我去左間 Cafe 打工 , 想溝入面個 Mk 妹女同事: 好彩都仲叫做有人對我好。。。

再次醒來時，頭痛欲裂，
 
我只覺自己又睡在一張大床上，想又是身在Mark哥的辦公室了。
 
「你醒啦 …… ？」這是Jude的聲音，怎麼每次我暈倒過去，她也總伴在我身邊。
 
「嗯，我知我未上天堂 …… 」我說
 
「Haha , 」她笑道，「仲識講笑即係無事啦，不過下次唔飲得就唔好死頂嘛，」
 


「咁為左小月，同埋小 …… 」我想起小草已有男友，心裡酸溜溜的，
 
再說下去恐怕就是要冒犯了，「係呢，小月點啊 …… ？」
 
昨夜我醉倒以前，小月還被黃金屋纏著，不知她最後怎樣。
 
「多得你識拖延時間，講下東講下西，等個肥佬酒力發作先過你，
 
先當係你贏咋，」Jude笑說。
 


我想這倒也有道理，昨夜若不是我跟千鍾粟那胖子先胡扯一通，
 
我定然是先比他醉倒，可這那裡是甚麼計策，也不過是無心插柳而已。
 
「即係小月無事啦 …… ？」我問。
 
「你訓低左之後，個四眼仔仲係痴痴迷迷，」
 
Jude說的四眼仔便是黃金屋了，「得返個女人型一個，」
 


女人型就是顏如玉，「咁佢一個人做唔到D咩，就唯有帶住佢兩個兄弟走囉，」
 
「咁就好啦，以後無人煩住小月，我都安心D，」我鬆了一口氣。
 
「說話又唔係咁講喎，」Jude說。
 
「嗯？」我聽著不解。
 
「你知個三隻野幾要面啦，臨走之前，佢講到明話會返黎搵你喎，」
 
Jude說著也不當是一回事，可我卻吃了一大驚。
 
「返黎搵我？！！」我想自己不過是臨時充撐一下小月的男友，
 
這麼無端白事的惹上大禍我可要不要啊。


 
「嗯，不過你唔洗擔心住，佢地好似話下個月準備好先返黎搵你報仇，」
 
「報仇？！！」我聽著又是一驚，「萬萬不可啊，咁樣怨怨相報何時了啊？」
 
Jude聽著一笑，
 
「咁我唔知你地啦，不過你扮得小月男朋友既，唔怕扮埋落去啦，Haha，
 
其實你地都幾襯啊，」Jude笑說。
 
「咁又有道理，為人為到底，送佛送到西，
 
我既然話左自己係小月男朋友，我唔可以咁唔負責任，」
 


話是這麼說，但這次可真是任重而道遠，死而後已我卻是萬萬不願的。
 
「你識咁諗就好啦，而家仲早，佢地仲未返工，你訓多陣先啦，」
 
Jude說，原來每日也是她一人先早早回來打點。
 
「嗯，唔洗啦，」我想自己也睡得夠多了，
 
何況我還有一事始終記掛，「Jude，可唔可以借個電話比我打返屋企啊，」
 
我徹夜沒有回家，想母親是掛念得很了，所謂「父母在，不遠遊，遊必有方。」
 
我雖然不是離鄉別井，但要母親無端為我憂心，也是不孝的。
 
「唔洗啦，我幫你打左比伯母，佢知道左，佢話叫你好好休息，唔洗搵佢，


 
佢知你咁投入份新工，佢都話替你好開心，」Jude說。
 
「你 …… 你幫我打左比佢 …… ？」我聽著一驚。
 
「係啊，我係你份履歷度搵到D聯絡資料，
 
咁就自把自為咁幫你打左過去報平安，如果你唔鍾意既，對唔住啊，」
 
Jude一臉歉疚的。
 
「唔係啊唔係啊，」我連忙解釋道，「我係覺得你幫我諗得好周到姐，
 
我要多謝你先岩啊，」我笑說，Jude可比文靜體貼得多了。
 


「嗯，咁你休息多陣啦，我返出去搞埋D手尾，」
 
她說著輕輕往我手上握了一握，似是要給我點安全感，
 
有Jude伴著，我只感覺陣陣的暖意，她總照顧得我很妥貼。
 
說罷她便站起身，又到廚房忙著去，
 
而我多睡了一回，待得酒意散過，也就都跟了出去。