「突發」打打下丁比人捉左去研究所做實驗品: 抽籤
「時間到，跟我走」
門外再次傳出一把熟悉嘅聲音，聽到佢把聲就知道第二回合嘅比賽正式開始，
大家都唔知一陣要面對嘅係一個點樣嘅野，但聽個名已經知道，今個回合就係要我地自己人打自己人，
我唔敢想像要對自己同伴出手嘅情況，黎到呢道已經一段時間，都係多得佢地我先唔洗死，
但… 竟然可能要我對佢地出手，我做唔到，「呀天，唔好擔心啦，就算係，你都要出手，
記住我地講過嘅野，唔好留手」穆林再一次提醒我唔好留手，我望一望其他人，
每一位都係我嘅好同伴……
「唔好講咁多啦，快Ｄ跟我行，」我地再次踏上前往比賽場嘅路，今次行嘅路並唔係頭先行過嗰一條路，
我地一路都望唔到任何特別野，過左一陣黑超男終於停低佢腳步，「行出去」黑超男冷冰冰咁講左一句，
我望一望周圍，都係同平時冇咩分別，都係漆黑一片，只見最盡頭非常耀眼，我望一望穆林，
正當我想問佢點做嘅時候，穆林已經行左出去，呀鴉都一樣完全冇驚過，既然大家都決定行出去，
咁我都冇所謂，反正宜家呀ben仲要靠我地幫佢打比賽，我估佢都唔會害我地掛，行到一半嘅時候，
我背脊好似比Ｄ野拉住咁，有Ｄ奇怪，我望一望後面，原來唔係咩奇怪野，而係軒仔，
咁我就問一問佢：「做咩呀軒仔？我地要行出去wo」，「天哥哥呀，我…..我唔敢呀」軒仔好細聲咁講，
我拍一拍佢個頭：「冇野嘅，有我地係道，點都照住你」，佢好爽快咁點一點頭就行左上前，
咁我都跟隨其後，我一行到出去，一道道刺眼嘅陽光射入我隻眼入面，搞到非常唔舒服，
「乜搞到咁大呀」
，我一擘大眼，嘩屌！做咩呀宜家，羅馬鬥獸場呀，四周圍都係觀眾，而我地就係佢地嘅娛樂，
「好啦，兩隊隊伍都到齊啦，第十屆港洲極限嘉年華又黎啦，我係你地嘅主持人呀BO！」
全場歡呼聲四起，我諗諗邊個呀bo呀，仆街，我一睇，仆你個街，呀bo黎嘅，唔係講笑，
佢真係電視機上面嗰嗰光頭bo呀，我屌呀，點解佢會係道嘅，再望一望周圍，
點解有個人個樣咁熟口面嘅，邊個呢，眼細細，鼻大大咁，不過佢戴住帽我唔識得佢，突然，
呀吉冇啦啦爬上我身道話：「戴住頂帽嗰嗰人有古怪，佢唔係平常人」，「喂，呀吉做咩又講野呀」，
軒仔突然大叫：「天哥做咩又同呀吉講野呀？」，我即刻唔比軒仔再講落去，
台上嘅呀bo就笑住咁話：「男子組嗰邊仲有講有笑呀，感情真係好啦，唔知一陣仲好咪咁好感情啦，
請各位拭目以待，事不宜遲，我地宜家即刻請每組派一個代表出黎抽一籤」
穆林再一次自動行出去，而女子組都係派出上次嗰嗰babyfat女仔出黎抽籤，雖然唔知抽黎做咩，
但都係派穆林出比較安全，穆林同嗰嗰女仔面前都有一個箱，入面有D咩我都唔知，
台上嘅呀bo再次發出聲音：「咁好啦，宜家你地分別抽出兩技籤，
嗰兩技籤就代表嗰兩個人要黎番場決鬥，但呢D野就留番一陣先再講啦，
宜家你地兩個都抽一技出黎先啦」，當佢講完呢一句之後，我望一望大家，大家都冇咩大反應，
但呀鴉拍一拍我膊頭，「細路，放鬆D啦，打都未打就緊張，搞咩呀你」，我聽到呀鴉講之後，
我冇再回應佢，因為我知道我再同佢講咩都冇用，因為都改變唔到自相殘殺呢個咁仆街嘅題目，
我抽到邊個都唔怕，因為宜家嘅我唔會唔夠佢地打，但只不過係我落唔到手，
「好啦！睇黎兩位都抽完啦，大家係咪好想知第一個幸運兒係邊個呢，好啦，
請兩位將你地手上技籤放上個箱上面呀，大家想唔想睇呀，想睇的話就比d反應！」，
全場再一次比歡呼聲覆蓋，我心諗，個呀bo仲係道搞氣氛，我屌係咩，一陣可能會有人死架仆街，
班觀眾仲笑得出，有冇人性架，我發現坐係上面嘅全部都係一個一個人，
點解睇人同人之間嘅戰鬥會咁興奮嘅，佢地唔係睇緊一般嘅比賽，而係我地要生死相鬥，
都可以咁開心，人性何在呀！
「好！既然大家都想睇的話。宜家就比大家睇下」場上突出一塊巨型屏幕，分開兩邊，
「1989------2687」，
「好啦，終於都出現啦，1989同2687宜家都出黎啦」，
仆街！！！！1989咪我，仆街，竟然要我同自己人打，咁呢場唔洗打啦，我地輸硬，
當我諗緊點算嘅時候，我望一望女子組嗰，唔撚係掛，2687竟然係詩詩，
咁梗係即刻問下佢記唔記得我啦，我慢慢咁行過去詩詩隔邊，佢都好似冇發現我咁，一直行前，
我拍一拍佢膊頭話：「詩詩，做咩之前叫你你唔應我嘅，仲有呀，你點解做黎左呢道嘅？」
我一次過講左一大堆問題，我見詩詩終於有D反應啦，
佢成個人震一震之後話：「你係邊個呀…..我唔識你…」，之後佢就跑左去前面，
做咩詩詩D反應會咁奇怪嘅，佢唔係真係唔記得左我呀，到底發生左咩事，當我諗緊點會咁嘅時候，
台上嗰嗰龜頭bo又用佢嗰把煩到仆街嘅死人聲係道話：
「唉，死到臨頭仲媾女呀，1989行D啦，我地成班觀眾等緊你呀」，我屌，我想點就點啦，煩住曬，
當然我都係得把口啦，上到台上，我見詩詩望都唔望我一眼，上到黎一直望仲地下怕怕羞羞咁，
同以前嘅詩詩完全唔同，「好啦，宜家你地兩個都抽一技籤啦，
呢技籤係決定係定要同邊一個好同伴打嘅，係咪好緊張呢」呀bo用一個好認真嘅聲線講出呢一番說話，
我望住個箱，我都唔知講咩好，因為我只可以抽出黎，我一伸手入去，發現入面其實係非常之滿嘅，
我搵左一陣，決定求其拎左一技出黎，我望一望詩詩，佢抽左出黎之後手都震曬，
我幾想過去安慰佢呀，但係宜家呢個情況下唔容許我咁做，，我只好同佢一齊企係度，
「好啦，大家都抽左出黎啦嘛，咁你地宜家就將技籤放個箱上面啦，
咁就可以開始我地嘅自相殘殺啦！！！！」，
屏幕上再之出現八個數字，
「1654-------2654」