「突發」打打下丁比人捉左去研究所做實驗品: 決擇
「1654-------2654」
屏幕上再之出現八個數字，呢八個數字我都唔知係邊一個嘅號碼，我淨係知1654就係同我打嗰嗰人，
正當我諗緊我同邊個打嘅時候，呀bo再一次大叫：
「好啦！兩隊嘅人選都已經誕生左啦，咁事不宜遲啦，1654同2654都行上黎先啦，好啦大家請等等」
正當佢講完呢句嘅時候我望一望穆林，我見穆林神情有D奇怪，
我就問：「穆林，1654係邊個呀，呀鴉定呀鋒呀？」，
穆林有D擔心咁講：「兩個都唔係….係軒仔……..」，我當場O撚左，唔係掛，好抽唔抽抽中軒仔……
我望一望軒仔，我見佢成個身都震曬，抱住呀吉，
「呀天，跟住落黎係你嘅決定，我地唔會有咩意見」穆林講完呢句之後就行走左…..穆林番左去之後，
同軒仔講左兩句，軒仔就自己行左出黎，雙手用力咁抱住佢個盒，佢行到黎我身邊，一句聲都冇出過，
同平時嘅軒仔唔同，「軒仔……」，
台上嘅呀bo再一次發聲：「好啦，4個都黎一齊啦，宜家就正式開始我地嘅自相殘殺，
自相殘殺顧名思義就係要你地兩個同組嘅人，自己人打自己人，當然唔係打咁簡單啦，
雙方都要係限時之內撃殺對方，點樣殺都係睇你地自己想點殺啫，不過唔好諗住等時間完wo，
時間一完兩邊都要死，所以你地兩邊都要盡力打死對方，好啦事不宜遲我地宜窕我地即刻啟動擂台！」
話口未完，我面前嗰塊地冇啦啦升起左，升起之後分開兩邊，
「好啦，四位參賽者，你地宜家行左入去先，入左去會再有指示比你地」，
我心諗點行呀，又冇電梯，咩都冇，話口未完，有條超長嘅電梯出現係我地面前，咁我就照樣行上去啦，
上到去嘅時候，軒仔終於出聲話：「天哥哥呀，一陣你想到去快D殺左我啦，我再留低都幫唔到你地，
不如快D死左佢比你地贏呢個回合好過啦。」，軒仔講完呢句之後我冇答佢，
因為我都唔知佢講嘅野到底啱唔啱，如果要犧牲一位同伴而換取一個回合嘅話，我諗我做唔到，
但最仆街嘅係一定要殺對方，「軒仔，你放心啦，我唔會比你死架」講完呢句之後，
其實我根本就諗唔到有咩方法，我只係想軒仔可以放鬆少少，我望一望隔離條電梯，
「如果唔係你樂樂根本就唔會死，如果樂樂冇死你根本就冇機會黎到呢道，由頭到未你都只係一件垃圾，
一陣唔好怪我唔留情，因為你一早就應該死左」，
我聽到嗰嗰babyfat女仔好認真咁同詩詩講，詩詩一句聲都冇出過，只係默默聽住佢嘅說話，
唔怪得知頭先女子嗰邊冇人行出黎，原來babyfat嗰嗰女仔就係2654，
我即刻大喝：「喂！我警告你呀，你唔好搞詩詩呀！」，
詩詩望一望我個樣非常驚恐，「我係要搞佢呀，點呀！」條女一手扯高詩詩，將佢成個人拎起，
「八婆！！！！」我即刻大叫，babyfat妹冇理過我一直拎起詩詩，我差d想跳過去打柒佢，
好可惜，我地已經到左擂台，
台上再一次傳出一把煩膠嘅聲音：
「咁兩邊都到左擂台啦，咁不如現場觀眾一陣幫手數三三一好唔好呀！」，
全場嘅仆街觀眾當然話好啦，屏幕上再次出現數字，「900」，
「好！每一個人都企番係個正方形入面先」
，佢講完之後，擂台嘅左右都出現左兩個透明正方形，
我地係擂台嘅中間出黎嘅，咁我同軒仔都好自然咁行去左方右兩邊嘅正方形入面，個正方形係透明嘅，
我可以望到軒仔，佢到宜家已經冇再拎住個盒，只好眼神好堅定咁望住我，
好似表示自己面對死亡並唔害怕一樣，但軒仔唔好意思，
我已經作出左我嘅決定。
「好啦，雙方都準備好曬啦嘛，各位觀眾跟我一齊數！」，
「三」
「二」
「一」
「開始！」
正方形係開始之後消失，我望住軒仔，軒仔郁都冇郁過，好似一個等緊死刑嘅犯一樣，毫無表情。
我以極速跑向佢前面，佢一步都冇向後退過，只係同頭先一樣，企左係道，
「啪」
清脆浰落，
我一巴打落佢塊面道，
「做咩呀你？你企係道做咩呀，記唔記得我第一次同你打嘅時候，我打到你訓左係道，
你都有話唔好殺我呀，你宜家做咩呀，企係道，等死呀你，你黎到呢道一直努力生存，
你同我講宜家因為要我地贏一個回合就要死，你唔好玩啦，輸一回合有咩所謂呀，一陣追番囉，
我講過，我唔想再見到有同伴係我面前死啦，所以，放心啦，你唔會死。」
我講完之後摸一摸佢個頭就企左係道，軒仔都冇出聲，
「男子組嗰邊做咩呢？兩個都唔攻擊對方，唔通兩個想一齊死？」台上嘅呀bo再一次出聲，
觀眾席上面嘅觀眾每一位都係「唉」以示不滿，
而令我最在意嘅係隔離擂台嘅詩詩，佢不停比人打，一拳一拳強而有力咁打落去詩詩個肚道，
詩詩都冇反擊，奇怪嘅係詩詩嘅自我回復速度極快，但嗰嗰babyfat妹，佢每一拳都好奇快，
宜家嘅我都未必做到，「宜家就要為樂樂報仇！你要記住呀，你本身就已經死左，
你宜家仲係道只係因為有人代替你死左你先生存到，所以再見啦」，
呀bo話：「好啦，女子組係時間三分一都未過就可以結束呢一場比賽啦，真係快到你唔信呀」。
Babyfat女妹捉住詩詩條頸，詩詩完全冇反應，正當咁多位觀眾都以為女子組要分出勝負嘅時候。
「停手！」