但由於同隊既係紙巾，所以我覺得實際上係三對一。
要同爆處女正常對話應該係無可能，點算呢？
女同學甲開波，後面既紙巾接住打番過去。
之後我就一個人企係網前，但係無任何人有意識想打個波比我，我地果面場就得紙巾一個係後面接晒。
Fine，睇你班港女雞手鴨腳，支持得幾耐。
果然，女同學甲將個波唔小心打左黎網前，口中「弊喇！」一聲。
嘿嘿，你依家作出任何無謂既反坑都無用，我要射喇！
我一拍，成個波「伏」一聲就飛埋去爆處女個下腹到。
我係特登瞄架，你吹咩？
「噢，唔好意思喎，我屎波添。」
「你！」係後面既紙巾即刻走埋黎推我，其他港女應該過黎圍威喂。
「屎波姐，你都知啦，我邊有A屎咁好波？」
「你係咪特登架！兩次都打到人！」呀Joe問。
《任務：與出席的六名女生談話 5/6》
「傻啦，我邊有咁好波先得！」我頭先特登開左angry bird視窗射個三星波，你吹咩？
「…………」爆處女掩住下腹咁仇視住我。
我屌你條含家剷仲有咩招出。
「A屎你評下理喇！」女同學甲問一直坐左係到食花生既水牛。
水牛：「失誤好正常……我都會。」
你條契弟終於肯開聲幫我喇咩？
「我真係無心，最多依球唔計你地輸左，我地再打OK?」
你條含家剷，咁易就比你換走咪益左你？睇野啦！
發球權係對面到，好似頭先咁樣，個波比佢地三個人霸住，而且佢地依家寧願預遠小小都唔預近，我完全無機會食飯。
但係佢地依家已經阻唔到我依隻復仇之惡鬼。
個波打到去超遠，出硬界，而紙巾都唔諗住去追。
機會！
我即刻打開能力，周圍既時空變成一片灰白。我拎住執羽毛球拍咁飛奔去場外，見到一面呆然既紙巾個頭以慢動作望住我個身體而扭動。
嘿，依家先知衰太遲喇！
我即刻跳起，慢慢降落既羽毛球已經進入我射程範圍，擊球一刻打開Angry bird試窗，一拍落去發出既啪啪聲，同Tiger woods係各種場合下發出既啪啪聲一樣咁響！
依一刻個羽毛球就好似殖民星撞落澳洲咁，個波前進時擦出紅色既氣流，我既目標只有一個！
爆處女你條仆街我要顏射你！
係我精準既顏射面前，條女根本避都無得避比我射到成面都係。
爽！
個波擊中之後佢退左兩步，然後個羽毛球跌左落地下，同時間爆處女手中既球拍亦都鬆開左跌左落地。
成班女仔都用一個好驚訝既眼神望住我。
「……………」
爆處女成個鼻樑腫晒，哈哈，你都有今日！
「你塊面！」女同學甲見到之後即刻驚呼。
然後爆處女唔知係邊個百寶袋到拎左塊鏡出黎，發出尖叫。
「呀－－－－－－－－－－－－－－－－－－－－－－！」
真係好撚尖，我要用雙手塞住隻耳先頂得順。
「你條仆街含家剷，你係唔係玩既，射射射你射撚尻未呀屌你老母！」
《任務：與出席的六名女生談話 6/6》
《任務完成》
處女一句，全場靜左。
雖然啲女個個都知道大家係戴住面具做人，表面上同你好FD調轉頭可以同第個數尻你。
但係爆得咁徹底，我相信其他人都好意外。
嘿嘿嘿，一次過滿足晒我洩欲，解任務同拆穿佢面具依三個願望。
爆處女見到事到如今，即刻執野走左，亦都無人留佢。
「車，我都未玩夠。」我輕輕鬆鬆講出依句，其他女仔見狀都好驚青咁望住我。
《女同學甲、Joe、紙巾的關係狀況由討厭改變為恐懼》
唔比啲下馬威你班港女睇當我係病貓？含啦八婆！
「走喇水牛，唔玩喇。」我丟低個拍，去左自己果面張凳坐低。
成班女仔眼望望，但係無人夠膽出聲，因為無人想比我顏射。
而食花生食到熱氣既水牛牌無聲出，唔知佢會點諗呢。
坐低既時侯，茉莉拍我肩頭話：「有霸氣！」
「過獎過獎！」我笑笑口回答。
「唔似龐毅斯咁，扮晒好人咁無黎性格。」
「人人性格唔同姐，佢咁多公務在身，人緣差會好煩。」雖然我都有小小同意，但係水牛同我話晒都係兄弟，無理由唔幫佢辯護。
睇黎佢真係幾討厭水牛。
暫時黎講茉莉比我既感覺係，更加直賜直肚，唔似呀飯好多野收埋收埋，就算明知班女仔唔鐘意自己都會偶然一齊活動。
水牛拎晒啲球拍呀之類既野交番比體育館，平時係後面雞啄唔斷既狗乸眾都忽然鴉雀無聲。
比人嚇到聲都唔敢聲既感覺，依家就到你地試下。
「番去add我facebook，Jasmine Lee。」
「點……點串話？」點解要改啲咁難串既英文名？
「J-A-S-M-I-N-E, L-E-E。」
佢一粒字一粒字讀出黎，勁小學雞。
「得，得，今晚@你。」
「唔@都無所謂，純粹係忽然對你有興趣，可能番到去就無feel。」
做下朋友都要講feel，真係好mk。
然之後，成班女仔一齊話要走，茉莉亦都跟埋，剩低我同水牛。
我地求其叫左啲小食，就坐左係M記到。
「三點幾咋喎，無理由咁早番去呀？」我問水牛。
「波，點解你要咁做？」
「同所有人對話丫嘛？我成功左啦。」我咬開蘋果批，熱到仆街。
「我叫你同佢地對話，唔係對罵。」水牛帶有責怪既語氣。
「你都見到佢地咩態度啦，我係唔係要做死狗去乞佢地同我講野呀？」我有些少唔耐煩，如果眼前既唔係水牛，我一早走左。
「你要慢慢改變佢地對你既睇法。」水牛搖頭。
「洗乜慢慢？依家都改變左啦，唔好以為我係毒撚就可以恰尻我。」
「你覺得佢地怕左你係好事？」
「你又覺得樣樣野就晒佢地係好事？」幾乎同時間既回應。
一輪死寂。
我食完個蘋果批之後，水牛話：「你咁樣做同我當初既目的係本末倒置。」
「水牛，一個人唔多唔少都會有敵人，無必要為左遷就啲唔緊張自己既人而委屈自己。」
「咁自我係好事？」
「自我唔係一件好事，所以你都唔好夾硬將你果套代入我到，係你身上行得通唔一定代表係我身上行得通。我無你條件咁好，啲女仔唔會先入為主咁將我係佢地心目中既位置放得高。」講完一啖輪之後我飲淡汽水，等水牛既回應。
「我係為你好。」
「我知，我無懷疑過。」我將飲完既汽水放係枱上面，發出啪一聲，然後續道：「只不過，茉莉講得岩，我唔鐘意你依種咁唔乾淨利落既手法。除非你係享受做佛祖比女圍既感覺，唔係既話我真係唔明點解你要委屈自己同啲你根本見都唔想見既人hang out。」
「…………」又再靜左。
「落網吧？」
「好。」
之後我地打機食飯直落，全程都再無講過頭先果單野。
我唔想因為咁小事破壞同水牛既關係。