如果你既人生好似打機一樣……: 2.4, Matrix同Angry Bird有乜共通點？
其實由開波至今並唔係過左好耐，但係已經有四個人出左局。
正當我係到諗緊邊幾張相最表露到呀方既醜態之同時，D班已經換左人。
D班換入黎既係最後一隻狗乸，唔知佢地點解要收埋個矮仔，派多隻金剛出戰唔會更加好咩？
發球權係暴龍到，睇黎佢都好想挽回自己既臉子。
佢發出既球依然好有力，但係我地內場亦都唔差，到目前為止都毫無表現既Mandy出乎意料地接左暴龍既發球，然後將球擊回。
雖然佢瞄得唔係幾好，對D班內場無造成太大威脅，但至少無益到係D班外場守侯既猛獸猩猩。
於事，個波就係兩面來來回回，雙方既外場完全做唔到任何野，但唔同既係對方內場有兩個人係到阻手阻腳。
優勢！
膠著既戰況終於被打破，Mandy想捉實個波，但係捉唔到，而且仲失平衡趴左係地，係外場等左好耐既猩猩終於可以開餐。
「吼－－－－」猩猩發出其常粗獷既聲音，將個波扔向Mandy，當我以為Mandy係已死之人既同時，呀飯忽然補位，用手腕檔住個波力保不失！
「弊喇……」呀飯面有苦色，於事水牛要求暫停，而一直食緊花生既我同呀方就走上前睇下發生乜事。
Mandy同水牛分別企係呀飯左右，而呀飯就不斷扭動手腕檢查。
「好似傷左添。」呀飯輕描淡寫咁講，而係對面外場既猩猩都貌似好gentlemen咁上前關心。
「對唔住呀，我係咪整親你？」
「你洗唔洗咁大力呀？」水牛捉住對方件衫，用非常重既語氣問，火藥面甚濃，好彩猩猩並無發脾氣，如果唔係場波實打交收場。
「算啦，運動一定係全力取勝架啦，而且小小損傷實小不免。」
仆街喇，身為主力之一既呀飯竟然傷左，咁我地可以點打呢？
「你掂唔掂呀？」我問呀飯。
「未死得既，不過我諗我依家打唔到內場……」唔通今場就此收皮？
「但係打外場我估我ok既，你肯唔肯同我交換？」我打內場？
我望向水牛，得到既回應係：「呀飯依家傷左，我諗咁樣都係比較好既做法，如果三個外場的話就會好唔平衡，而且好易漏波益左隻猩猩……」
「但係我分分鐘一球都接唔到就退場喎……」
「不要相信你自己，而是相信一直相信著你的我！」呀飯同水牛幾乎同聲道，然後相視而笑。
旁邊既朱純真雙掌握得非常之緊，就算知道佢兩個無野既我，依刻都覺得佢地之間既關係好曖昧。
「如果你兩個都覺得咁樣ok的話，咁我就轉入內場啦。」如果想嬴，唯有係咁。
「你無信心既話我可以替你架！」
本文共有0個回覆。
暫停時間完左之後，發球權落係我地手上。
係內場既我從後方感受到非常之大既壓力，隻猩猩真係癡撚線，點解中學生都可以有咁既手力？
雞聲一響，又到開波時間，發球既係我。
我將目標瞄準為靈活較低既光管腳，當我準備發球既時侯，四周忽然變成灰白而且停頓，眼前出現既係……
「屌你老母angry bird?」同今朝出掌叫醒呀方一樣，今次發球又黎料。
隻豬哩左係一堆木入面，就好似依關咁
http://www.youtube.com/watch?feature=player_detailpage&v=Szu1U1WsvD4#t=92s
唔信智能手機既我完全無玩過angry bird，今次點撚柒算呢？
死就死！所謂angry bird都只係計角度架姐！
我將所有雀仔都要同一個角往隻豬車過去，但只係打爆左外面既碎木，當隻豬中門大開果陣我已經無晒雀仔。
唔通食唔到豬就係我既命運！？
fail左之後我返回現實，扔出一球柒到無朋友既球，咁柒既球竟然連對面d狗乸都接得住，仲扔番落黎我到。
雖然我出球fail，但係狗乸既fail程度同我都有得揮，所以個球又番到黎我手上。
「水牛……」
「做乜？」
「angry bird點玩架?」
「下………？」
C班內場中相視無言既二人。
「你做乜咁問？」依個情況就好似一對男女扑扑下野果陣，條仔忽然問條女交左電費未一樣咁奇怪。
「唔好理啦，勝負悠關……」
「就係用D雀殺晒D豬囉……」水牛依然一頭冒水。
「喂，你捨得開波未呀？要傾計輸左先傾啦！」暴龍口氣非常之大，無幾耐之前佢爭D就柒左，話咁快就串柒柒，爭D仆街同仆左街真係天淵之別。
「D雀有唔同既能力……」由於對方既挑釁，所以我決定出左依球先算。
擊球之前，四周再次變成空白，同一關既Angry bird再次出現。
結果依然一樣，我一定係漏左某D野……
而當我出左球之後，四周回復正常，而我終於聽到水牛講緊既下半句。
「當隻雀飛緊果陣你禁一下個芒，就會觸發特殊能力。」
就係你喇比卡超！咁撚重要既野你唔一開始講？
今次出既依球依然好柒，但係今次對面竟然接都接唔到，睇黎光管腳同暴龍真係唔放我係眼內，諗住D狗乸都接到，點知班狗乸仲柒。
係外場既呀飯接實個波，係扔出之前講左句非常挑釁既說話：「搞錯呀青頭仔，你又派報紙！」
比人公然鬧青頭仔，真係激起我把火，等我陣間射鋪勁既等你收聲！
呀飯既出球明顯比頭先仲慢，所以威脅非常之有限，但點都好，個波已經過番黎我地依面，接住既係水牛。
水牛回敬一記非常漂亮既重擊，令到被瞄準既光管腳非常之狼狽，連閃都已經好難，更加唔好話要想接實。
又係一個機會，個波飛緊去呀方果面，就算呀方丟既波無威脅都好有機會中到光管腳，頭先屌完佢希望佢會化做番Ｄ野！
「我今次知道要瞄邊個喇！」呀方係接球之前自信滿滿咁講左依一句。
「咇－－－－－－－－－－－－－－－－－－－－－」
我無法相信眼前既景象。
「出界！」林蛇大叫。
呀方接唔實個波。
「我刁……」我爭Ｄ想大聲爆粗鬧尻佢，此時林蛇即刻望埋黎。
「劉驚波，你想講乜呀？講埋佢啦麻。」
就係咁，呀方又令到我地失去一個機會。
係唔適當既場合有唔適當既自信，就係呀方既缺點，亦即係所謂既毒撚最忌有自信。
發球權又落番係D班到，今次發球既係光管腳。
佢地睇黎放棄左汰弱留強既策略，轉而瞄準睇起上黎最廢既我。
下一秒鐘個波已經飛埋黎我塊面到，唔通我咁就要敗陣落黎？
我覺得四周既空間開始停頓，原來死之前既感覺就係咁？
好快，人生既跑馬燈就會出現，然後天父就會黎接我，但係……
我……我仲有好多野想做……
咦？唔係喎，周圍真係慢左好多喎，連個波都係。
Matrix?
我輕鬆避開個波之餘仲接得住，四周既時空就回復正常。
暴龍，光管腳，在場所有同學，甚至連水牛都十分意外，點解我會接到依球必中既球？
我唔會直接答佢去，我會用例子答佢地。
睇我發威啦屌你老母！
我無時間享受令所有人驚訝既快感，因為依個moment，我要爆喇！
下一刻，angry bird又出現，但係胸有成竹既我今次係唔會再派報紙架喇！
係我輕鬆地禁禁禁之後，隻豬終於比我扔死左，雖然得一星，但係今次唔會射得柒喇掛？
含啦臭西！
我打出一球我覺得合格既球，瞄準既依然係光管腳，我好似變左第二個人既表現令到佢深受打擊。
「出局－－－－－」
抄橋！抄橋呀！5D既女咁無創意既！
因為我個波並唔係特別快，因此其中一隻狗乸夠時間捨身救老母，就係咁光管腳又避過一劫。
「妖！」我好嬲，於事踩地板洩憤。
「Nice one」水牛拍我肩頭同我講，遠方既呀飯都比左個叻我。所以我條氣都順番d。
「有我一半喎波仔！」呀方你究竟知唔知酉字加個鬼字係會變成乜字？