「突發」打打下丁比人捉左去研究所做實驗品: 詩詩／詩詩

「停手！」

我見到咁我即刻大叫，好可惜babyfat妹隻手都係冇停落黎，

我再一次大叫：「喂！如果嗰嗰樂樂係因為詩詩而死的話，咁你更加唔應該殺詩詩啦，

佢為得詩詩而死的話佢一定有佢嘅原因，如果你宜家殺左佢的話咁樂樂嘅死咪冇意義囉，所以停手啦！」

呀bo再次激動咁講：「呢位先生，你咪阻住呢場咁精彩嘅表演啦，講d咩廢話啫，更何況，





佢地兩個唔殺對方，你地又唔殺對方，最後你地兩組咪個個都要死，

所以女子組嗰邊，唔好諗啦，郁手啦」，

全場觀眾不停大叫：「殺佢！殺佢！」，全場觀眾連絲毫同情之心都冇，我望住babyfat妹，

佢眼神同頭先一樣，都係一心要殺死詩詩，完全係一個比復仇衝昏頭腦嘅人，佢完全冇停手嘅意欲。

我不停打個擂台，試圖跳過去救佢，但一拳一拳嘅攻擊，只換黎我隻手嘅痛楚，






「聚能！！！！」


我用盡全力打，但擂台都係冇出現任何損傷，我都只可以望住詩詩比人捉住，毫無還擊之力，

如果佢殺左詩詩，佢地就贏左呢一個回合，咁我咪唔洗殺軒仔囉，都係好事黎嘅。我見番詩詩冇耐，

就冇得再見，真係on9，我講過唔會比我嘅同伴死，我宜家做到啦，我嘅同伴係冇死到呀，





但死嘅係我生命中最重要嘅女仔，雖然可能全部野都係我ff出黎，人地根本冇鍾意過自己........

但一切都完啦，我行自己嘅路，更何況佢都唔知係唔係詩詩.........

對唔住


「好啦，睇黎女子組呢邊邊要結束呢一次比賽啦，咁好多謝各位觀眾嘅支持，我地下年再見！」

台上嘅呀bo講出一句廢話黎結束呢一個垃圾嘉年華，

只見babyfat妹突然鬆手！但佢表情非常驚訝，我再望一望詩詩，佢全身散發出一陣陣黑色嘅氣，

手上佈滿鮮血，「咩事呀？」我當場o撚左，冇可能冇啦啦手上有血，我再望一望babyfat妹，





只見佢個肚穿左個窿，

babyfat妹好驚嚇咁講：「你….你唔係淨你識幫人治療架咩，冇可能….點解會咁」，

詩詩笑住咁講：「八婆，好想殺我呀，個詩詩又係on9嘅，諗住就咁比你殺，咁我咪出黎囉，

你梗係未見過我啦，我一直都冇出過黎」，

我都問左一下點解呀，頭先詩詩明明係一個弱質纖纖嘅女仔，點解宜家會變左咁嘅，

我敢肯定佢一定唔係詩詩，詩詩邊會咁講野呀，但點都好，宜家總算解決左詩詩會死呢一個問題先，

我都鬆一口氣。全場不停歡呼，呀bo又再次搞氣氛：「嘩！係咪估唔到呢，劇情峰回路轉呀，

真係估唔到咁都有得反擊呀，咁先係極限喜年華呀嘛，大家話係唔係？」，「係！！！！！」，





我係道諗到底西共用左幾多錢去請呀bo呢，仲成日話自己收好平，

係我身後嘅軒仔問：「天哥哥，嗰嗰姐姐點解成身都有d黑色野嘅，好奇怪呀」，

我都唔知佢身上嗰d氣你咩黎，只好同軒仔講：「我都唔知呀，但我淨係知道宜家我地冇事啦」，

軒仔點一點頭就冇再出聲，babyfat妹冇再出聲，只係用一個非常驚慌嘅樣望住詩詩，

詩詩一個瞬間就黎到佢前面，帶有黑氣嘅拳頭，一拳打落佢塊面道，

babyfat妹連見都見唔到咩事已經比人打飛左，係佢飛嘅時候，詩詩一躍而上，一腳由上而下，

踢落babyfat妹道，babyfat妹即刻噴血，「下次諗清楚你要殺嘅係邊個」。





babyfay妹倒地不起，再冇任何反應，好明顯係死左，

詩詩冇任何嘅反應，冇任何傷感。

「好啦！咁多位女子組嘅結果已經出左啦，竟然係一開始比人打到毫無還擊之力嘅嗰位小妹妹呀，

我相信大家都睇得好興奮啦，但歡樂嘅時間過得特別快，又係時候講byebye啦，

今年嘅嘉年華就差唔多啦，希望大家下年都繼續支持我地」係台上嘅呀bo比慢慢咁行番落黎。

突然，隔離擂台嘅詩詩大叫：「咪住，大家想唔想睇多個環節呀！」，全場焦點再次聚集係詩詩身上，

「如果我話我想同隔離台嗰嗰長毛打好唔好呀！」，

「好」





全場再一次興奮起黎，我諗一諗，隔離台嗰嗰長毛，邊撚個長毛呀，我望一望四周，軒仔係短頭髮嘅，

正當我諗緊邊個係長毛嘅時候，詩詩再一次出聲：「唔洗周圍望啦，袁霸天係你啦」，咩話，

點解佢會知我叫咩名嘅，唔通佢真係詩詩，

一把煩膠嘅男人聲再一次出現：「我諗大家都好想睇佢地兩個打，但係因為時間關係，

所以呢個特別環節就冇得開始啦，唔好意思，請咁多位依照黑超先生嘅指示離開」，

觀眾席粗口橫飛，全部都係屌柒呀bo嘅，

突然台上嘅大屏幕出現左一位男人：

「呀bo你咁做就唔啱啦，咁多觀眾想睇，我地好應該比佢地睇，人黎，將兩個擂台合而為一」

話口未完，我企緊嘅擂台馬上向隔離嗰邊移動，而隔離個擂台都向我呢邊移動，「轟」，

兩個擂台好順利咁合埋一齊，台下嘅呀bo即刻話：

「既然我地老闆都話ok，咁我做細嘅都冇咩好講啦，因為呢個係一個特別環節，

所以我地要請一位評判，有請！」，擂台中間突然升高，升上黎嘅又係一個男超男，

「宜家連評判都有啦，咁我就講一講規則啦，呢一個回合雙方都冇需要擊殺對方，

只需要將對方擊倒三次就得，事不宜遲，宜家特別環節正式開始！」

歡呼聲四起！黑超男示意我地企得近d，今次冇再出現透明正方形，可能係因為特別環節嘅關係，

所以冇準備到，我醒起軒仔仲係我後面，

我指一指軒仔之後同黑超男講：「黑超大哥，幫我送一送佢落去呀唔該」，

黑超男之後帶左軒仔坐頭先升上黎嗰條柱，

送左軒仔離開之後就可以放心同呢一個唔知係咪詩詩嘅女仔一戰，

行到佢面前我問一問佢：「你到底係咪詩詩，做咩冇啦啦要同我打？」，

佢輕輕一笑之後話：「冇，純粹想睇下你有冇資格去保護佢」，

之後佢貼近我同我講：「多謝你個髮夾」，

我聽到之後就知道佢一定仲記得我




「就算有冇資格都好，我都會保護佢，更況我有」