廢青於中世紀魔法世界的生存法則: 61, 龍與……
「礙事既人已經唔係到，可以打個痛快。」都鐸道。
「嘖，上次果筆帳我一定同你算到足！」三葉回答。
此時，都鐸身軀被黃光所覆蓋，然後光團漸漸收縮，並移動至少女前方。
光團散開之後，一名大概27歲既男子出現，右手手持一顆懸浮於空中既荾型紅晶。
「睇下你十年間有乜進步。」男子說道。
從少女雙眉緊皺，一臉認真既表情就知道佢已經無邊閒談邊應戰既心情。
此戰將會係惡鬥！
「Ｆｌａｍｅ Ｓｔｅｐ！」
空氣破裂聲從都鐸腳底傳出，都鐸乘爆裂往少女推進，並遺下一條火路。
此招用處為於腳底創造爆炸，並以爆炸產生既壓力高速推進。此技能既原理並不難明白，亦不難使用，真正既問題係點樣不被如此近距離既爆炸所傷。因為都鐸有龍族既強壯體格及其特殊能力方能使用此招。
都鐸既身體依然受到嶽砶重壓既影響，但速度依然非常之快，可想然之呢招本身既威力有幾強。
「咕孖，格檔！」巨熊一直於兩人既遠方待機，以巨熊有限既智慧實在唔知道係呢個距離之外自己既格檔到底可以如何改變戰局。
但係答案揭曉只係隔左半秒。
「Ｔｅｌｅｐｏｒｔ！」少女魔法一出，原本於遠方既巨熊立即被傳送至少女眼前，正處於格檔狀態既巨熊硬生生地替三葉硬食左呢一招。
「呵？」都鐸對眼前既展開有一點意外。
此狀況同佢印像有兩個相異之處，一、塞洛並唔識呢種魔法，不過以少女既資質於十年內掌握呢種魔法實在綽綽有餘；二、Teleport呢種魔法並唔係好似我地遊戲之中點地板就可以用咁簡單，要做到精確既傳送必需要依靠使用者強大既空間感及……一點運氣。不過若果係塞洛的話，上述兩點亦可克服。
雖然係意料之外，但尚算情理之內，都鐸好快就將心思放於戰鬥之上。
「喝！」都鐸大喝一聲，佢並無用任何招式，只係用盡全力打於巨熊用作護體既手腕之上。
全力一拳換來既只有巨熊微退一步，於人型狀態既都鐸力量有所下降，巨熊此刻於都鐸眼中有如城牆般存在。
但城牆不過是由石頭堆砌而成之產物……Solid wall is merely an aligment of rocks.
「Ｍａｇｍａ Ｓｐｅａｒ！」相比起都鐸龍形態既吐息，Magma Spear既威力更加集中。
而且都鐸都算係控制火炎既龍，此招Magma Spear威力並非一般法師所使之Magma Spear可比。
巨熊深知此招接不得，一般情況下佢點都會避開……
但佢身後既係一個救左佢同佢成個部落既恩人。
更重要既係佢深信少女唔會由佢接下呢招致命攻擊。
「Ｖａｃｕｕｍ Ｂｒｕｓｔ！」
呢種強度既火炎就算用渡澄之水既水幕都唔可以完全抵消，於是少女採取左另一種手段。
火炎需要氣體方能燃燒，若果抽走所有氣體的話，火炎自然會殆盡。
類似肥皂泡既氣泡包圍住火炎，然後慢慢收縮。
「Ｔｅｌｅｐｏｒｔ！」於真空爆裂即將生效之前，三葉立即使出下一招魔法，白色魔法陣分別於少女及巨熊頭頂及腳頂出現，然後迅速匯合，一人一熊隨住兩個魔法陣越趨接近而消失。此時二人已傳送到都鐸後方既視覺盲點。
火球原先既位置由真空區所代替，忽然出現既超低氣壓區除左令火炎熄滅之外仲產生左連鎖反應，氣球破裂既聲音後緊隨住既係一陣強風。
「Ｗａｔａｚｕｍｉ ｎｏ Ｉｋａｒｉ！」
剛才少女因為一時大意而停止渡澄之怒，若果對方係用火的話，落雨一定比較有利。
「可惡……我到底幾耐無試過要用魔法用得咁頻密……」少女低聲道。
少女過去流浪既十年間，雖然並唔係完全無風無險，但係要少女出盡全力既場合寥寥無幾，而出盡全力仲無法取得優勢既更加係無。
呢一戰少女知道未必能夠取勝，但係至少，至少要令到對方意識到自己既轉變。
就睇清楚十年可以帶來乜野改變！
真空爆裂一招雖然係都鐸意料之外，但係佢並無因此而耽誤太多時間。
於都鐸眼中，勝利條件好清楚。
少女專長係攻擊及妨礙魔法，雖然自己既人形型態並唔可以好似龍形態一樣完美吸收元素魔法傷害，但都足以帶來龐大既優勢。但另一方面，少女既特性亦都令到都鐸既攻擊難以起效……
既然如此，先將礙事既巨熊解決！
「出拳！Ｔｅｌｅｐｏｒｔ！」
雖然都鐸憑聲音已經迅速判斷到三葉既位置，但係因為思考戰略既關係，結果被對方搶得先手。
下一刻巨熊已經出現於都鐸正面。
「正面……呵……」巨熊傳送既位置已經透露左有關三葉狀態既資訊。
距離獲得勝利又近左一步。
「啪－－－－」但係巨熊既重拳都係狠狠地打於都鐸臉上。
突如其來既一擊令都鐸失去平衡向前傾倒。
「我竟然因此低級生物而如此狼狽……雖然對方與塞洛聯手……」
都鐸躺於泥濘中自語。
於格鬥之中，跌低可以話係大忌，而此刻都鐸正正係呢個狀態。此時巨熊無等少女既指示，僅僅依從佢既經驗同戰鬥天性就率先搶攻……
巨熊撲往都鐸，打算以自己既體重壓制都鐸。
笨重既身軀躍起。
「唔可以！」少女既指示竟然與巨熊既動作相反……
「嘿。」都鐸繼續訓係地面之上，就好似從來都無打算起身一樣。
「Ｔｅ………」
太遲。此時巨熊已經壓住都鐸。
都鐸既能力除左火炎同物質轉換之外仲有一種表現方式。
就係純魔法，亦即係 － 雷電。
三葉用渡澄之怒召來創造既環境竟然被都鐸所利用，雨雲與雨雲之間磨擦所累積既能量於一瞬間………
「彭－－－－－－－－－－－－－」
銀白色既龍遣（閃電）垂直地劈於一熊一人（龍）之上，電光閃爍既同時巨熊不斷掙扎。
三葉本來想利用傳送使巨熊可以避開呢一招，但係佢施法既時侯，巨熊已經被龐大既能源所包圍，令原本已經需要靠運氣彌補既定位工作更加難以完成。
「嗥－－－－－」
慘叫聲停止既時侯，巨熊已經不再掙扎。
都鐸推開身上既巨熊，然後企起身。
「好，就得返我同你。」
莫非十年黎既努力同步署全部都係無意義？
此時都鐸身上既負荷忽然消失，由於重心突變，佢向後小退了一步。
顯然嶽砶重壓已經解除。
「終於放棄？」都鐸試探性地問一句。
佢並無以勝利者既語氣囂張咁問，係因為佢深明對方性格。
無可能。
「Ｂｌｉｚｚａｒｄ」