廢青於中世紀魔法世界的生存法則: 22, 歷史重覆既速度之快可以連月經都追唔上

「哈哈……」強風又再捲起。「哈哈哈哈哈！想不到吾身竟然輸了！」

我連跑帶奔咁走去三葉旁邊，問：「佢會唔會唔認數殺左我架？」
「你唔係唔信我架咩？做乜走埋黎？」睇黎三葉非常在意森宿頭先既說話。

「搞清楚，我唔相信既係你個人，至於對你既能力我唔敢有半點懷疑。」

「虧你咁講得出。」三葉皺起眉頭以示不滿。
「哈哈哈哈哈！！」強風越吹越勁，已經唔係十號風咁簡單！





三葉將土豪魔杖插係地面，我要緊緊捉住魔杖並且紥好個馬先不至於被風吹起。
飄浮既螢火不斷眨下眨下，令到氣氛更加恐怖。
「森宿唔係唔守約既龍…………」聽到三葉咁講我都安心啲。「大概。」

屌！
忽然，強風漸漸消散，四周既樹根圍牆亦都慢慢收縮返泥土裡面。

我望向巨樹，森宿已經安然地盤坐於巨石之上。
「很好，小伙子，是你嬴了。」





雖然頭先森宿發癲果半分鐘我驚到瀨晒屎，但係我覺得森宿認輸認得非常乾脆。

以我對佢既印象，就算佢係三葉宣佈賽果一刻即刻殺左我都唔出奇。
「都話架啦，森宿唔係唔守約既龍。」

「挑，馬後炮。」

「輸給一陀屎的確是有點難以接受。」森宿歎氣道，一團淡綠既氣體從佢口中吐出，我見狀立即掩住口鼻。「但我大概明白三葉那麼在意你的原因了。」
「因為我聰明絕頂？」





「伏－－－－」「嘩屌！」森宿既舌頭大力鞭落我及三葉既旁邊。但係三葉似乎一早睇穿左森宿並唔係想攻擊我地，所以並無展開魔法障壁。
但係咁樣已經足以嚇到我成褲屎。
「哈哈哈，看你還敢囂張。」

「對唔住我係廢柴，我仲生存係世界上同各位呼吸同樣既空氣真係好對唔住。」我跪於地上向森宿道歉。
「喂森宿，我肚餓喇，餵飽我地先再傾好無？」三葉道。

「你這生物應該不曾因飢餓而苦惱吧？」

「人類就係咁脆弱既生物，你應該好清楚。」

「脆弱一詞從你口中說出聽起上怎麼有點諷刺？」

「咁點丫，係咪想過兩招？」





「免了，一晚中連輸兩場未免太傷我自尊。」森宿既性格就好似急劇轉變一樣，由本身非常傲慢變到依家咁，雖不至於霸氣盡失，但係起碼講野唔會咁囂張。

「你地兩位………算啦你地都係繼續。」我都係唔好比太多意見，陣間森宿又嬲嬲豬。

此時根莖又從土地中長出並迅速成長，轉眼間我地面前已經有數棵長滿果實既樹。
「這些都是本地人常吃的植物。」

的確眼前既都係過去兩個星期係白石鎮食慣晒既植物。
順帶一提，係白石鎮第一餐早餐食既果陀屎尿混合物正係由眼前既植物反覆處理並且磨成份後所製成。係我既角度黎講，白石鎮既鎮民就係三餐都食cereal既民族，餐餐都咁甜怕唔怕小便惹蟻？
雖然我對食物就唔算非常講究，但係餐餐都食cereal我好難接受到。

我印象中住係圖書館兩個星期，剩係得兩餐係食過肉，仲要兩餐都唔係菲兒煮既。
回想起兩個星期既生活，又好似真係無見過佢開火煮食。

究竟係因為菲兒唔識煮，定係佢係素食者？呢個女人相當有嫌疑。




「諗緊乜？女人？」三葉食緊類似粟米既植物。

但係個『粟米』既主色係啡色，而且每粒粟米肉大粒好多。
若果你以為舊野食落去都會好似粟米咁？咁你既味蕾將會被重重懲罰。

我當初就係咁中左次伏。
就好似你懷住食甜野既心情去食啲辣既野一樣，就算舊野本身唔算好辣，因為你毫無防備，最後舊野都會顯得特別辣。
順帶一提，我當時懷住食粟米既心情最後食到既係番茄。
「點解你會估到既？你識讀心？」

「你知唔知係女士面前諗其他女人係一件非常失禮既事？」唔好意思，你個名已經係我腦海中既『我身邊的異性列表』上被移除，順帶一提暫時個List裡面既唯一一個名就係菲兒。
呢個列表可以話係我既白名單，要係呢個白名單上面立足並唔係咁簡單，首先你要同我有計傾，『有計傾』既定義係指除左為左生存必需作出既溝通之外仲會閒談下其他無謂野。單係呢一點已經過濾左接近全世界既女性人口，包括我個妹同我老母。除此之外你仲要無作出過任何令我反感既行為。剛才對雪菲兒既評估就係考慮緊要唔要將佢除名，令異性列表重歸於二十年來既虛無之中。
「你既思緒散發出好負面既顏色……而且就係呢刻變得仲嚴重左。」你見到咩顏色覺得咁嚴重？霸王色既思緒？定係思緒色既思緒？

「無錯，就跟陀屎一樣。」森宿係呢個時侯都講埋一份，係咪應該有人教下森宿用下其他形容詞？




「雖然唔係好明白你兩個講緊乜，但係我既思緒應該一直都咁負面先係。」

「無錯，但係一直保持住既墨黑色就係頭先被一抹粉紅色滲入。」

「嘩……好姣呀。」我對女人既思緒應該只有黃色先係。
「觀察你的思緒真辛苦，總覺得自己的思緒也被你影響，變得負面……」

「為左你自己既Psycho-pass著想，收手啦。」我回話。

「Psycho-pass又是什麼鬼東西？」森宿問。

「同你從顏色判斷對方既思緒差唔多，但係用數字黎代替……大概。」我唔係好明白佢地既顏色係點樣運作，所以連自己比喻得準唔準確都唔清楚。
但係若果我目標只係敷衍森宿的話，咁就唔需要考慮咁多。
與此同時三葉已經將手上既『粟米』成個食完，準備伸手就去拎過第二條。





「嘉穎做乜？你無胃口？」

「始終唔係好慣，若果可以的話真係想食返啲鄉下先有既野。」
「你睇下森宿幫唔幫到你？」呢句你係賭局之前係咪講過？

但係今次我就醒水，我唔會再比你fake到。
「唔啦……我廢事太強人……丫唔係，係強龍所難。」

森宿聽到之後眉頭一皺，此時我心裡面已經係計算Tony四個字。
「小伙子，這算什麼？瞧不起吾身？」

「唔順超不如過兩招？」
雖然古乳有暈歷史係會重覆，但係會唔會重覆得快左少少？
「我並無咁既意思，只不過要你創造一種未見過既植物似乎……」

「廢話少說，你能形容的植物我都能創造。」就等你呢句。
「咁我恭敬不如從命。」

「或者比較難接受，但係森宿似乎你已經中左計。」三葉提醒森宿，但係森宿好似聽唔入耳。
「先從形狀開始吧。」「衰鬼你真係心急架姐。」