廢青於中世紀魔法世界的生存法則: 2, 異世界既村姑對來自香港既廢青似乎無乜戒心，順帶一提，異世界既阿伯令人生厭

「我個扭扭粉呢？點解變左做魚柳包架？死蠢！」

係老妹慣常既惡罵聲，我張開雙眼，朦朧見到屋企，梳化上面係玩緊iPad既細妹，而老豆亦都岩岩起身刷緊牙。同往常既星期六無分別。

媽，為何結果不是我想的那樣？

我一打開雙眼，見到既係藍天白雲。

但係蔚藍既天空被一個巨大既影子掩蓋左一半，係雀仔？係飛機？係超人？
都唔係，以我所認知既事物裡面，「鯨魚」係同頭上巨影最相似既事物。




What？飛天既鯨魚？
「鯨魚」緩緩飛過，頭上景色又變返做一片藍天白雲。

我坐係地上面呆望天空，腦中空白一片。
「一定係平時FF得太多！」面對眼前一切，我可以得出既最解答案。
「先生午安。」係中文，不過口音同我聽慣既香港口音唔同，但絕對唔係譚仔大陸婆果種大辣中辣小辣唔辣果種口音。
我回頭一望，係個RPG遊戲裡面常見，中世紀村姑打扮既年輕女性。

女性黑色頭髮，綁住兩條麻花辮。頭上面戴住一條頭巾，衣服係白色既上衣及鬆身既藍色裙。
唔可以話佢唔JJABLE，但總之唔係我果Type，但係有得屌下都唔拘。




佢向我伸手，似乎係想扶我起身。

我透過掌心感受到年輕少女既體溫，除此之外，我仲留意到佢手掌並不如高登甜故中所描述一樣又白又滑，取而代之既係粗糙既觸感。
亦都係因為依個體溫，我可以肯定自己唔係發緊普通既春夢。

而係發緊一個極度真實既春夢。
「你聽得明我講野？」

「Yes, where am I？」聽講扮abc溝女可以加分。
姑娘打量我一身打扮，後道：「莫非你唔係本地人？」




我企起身，拍拍屁股上沾住既草同泥，再望望四周。
一片森林， 森林後面仲有高山。莫非我跌左去地球既另一邊？呢到係北歐？

我認識既香港如果有塊咁風涼水冷既靚地，仲唔一早起晒豪宅，萬二蚊一呎咁割讓左比大陸人。
「我一向都有身份認同危機，我究竟係香港人定係中國香港人？但我可以肯定咁答你我唔係支那人。」
「唔好意思，我唔係好清楚你講緊乜。」姑娘面有難色地回答。

「唔緊要，我都唔知自己講緊乜。細個果陣媽咪叫我唔好同陌生人講野，所以就造就左我毒撚既性格，要怪就怪佢。」一切都係社會既錯，我無錯！
「呃……雖然你講既每一個字都我聽得明，但係串連起黎既意思我完全掌握唔到……」

再係咁落去眼前既囡囡一定以為我係變態死毒撚。
雖然我係，但此刻都係拉開話題比較有利。
「我從來未見過頭先係我頭上飛過既生物，係咪你地本地獨有既品種？」香港都有中華白海豚，第二道有識飛既鯨魚都好合理姐。
根本就唔合理！
「我都係第一次親眼見到，果隻係幻獸無比敵。」





無比敵既大名應該好多人都聽過，係洋鬼子文學鉅著之一，講述既係幾條麻甩佬同條鯨魚之間，可歌可泣，要生要死既愛情故事。
但係我從來無聽過無比敵會被形容為幻獸。
「傳說中無比敵既出現往往意味住時空大門被打開，然後就會有異世既人被引渡至呢塊大地之上。」姑娘如此解釋，佢抱住一本書。
經典FF故事既開端。
若果依到係第二個世界，點解我可以用純正既廣東話黎溝通咁方便？

多謝你呀太一！多撚柒謝！不如你幫幫手令到香港啲自由行都識講廣東話啦好嘛？
或者退一步講英文都得。
「歡迎，異鄉人。」另一名身傳灰色長袍既老年人出現。

各位腦海中係咪即刻代入左甘道夫呢，無錯，佢既外貌就同大家印像中既甘道夫一樣。
「長老長老，原來無比敵既傳說係真架！」姑娘顯得非常興奮，同我個妹見到G-DRAGON果陣應該差唔多。
「冷靜……或者他僅僅是個迷途旅人。」長老雖然咁講，但係語氣都難掩佢既興奮。





死老野點解你講野文用書面語既？你朗誦緊？
「但係，你應該感覺到？佢身上完全無魔法既氣息。」
無可能！我明明係仲未破處既童貞魔法師，雖然仲未25歲拎到魔法師牌照，但係我既魔力應該非常強大之係！小姐你使唔使我幫你補充下魔力？
「的確，即使再不善長於魔法之民族總會一點點魔法氣息。」長老同意姑娘既觀點。
有魔法既世界，無魔法既主角，老土設定！No game No life呀？白bb呢？真白都好丫！

糞作，負皮，上一頁。
「兩位，打斷你地唔好意思，請問你地係邊位？」其實最多問題既係我囉好無，你地就話有個伴可以比討論下姐，我自己一個人只可以係內心同自己討論咋！
我係現實世界都已經無人理，黎到第二個世界都一樣無人理的話咁我黎做乜？

講返轉頭，根本唔係我想黎既，太一你快啲送我返屋企得唔得？我好多新番未睇呀！
「呀，失禮，我叫雪菲兒。」佢好有禮貌咁鞠躬。

「你好你好。」作為紳士我都以紳士既禮儀回應，即係視姦佢鞠躬時露出既事業線。
「老身乃『白石鎮』之長老。」甘道夫自我介紹。





老野你就算啦，無人關心你。
「白石鎮係附近一個小鎮，亦都係我地住既地方。」雪菲兒補充。
「異鄉人，敢問汝名？」老野問。Fate Stay Night外傳上季做完喇喎，本傳既魔法少女伊莉亞等緊我返屋企睇。
利申，非蘿莉控，只係我鐘意既咁岩都係蘿莉。
「我叫嘉穎。請問你係咪我既master？」作為一個出左黎社會撈左幾年既打工仔，已經唔會有人知道我全朵，再加上對方既陌生人，無理由講我真名比佢聽。
「你講野咁奇怪既。」雪菲兒甜笑道。

係咩？我諗既野仲會嚇你一跳添，到時你就笑唔出架喇。
從佢既眼神睇得出佢對我好有興趣，如果依個係高典登型食女故，我跟住落黎一定會用半版紙黎形容佢有幾JJABLE。
可惜依個故唔係食女故，因為毒撚同食女就好似雪糕同咖哩一樣大纜都扯唔埋。

糞作，負皮，上一頁。
「咳咳。」長老打斷雪菲兒既笑聲，然後續道：「是日觀察無比敵一行目的已完成，於太陽西入前覓地扎營方為上策。」
老野你早日歸西更為上上之策。




「長老，帶埋嘉穎一齊行得唔得？」係囉係囉，我新手落地Lv都未升新手村都未出，你地唔會由我留係到比野怪咬死咁殘忍架可？
長老上下打量我一番，我盡量擺出一個人畜無害既笑容。我見工果日都無試過咁虛偽。
「唔………糧草不足，老身愛莫能助……」

「我分一半比佢！」雪菲爾好似小朋友求老豆老母買玩具比佢一樣，乜都應承。
但係熟悉細路心態既我就好明白，依張只係張空頭支票。
「君尚年輕，必需果腹方可拙壯成長……」咁老野你比你果份我食咪得囉。

「黎啦～咁難得見到個異鄉人，點可以放過依個機會。」雖然我好清楚自己作為一個男性係毫無魅力，但係小姐你講到咁出面我心裡會好難過。
「若其力可為我輩所用，尚可考慮。」老野作出妥協，露出慈祥既笑容。

「好野！」其實全程除左一開頭做左好假的肥仔之外，我都無參與過個談判。
反正以皇道故事既發展黎講，我係無可能會入唔到隊。

雖然我都幾肯定高登毒撚比八神太一迫左入異世界幫小智做任務肯定唔係皇道故事。
「嘉穎。」老野比左個袋我拎，作為一個高登仔，依個重量根本唔算係乜。

忽然間，老野湊個頭埋黎，低聲同我講：「如果你夠膽對雪菲兒打任何主意，我就幫你絕育。」
既然你可以用口語的話就唔好冷係文皺皺咁講野啦！寫果個辛苦，睇果個又辛苦！
當然我唔會講出口，因為佢仲用手上支拐杖頂住我條巨龍，拐杖既頂端露出小許光芒，而我既巨龍亦感受到氣溫既異變。
個老野真係落到手，十成新黑金剛，話催毀就催毀。

雖則老野自己都可能收埋左一條86年勃根地全新未開封既葡萄賓周。
「當然啦……當然啦……」作為一個初到貴境既新手，我當然唔會蠢到同甘道夫隻揪。