廢青於中世紀魔法世界的生存法則: 52, 毒撚最忌有自信，貴族最忌太有自信
「嘉穎。」伊曼係我憤青Mode全開既時侯已經裝好四碗未知物質，仲遞埋比我。
我敢寫包單，蔡瀾帶幾多條女黎拍飲食節目都救唔番，因為大公國既飲食文化真係有待改善！
視覺上呢碗野就好似嘔吐物一樣除此之外係表面仲好似熔岩咁不斷有氣泡產生，仲產生卜卜聲，但係我嗅覺聞到既卻係可樂既香味，而我既觸覺卻話比我知呢碗野好溫暖，依家就係爭味覺未用，但係我唔想用。
我都估撚到三葉條八婆唔食係有古怪！點解我要比機會你條仆街！
有一刻我諗過呢碗野其實係咪因為煮食既步驟出左錯先變成咁，又或者其實係用黎餵狗，但係我見村裡面既三人好理所當然咁開始飲果碗野，我既假設立即被推翻。
一……二……三……
仲未有人中毒身亡，睇黎我可以飲呢碗野。
「咕嚕咕嚕咕嚕咕嚕咕嚕…………」
我一口氣就吞左半碗……唔……
三葉見狀覺得好好奇，於事立即從我手上搶左個碗，然後一口氣飲埋剩低半碗。
由於呢個並唔係清澀既校園愛情故又或者係甜故，同呢個八婆間接接吻既幻想絕對唔可以有。
之前我都講過，係呢到食野係唔可以抱住任何假設去食，若果克服到呢點的話難易度會大減。
呢陀「熔岩暖可樂」最後食落去既味道係同紅豆沙頗為相似。
更加重要既係，呢陀野剛剛被我吞落肚，又暖又滿既感覺已經從腹中傳來。
我睇裡番啲囡囡比人中出完都會用好姣既聲大嗌「暑い～（atsui）」「一杯～（ippai）」，莫非我都呢陀野中出左？咦唔係喎……食戟之靈既演出都係咁上下，裡番同飲食節目既關係果然係密不可分！
其實呢類飯局我都預左食野係其次，成班人吹水埋堆先係最重要。
於是老野就出招了。
「據說你們已覓Wounded Wolves之幫助，可有此事？」
「無錯。」完全無意隱藏。
在場以蘭卡特反應最大。
三葉首先拒絕左佢既加入，然後又自己搵其他人幫手，即係大大力咁刮左佢一巴。
「有意見？」係筋肉男侍應既口頭蟬。
「只要你能完成任務……」老野既處境同琴日一樣，始終自己係有求於人既一方。
「意見？點會無意見！」蘭卡特拍晒檯咁，呢到老野屋企黎架喎，你咁唔檢點真係大丈夫？
「咁重要既任務點可以比個來歷不明既人負責？」
蘭卡特勇氣非常可嘉，明明琴日先比三葉秒殺完，今日仲夠膽咁惡。
好彩今日三葉無琴日咁燥，否則此刻蘭卡特已經比幾十個肥婆責住。
「依家呢個來歷不明既人仲同緊呢條村既長老、學者之首同看門狗之首同檯食飯添。」
呢個法師既仇恨值管理真係呢……
「出去！我要同你決鬥！」
「蘭卡特你又何必自取其辱呢？」伊曼抱頭道。
三葉份人咁小器，難得蘭卡特主動送上門，佢一定來者不拒。
「我預計今晚WW班人就會完成搜索工作，然後我就要出動。」你唔係唔打下話？我識個三葉唔係咁架喎！
「照計我應該保留體力，不過應酬下你應該都唔會造成太大負擔，我樂意奉陪。」There we go！
奇就奇在長老依然係花生mode，你真係唔怕自己條靚自信盡失？
於事我地就連碗都無執到就出左去外面條小巷食飯後甜品（花生）。
你地會唔會同人嗌交果陣無啦啦同人講「等我洗完隻碗先同你再嗌！」？梗係唔會下，單係呢下已經霸氣盡失。係香港地嗌交，並唔係靠理據而係靠大聲，雖然啲人成日係大聲唔代表你講野有道理，但事實上聲大夾惡既人往往都會有著數。
成班人坐係到乜都唔做唱海闊天空？邊個怕你呀！向水貨客學下野啦！
而個個都為左自己既目的就聲大夾惡，最後達到既結果就係變成隔鄰既經濟強國一樣，財（聲）大氣粗，不可一世。
當政府高官，由政府做大股東既地鐵都可以咁無賴既時侯，你就知道英國人留低果套紳士既行事方式已不復再。
到底我係咪真係想住係個咁既地方？
我跟隨其他人踏出大門，刺骨既晚風迎面而來。即使係夏天既晚上，氣溫都只係得十七度左右。
唔係話我唔鐘意，只不過對著短袖衫中褲既我黎講有啲勉強。
著迷你裙既三葉反而完全唔似覺得凍，而另一邊廂蘭卡特身穿MMO／幻想故事常見既聖騎士裝備，但係手碗，肩頭同胸前既盔甲都因為收工而除左，但總括黎講都係我地五個人入面著得最多既一個。
「規則？」三葉問。
「實戰係無規則。」於四五米以外既蘭卡特回答。
「Ｆｉｒｅｂｏｌｔ！」三葉係無預兆既情況下唱左一招火球術，蘭卡特拎銀盾牌檔住，無造成太大既傷害。
「實戰係隨時都會展開。」三葉不甘示弱。
雖然把口係咁講，但若果佢有心偷襲的話就唔會用火球呢種低級魔法。
蘭卡特負責教我基本既戰鬥技巧，但係佢自己真係親身落場打我都係第一次見。
希望琴晚秒殺既情況唔會再現。
戰鬥中，三葉隨便向蘭卡特射出幾枚火球，但一係被銀盾檔住，一係就被佢用靈活既步法避開。
此戰況於老野同伊曼眼中，最多係三葉hea打讓蘭卡特，但係知道三葉底細既我就知道唔係咁簡單。
記唔記得三葉既擲石功？只要三葉想的話，佢既攻擊係必中……
換而言之，可能性只有兩個。
一，蘭卡特同我一樣，擁有同我一樣既特殊體質；二，三葉根本唔想擊中佢。
以三葉目前既死魚眼黎講，似乎係後者。
佢究竟係咪有啲咩陰謀？定純粹覺得無聊？
「踏踏踏踏踏踏－－－－」蘭卡特不斷左閃右避，轉眼間已經進入射程範圍，隨時都可以攻擊！
「喝－－－－－」蘭卡特舉劍過頭，準備落手。
「得喇得喇，我認輸。」
「………………………」
不得不說，呢個係令到所有人都大感意外既結果。
表面上三葉係認輸投降，但係傻既都睇得出佢根本無放係心上。
呢個舉動比起拒絕挑戰更能挑起蘭卡特既怒火。
「雜……！」
蘭卡特將劍揮至三葉額頭之上，距離少女毀容僅有數CM之遙，但蘭卡特把劍就一直停左係呢個位置，動彈不能，顯然，三葉已經出手。
少女既眼神已經由無聊變成警告，她皺起眉頭道：「面我已經比足你，勸你係周圍生事之前檢討下自己有幾多斤兩先。」
全盛時期既蘭卡特可以比人婊幾多次？
但你又係唔抵可憐，柒完一次都唔夠係要自己拎黎柒多次。
蘭卡特懷住不忿既眼神望向長老同伊曼，而兩人不約而同地避開蘭卡特既視線。
嘩！人生勝利組忽然被婊，仲眾叛親離，連鐘意既女仔都比人ntr埋，簡直係公式既墮落展開，佢遲下變做惡役帶住萬華鏡寫輪眼返黎報仇我都唔會意外！
黑夜既小巷之中彌漫住一種尷尬既氣氛，而令到呢個氣氛消失既係急促既腳步聲。
一名身穿輕甲既亞洲人上氣唔接下氣咁跑到三葉身旁，似乎有事要匯報。
「三葉小姐，已經確認劫既位置，將軍及洛修正於餐廳中等待兩位隨時出發。」