我去左間 Cafe 打工 , 想溝入面個 Mk 妹女同事: 你。。。你幸福嗎？

「有客人啦，出去做野啦要，」Kay媽說，一邊就領著眾人出去招呼。
 
房內又只餘下我和Jude二人，我心裡卻是空洞洞的，有點茫然若失。
 
「Haha , 又得返我地兩個啦，」Jude笑說。
 
「咁我未黎既時候，咪得你一個人獨守空房囉？」我問，有點心不在焉，
 
但隨即又想這個成語好像用得有點怪怪的。
 


「都係架，不過以前Mark哥會多D返落黎，都未至於一個人既，」Jude答。
 
「Jude …… 」我輕輕喚她的名字。
 
「做咩啊？愁眉苦面咁，你有心事啊？」Jude擅於察言觀色。
 
「唔係啊，不過我諗到D野姐，」我說，「我同你最傾到計，我同你講，
 
你唔會覺得我煩架可？」
 


「傻啦，做咩啊？」Jude捉起我的手，靜心聽我傾訴。
 
「無啊，其實我想問下點解你會黎呢度返工姐 …… 」我悶悶不樂的。
 
「我？」她淡然一笑，「我無第二度好去囉，Mark哥又出得起錢，
 
咁所以我咪黎呢度做野，做人有得安安穩穩咁過，其實都好唔錯啦，」
 
「嗯，其實阿Jude你識煮野食，去到邊都有人請啊，」我說，
 


想起自己的畢業證書不過是廢紙一張，心裡酸溜溜的。
 
「你以為咋，」她笑說，「呃下人就得，其實係呢度煮野食，
 
不過就係煲下飯，跟住倒個汁落去，都係D手板眼見功夫，你都做得黎架，」
 
「唔係架，就算係咁，我都已經覺得Jude你好叻架啦，」我說。
 
「多謝你啦咁，」她笑道。
 
「咁又唔洗，我不過係直話直說姐，唉 …… 」我長嘆一聲。
 
「你做咩今日心事重重咁啊？你平時好樂天架，」她問我。
 
「無啊，我諗起琴晚既事 …… 」我答。


 
「如果你好唔鍾意扮小月男朋友既，就唔好勉強自己啊，」
 
Jude緊緊握著我的手，這種感覺很實在。
 
「唔，」我搖了搖頭，「我唔係諗緊自己，」
 
「小月？佢無事啊，以後再見到個三隻野，我地唔會比小月出去招呼」
 
原來她們之間已然有了對策。
 
「都唔係啊，」我又搖了搖頭。
 
「咁係咩啊？」這次Jude猜不出我的心意。
 


「我係覺得 …… 我唔明啊 …… 點解小月佢地要做女僕 ……. ？」
 
對著Jude我才有勇氣說出心底的話來，「衣著著得咁性感，
 
有時又會遇著呢D客人，點解咁多工唔揀，偏偏要做女僕啊？」
 
Jude聽著一楞，她顯然是沒有想到這一層去，
 
「你估有得揀，好多人想拋頭露面 …… ？」
 
Jude說著有點淒意，「呢行搵錢夠快，其實正常都只會有D好內向既男仔黎，
 
都唔係話好危險，但係當然，講到最尾都係咩人都會有，唯有大家保護大家咋，」
 
「點解會無得揀 …… 」我聽著不以為然，「同樣係做侍應既，


 
其實好多地方都可以啊，仲可以唔洗扮鬼扮馬添，最少有返一份尊嚴。」
 
「你有得揀，係因為你有學歷，但係我地唔同啊 …… 」Jude說，
 
似是又觸到甚麼心事，「除左文靜之外，都唔知有冇人中學畢業，
 
讀唔成書，又無野叻，要搵到食真係唔容易架，你可能屋企有得比你住，
 
有得比你食，但係佢地可能背後仲要養晒成個家，佢地每個人都有自己既原因，
 
你想知既，就自己去問佢地啦 …… 不過講到尾，其實都係一個錢字 …… 」
 
「錢 ……？」我靜靜細嚼當中的意味。
 


「要生存就要錢啊，其實你應該慶幸自己比好多人幸福，」Jude說。
 
「嗯，錢呢 …… 夠用就已經好好啦，三餐溫飽已經好夠啦，
 
我其實真係好幸福，」我仿佛有點感悟，「至少我由細到大過既，
 
都係無憂無慮既日子，唔會饔飧不繼，亦都不愁衣食。」
 
「你識咁諗就好啦，做人要感恩，更重要係知足，」Jude說。
 
「嗯，知道。」我答，心裡有點釋懷，果真是三人行必有我師，
 
就是與Jude閒著聊聊，也是有得著的。