不知不覺愛上你: 3. 回覆

再過咗幾日, 我如常搭地鐵 (我老喇所以唔知咩係港鐵) 返工.  因為第一個站上車所以一定有位座.  雖然尋晚瞓得唔錯, 但係返工前搭車有位座點都要瞓返吓嘅.

點解好似少咗啲嘢咁嘅?  唔記得咗帶飯盒!  Fxxk!  今日又要出去食啲冇蛋白質同肥嘅 Fish and Chips!  唉做返兩日 gym 都補唔返, 胸肌又細兩吋喇!  晨早流流就帶漏嘢今日一定無運行.

"...請勿靠近車門...請不要靠近車門...please stand back from the train doors..."  一程車聽幾十次, 唔眼瞓都比佢催眠到眼瞓啦!

瞓吓瞓吓好似已經到咗油塘, 要爭取時間在北角轉車前瞓多幾分鐘.  嘩邊個啲香水咁濃呀?  幾十歲就唔好發老姣啦!  你估你係羅霖咩?

突然間電話震咗兩吓, 攪到我成個人醒哂.  喺唔喺公司 HR whatsapp 我話我又遲到呀?  但係 whatsapp 應該震一吓㗎喎.  一睇嗰電話 - 閃綠燈嘅?  心諗咩嚟㗎?  咗X住我瞓覺!  鬼唔望你連續三晚失眠個樣老十年!





我掙扎咗半分鐘終於決定睇睇.  唔睇一定再瞓得返, 睇咗比飲完 Red Bull 更 hyper!

從 Facebook Messenger 來嘅 message:

"...Hi 維他奶..." --- Charlotte Yuen

"...nice to meet you..." --- Charlotte Yuen

發夢定係真㗎?  佢竟然會覆我?  係唔係我睇錯呀?





這次喺 Charlotte 第一次 "回覆" 我.