廢青於中世紀魔法世界的生存法則: 5, 最近既遊戲裡面，龍既地位變得越黎越低，我覺得根本反映唔到現實
眼前高四米既暴力熊舉起狼牙棒，用力往地板一揮。
「彭！」我與雪菲兒分別往兩邊避開，而地面因重擊而碎裂。
暴力熊首領力度驚人，一擊足以致命！
首領轉身，佢既目標係我，但唔代表雪菲兒安全，因為佢都應付緊普通大細既暴力熊。
首領再次巨高狼牙棒，但姿勢與之前不同。
我無指示頭先召喚出黎既三隻黑狗進行任何行動，佢地只係以「保護我」為原則，本能地攻擊附近既暴力熊。
「截停佢！」我指住暴力熊首領。
三隻黑狗應聲撲往暴力熊首領既巨臂，並用牙咬住佢既肌肉。
巨熊顯得非常唔舒服，本身想要揮棒既動作亦都變左做想要FING甩三隻黑狗。
「走！」我地既戰力相比眼前既巨熊只係杯水車薪，依家巨熊被黑狗癱瘓，仲唔走等幾時？
講就咁講，係漆黑一片既森林裡面我只係一隻盲頭烏蠅。
不過我好清楚如果繼續留係原地就只有死路一條。
咁多動畫等住我返去睇，我唔可以死係到！
我拖住雪菲兒向前進左十數秒之後，黑狗已經被擺脫，巨熊跑動時帶黎既震動再次出現！
「伏伏伏伏……」係物體劃破空氣既聲音。
我回頭一望，原來巨熊對我地拋出狼牙棒，我同雪菲兒再次一左一右咁避開，而去路亦都被狼牙棒阻住。
與此同時，巨熊用四隻腳跑住咁熊衝埋黎，佢既氣勢就好似一架行緊時速120公里既坦克車一樣！
「黑狗！」三隻黑狗追住巨熊跑，希望想截停佢。但係幾秒之後，三隻黑狗都化成一團白光，白光慢慢向中心收縮，消失於空氣之中。
完！記得燒啲動畫比我睇，順便燒埋火鳳同一塊丫唔該。
但忽然醒起肯燒野比我既人根本唔存在，我一定要生存落去！
「ＬＡＶＡ ＤＡＲＴ！」
雪菲兒向巨熊射出一支龐大既火箭，火箭射中巨熊後火勢於巨熊身上漫延。
巨熊亦都因此而減低速度，最後剛剛好停左係我面前，用力擺動身體將身上既火撲熄。
雖然依一擊對巨熊造成一定程度既傷害，但係想咁樣就嚇走巨熊實在太天真。
「嗥－－－－」
剛才既一擊已經令到巨熊轉左目標。
係一輪咆哮示威之後，巨熊往雪菲兒熊衝。
法師天字第一號既原則就係「不要over taunt」，今次雪菲兒仆街鳥，我可以點做呢？
「ＦＩＲＥ ＢＯＬＴ！ＦＩＲＥ ＢＯＬＴ！」
雪菲兒一路向後退，一路用魔法阻檔巨熊，但毫無戰果。
我想再次打三條九召喚黑犬，但係我發現電話已經無晒電。
早知用返3310！用3310無咁易無電不特止仲可以當武器扔佢！
「雪菲兒！」我大叫，但係此刻我都自身難保，本身被我同巨熊拋離既暴力熊亦都追左上黎，漸漸再次包圍住我。
「彭－－－－－－－－－－－－－－－－－」
巨大既撞擊聲，伴隨住既係被氣流捲起既巨塵。
我用手護住雙耳再緊緊閉起雙眼，依一刻打開雙眼竟然係個咁難既動作。
因為我唔想一開眼就見到被壓成肉醬既少女，各位有無試過上裡島睇J圖既時侯入錯裡B區然後睇錯野尻都縮埋？我就試過。
「吼！！」
但係撞擊聲接連不斷，除此之外仲有樹葉既搖動聲同樹木被壓倒，跌落地下既聲音。
我鼓起勇氣張開雙眼，見到既係一條龍。
貨真價實既龍。
條龍比起巨熊身型更加巨大，佢雙腳站地，用雙爪搭住巨熊膊頭，再由上而下往巨熊頭部噴出火炎。
「姑媽………」巨熊發出慘叫，但係同時亦都奮力抵抗緊，佢忽然用拳重擊火龍既腹部，龍亦因而被推開十數米之遠。
即使被擊退，龍依然飛於半空之中，拍動其巨大既雙翼，數秒後俯首衝往巨熊處。
巨熊被龍既身軀撞至失去平衡，然後龍用其右爪捉住巨熊既頭部並將其按往地面，一路拖行至百餘米之遠。
兩隻龐然巨物既體積再加上飛龍既速度令到沿路所有樹木都被撞倒，辟出一條大路。
就係飛龍停低既時侯，巨大既燈光投影至龍同巨熊身上。
「隊長，有發現！」於我地既遠方，龍同巨熊所在地另一側既森林裡面，有幾個戴晒頭盔既士兵。
「竟然係龍同熊侏族既首領，好激烈既戰況……」說話既騎士企係隊伍既中間，身穿既盔甲與其他士兵不同，睇黎佢就係士兵隊伍既領頭人。
係我眼中戰況完全唔激烈，只係龍單方面既撕殺。
「吼－－－－」龍再次咆哮，所有士兵、暴力熊同埋我都要用雙手護耳。
有龍出末都唔戴有高級耳栓既裝，你班士兵真係唔合格！
下一刻原本企係巨熊身體之上既龍放開已經失去知覺既巨熊，飛於半空之中。
飛龍拍動其巨大既雙翅，於半空中俯視在其身軀下方既一切。
係佢眼中，大概我地作有人加埋戰鬥力都係只有五既渣渣。
「投影班，唔好理隻熊侏，跟住條龍！」隊長下令。
我趁依個機會跑去雪菲兒旁邊，發覺佢已經昏迷。
但係我未有機會意淫眼前昏迷既少女，龍已經緩緩地飛過黎，因為燈光我終於可以睇清楚佢既外貌。
與我對龍既印象同雪菲爾既描述相去不遠，眼前既龍背部有對巨大既翅膀，於胸膛既左右邊有對雙比之下無咁大對既手臂，仲有對強壯既雙腿同強而有力既尾巴。佢既胸膛係黑色，身體其餘部份被緋紅色既鱗片覆蓋住。
以我地標準黎講，就係屬於西方世界既龍。
龍飛到我同雪菲兒面前，緩緩地拍動雙翼。
我見狀就企係龍同雪菲兒之間，舉起個已經無電既電話。
驚呀呢？我部電話無電呀！
「隊長，依家點做？」
「冷靜，以我地既戰力無可能同一條龍戰鬥到...」佢地兩個同雪菲爾一樣，講既廣東話帶有口音，但唔係大陸人既咸淡廣東話。
龍與我對望，係燈光投影之下，本身已經好有氣勢既龍再多左份威嚴。
你問我驚唔驚？我驚！我驚到瀨屎！
眼前既龍打個乞嚏都足以秒殺我，我此刻可以做既就只有靜待佢既宣判，究竟係殺定唔殺。
唔好殺我呀！我仲係個可憐既處男！
我地再對望數秒之後，赤龍無發動攻擊。
佢慢慢飛高，然後以燈光追唔到既速度消失於黑夜之中。
「嘩……嚇撚死咩……」
知道自己安全之後我成身放鬆落黎，雙腳發軟蹄跪坐於地上。
回想頭先同龍既對望，總覺得佢根本無放我於眼內。
我回望身後依然昏迷緊既雪菲兒，佢身上並無任何傷口，睇黎只係受驚暈倒。
「你地無事丫嘛？」隊長走到我地身旁問候。
「我地無事，只係佢昏迷左。」我回答。
「雪菲兒？」隊長第一眼就認出暈倒既人係邊個。
「聽你口音同睇你衣著，你唔似係本地人。長老去左邊？」隊長既語氣即刻轉左，字裡行間帶住幾分警戒。
莫非佢已經察覺到埋藏係我人格深處既犯罪基因？無可能！
「老身無恙。」老野係我地身後既樹林走出黎，佢揮手示意身後既樹人離去，並且不忘對樹林鞠躬。
「晚輩黎遲左令你地受驚，係我既失職。」隊長除低頭盔向老野道歉。
你做乜唔除埋件盔甲？道歉是露出胸部是常識吧？
「汝之協助為老身意料之外，不必自責。」老野示意要隊長平身。「汝當於鎮之四周巡邏，為何現身於此地？」
「晚輩係鎮附近巡邏晚既時候收到有龍出沒既情報就馬上趕過黎，一黎到既時候已經見到一大片樹林受龍同巨熊既影響而摧毀，但亦因為咁而打通左一大片樹林，其實此處已離鎮不遠。」
隊長用眼角望望我，後問：「依位係？」
「嘉穎，異鄉者也。幻獸無比敵之傳說非虛。」
我以視帝級既演技回以一個尷尬既笑容向其視好，但係隊長依然係用厭惡既眼神黎打量我。
令隊長分散注意力既係另一名士兵既聲音：「隊長，熊侏係我地唔覺意既時候救走左熊侏首領！」
「無礙，長老既安全遠比區區一頭熊侏重要。」
隊長以公主抱既方式抱起雪菲兒，後道:「我地有馬車，兩位請。」所有謎題已經解開，我似乎明白點解隊長對我充滿惡意。