不知不覺愛上你: 2. 聯絡

過左兩日, 一個人好無聊咁揸車去食四川嘢.  等等吓位覺得好無聊就攞部電話出嚟消磨時間.  一開 Facebook - 又喺佢?  睇嚟佢真喺好受歡迎.  唔知點解我突然好有衝動想睇吓佢 Facebook 啲相, 所以從佢答嗰啲男仔嘅地方搵佢嘅 Facebook profile. 本來諗住 add 佢做 friend, 但係又怕嚇親佢, 最後決定用 Facebook Messenger 搵佢, 只係隨意打了一句.

"...Hi Charlotte..." --- 維他奶

之後有位食飯, 當時只係想消磨時間, 沒有任何期望, 三唔識七又九唔搭八, 咁多男仔搵佢佢邊得閒答我呀.

收埋部電話就叫嘢食.  四川嘢真係好好食 (後來知道 Charlotte 都係四川食物嘅 fans).  本來今晚約咗個女仔去 LKF happy hour, 但係唔知點解突然唔係好想去, whatsapp 比佢推咗佢先.

"...今晚有事, 下次再約..." --- 維他奶





"...次次都話下次, Fxxk U..." --- Vivian Lam

之前同 Vivian 去飲酒, 佢次次都叫我請佢, 我已經話咗比佢知我從來都唔會請女仔飲嘢, 但係佢次次都再問, 佢真係好煩!

"...你唔去我約其他人去..." --- Vivian Lam

"...隨便..." --- 維他奶

(後來知道原來嗰日係 Vivian 生日, 而家諗返真係覺得有啲唔好意思).





再睇睇 Facebook Messenger, 無新 message, 收埋個電話就揸車返屋企做 gym 瞓覺.

這次喺我第一次 "聯絡" Charlotte.