廢青於中世紀魔法世界的生存法則: 21, 上堂時留心聽書可能會係意想不到既情況下救你一命

「呵呵……小伙子你現在處境很危險呢。」
「咁都計？咁茅架咩？」

「呢到我話事。」三葉擺到明做我！
但係唔緊要，我仲有一個救星，佢就係雪菲兒！

我既優勢就係資料量，雖然我唔識森宿，但係我識佢老豆老母，佢父母既事績係白石幼稚園（偽稱）必修班，而我作為幼稚園學童，亦都對Oppa同公廁既事績有一定認識！
「呢個星球係以你老豆個名黎命名！」

「還在垂死掙扎嗎？也罷，就看看你對歷史有多認識，你這個異鄉人。」




果然係一條咁高位既龍面前，我異鄉人既身份唔會隱藏得住。
「你老豆係『龍降』之後就一直沉睡！」

「除了朋友之外，女朋友也沒交過吧？」
明明無任何根據，但係森宿講出黎既語氣甚為挑釁，就好似睇死我溝唔到女一樣

但係我的確係無撚用，我係死廢柴溝唔到女！
總覺得係短暫既遊戲之中，佢已經睇穿晒我性格一樣。

但係有關佢性格既野我唔敢亂講，因為陣間一激嬲佢我都係死路一條！




「你老豆沉睡於山獄鎮之中。」

其實呢個都只係傳說，我都唔敢百份百肯定，但係我無更好既陳述可以用。

「你還能支持多久？三葉是非常相信你的，你不要讓她失望。」
係旁人（其實得三葉）眼中，森宿明顯佔緊上風，每次我都差唔多要諗晒15秒先勉強搵到野講出黎，而且我對自己講出黎既野越黎越無把握。
相反森宿始終表現得游刃有餘，陳述完之後仲有閒力刺激我。
有關嶽砶可以講既野已經講得七七八八，係時侯講下佢老母。

但係佢老母有咩野講出黎又唔會激嬲佢？




我忽然諗到一樣！

「你老母有起死回生既力量。」

「…………………」森宿無語。
三葉點點頭，光球並無變紅。
其實呢個都只係聽雪菲兒講既傳說，但似乎呢個傳說係真。

奇怪既係森宿既反應，佢竟然無立即還擊。
「看來你知道的還不少。」

「我都只係道聽途說，估唔到係真。」

「這份力量背後的故事，你一定不懂吧。」





「無錯，我的確係唔知，但係睇個勢你一定知道啲乜。」

「哈哈哈哈……想不到我會被你這種未經生離死別的小子勾起一點往事。」
故事既套路我大概都估到，應該都係狗血非常既厄眼淚情節，但係我無暇多想。

「換而言之你就經歷過？」

「一千八百年對你們人類來說實在是太長了，我怎會沒經歷過……」
「相關既話題我勸你唔好再深追落去，森宿真係會殺左你。」

「難得我對啲灑狗血既情節比較有興趣，有機會的話我都想聽下。」

「你有命活下來再說吧。她的建議我勸你還是聽一聽比較好……雖然你從心底裡就沒有相信三葉吧？」
「…………………」





的確。
「一個係自己屋企都無安全感既人，要我去完全信賴一個我剩係識左兩日既人根本無可能。」

更何況呢條八婆三番四次咁出賣我？
「呵？看來跟你剛才跟我講的有出入，這傢伙根本就不是你的眷屬吧？三葉。」

「請繼續遊戲。」三葉非常冷漠既語氣。
「小伙子，你剛才那番話也太傷人了。」

三葉臉上係我未見過既表情，但係我無時間理佢咁多，自己條命仔最重要。
會激嬲佢既野唔講得，佢老豆老母既事績又講得七七八八……

睇黎就得返佢自己本身既野可以講。
佢頭先講既野入面有咩資訊可以講呢？





「森宿雖然唔算非常聰明，但係佢始終生存左千八年，知識方面你無可能超越到佢。所以想嬴，你就一定要利用自己既優勢。」
回想起既係一個我唔相信既人所講既野。

但係係一個生存左千八年既上位龍族面前，我有咩優勢？
忽然靈機一觸。
「我明喇。」
我拎出手提電話，森宿見狀立即顯得非常好奇。

「怎麼了，是武器嗎？只有這級數的魔力儲存量就別在我們面前拿出來獻醜好嗎？」

「你講得無錯，呢個就係我既終極武器。」
我於手機上輸入……

1800 x 500 =
「你這傢伙已生存了九十萬日以上了吧。」勝負已分。





我既優勢，並唔係因為我有電話，又或者我部電話有計數機功能。
「無錯，你這種只生存了一萬日的傢伙無法想像吧。」

光球變成紅色。
＊　＊　＊

我黎到白石鎮既第二日，下午，係白石聖堂見完伯雷主教返到圖書館之後。
「我返黎喇。」我打開圖書館二樓既大門。

圖書館中央既長桌坐滿左正太同蘿莉。
我開門之後所有正太蘿莉都向我投以好奇既視線。
「各位，佢就係嘉穎哥哥，大家叫人啦。」

「嘉穎哥哥～～」我開始後悔無同佢地講我既真名。
原本我都懷疑自己有無去錯地方，但係引領班細路向我打招呼既的而且確係菲兒。

「呢位同學，你自己搵個位坐。」雪菲兒對我笑道。
點解雪菲兒戴眼鏡既？
坐長桌最邊邊位置既正太蘿莉好自動咁騰空左個位比我，於事我就半個屎忽坐係長凳之上，旁邊既蘿莉依然用好好奇既視線望住我。
「繼續上堂，留心。」

「係～」原來佢地係上緊堂。
「彼德，你講比嘉穎哥哥聽我地今日學左乜野？」

坐係長桌中列位置既一個正太企係身，開始發言：「我地身處既星球叫做『嶽砶』，嶽砶係大地之古龍既名字。朝頭早照耀住我地既係『提默』，夜晚果陣照耀住我地既係『亞祖』。」

換而言之，佢地既太陽叫做提默，月亮叫做亞祖。
「非常好，請坐低。謝絲你有無新知識同哥哥分享？」

然後坐於我身旁既蘿莉就企起身道：「提默同亞祖會交替出現，一個循環就叫做一日，每日有22個小時，每個小時有60分鐘，每分鐘有60秒，而每秒……呃……」
好可愛！諸君，我最喜愛小學生了！
忽然間，全班一齊拍掌一次，隔左大約一秒之後再次拍掌。

「一秒就係咁長既時間，各位同學要記住。謝絲你講得好好，我相信嘉穎哥哥已經明白晒。」

叫做謝絲既小蘿莉坐低，我不禁伸手摸摸佢頭，以示稱讚。
小蘿莉露出滿足既笑容，好可愛！望到如此光景既我露出更加滿足既笑容。
「史提芬，日以上既時間單位就拜託你教嘉穎哥哥。」

「係！」小正太表現非常踴躍：「五日為之一週，五週為之一月，每月既第一日既時侯都可以見到亞祖既全身，相反於月中既時侯就會完全見唔到。五個月為之一季，季節有春天夏天秋天同冬天，四季加埋就係一年。」
＊　＊　＊
一星期5日，每月有5個星期，即係25日，5個月為之一季，即係一年有20個月，又或者係500日。
而500日同365日既分別就係我既殺著，對世界觀認知上既差距就係我既終極武器！

「二比三，勝方嘉穎。」