千禧港女神探（一）春風化雨殺人事件: 第十四話　含冤受屈

第十四話　含冤受屈

在3D的課室中，陳秀琴老師正在教授英文課，學生的壓力已經很大了。

突然，訓導主任蔡智勇叩門，並點名叫「孫葡萄」出來。

任何學生，被叫全名都知道不會是甚麼好事，不是做錯事就是即將被罰。

作為好朋友的葉雨晴多少有點擔心，開學才一個多月，應該不會是嚴重的事才好。





孫葡萄說：「蔡Sir有乜嘢事呀？」

蔡智勇說：「妳跟我去校務處會客室，有人等緊妳。」

孫葡萄說：「係乜嘢人要我去校務處？唔會係校長掛！」

蔡智勇說：「唔係校長，而係警察。」

孫葡萄說：「警察？唔係吓嘛！我最近有犯事咩？」





蔡智勇說：「唔使咁緊張，都係循例同妳落口供姐。」

兩人來到校務處，孫葡萄進入會客室。

趙芷芳說：「我係大埔區重案組高級督察趙芷芳，關於一單命案，想妳協助調查。」

孫葡萄說：「一單命案？妳嘅意思係指謀殺案？」

趙芷芳說：「無錯，死者係5A班嘅古偉達。你識唔識佢？」





孫葡萄說：「我係插班生，今年九月先至喺度讀書。3D班我都未熟，點會識5A班呢？」

趙芷芳從公事包中拿出手提電腦，上到 testtube.com網站，搜尋「春風化雨　打架事件」，

就找到古偉達和葉雨晴對戰的過程，然後播放出來給孫葡萄看。

趙芷芳說：「呢件事係上個月發生，妳應該多少有印象。」

孫葡萄說：「搞到上 testtbue.com咁大件事，梗係有印象。」

趙芷芳說：「同妳好朋友葉雨晴打交嗰個就係今次命案嘅死者古偉達。」

孫葡萄說：「咁佢當時又無講，我點會知道佢叫咩名。」

趙芷芳說：「我就當妳唔知道，但係至少妳會認得佢。」





孫葡萄說：「妳咁講想暗示啲乜嘢？唔係想話我係兇手掛！」

趙芷芳說：「好抱歉，暫時最大嫌疑嘅的確係妳。」

孫葡萄說：「上次件事，最多只可以叫後生仔女嗌交颯氣，未至於要去到殺人。」

趙芷芳說：「殺人動機的確唔算好充分。不過案發嗰陣，妳咁啱喺現場。妳有乜嘢解釋？」

孫葡萄說：「案發嗰陣即係幾時呀？」

趙芷芳說：「就係琴日5:00前，嗰陣古偉達去咗四樓男廁，而校工梅姐正想去鎖廁所門。

就喺5:00前，梅姐喺四樓走廊遇到妳，而男廁上鎖之前，入面無人出來。」





孫葡萄說：「妳係話我去男廁殺人？Solar係學界泰拳金腰帶都打唔贏，我點會夠佢打。」

趙芷芳說：「妳知道武力唔得，於是妳就用毒藥。」

孫葡萄說：「咪玩啦！我點知佢當時喺四樓男廁？我又點知自己會喺四樓罰留堂？」

趙芷芳說：「既然妳同佢有過節，有心查總會查到佢嘅行蹤，至於罰留堂應該有固定課室。」

孫葡萄說：「講來講去，妳都想話我係兇手，呢啲全部都只係妳嘅推測，根本就無實質證據。」

趙芷芳說：「四樓男廁的確搵唔到妳嘅指紋，不過兩、三日後，驗屍報告一出，自然就會有。」

孫葡萄說：「咁我就等驗屍報告，到時妳就知道我係清白嘅。」

趙芷芳說：「咁妳可以走先，有需要嗰陣，可能仍然會請妳協助調查。」





孫葡萄回到3D課室後，葉雨晴已經感覺到這正是暴風雨的前夕，即將有大事發生。

而在法醫吳碩彥召喚救護車接送古偉達的屍體時，已經有不少突發新聞記者趕到。

紙是包不着火的，古偉達在校園中被殺，孫葡萄被警察問話，已經在校內傳得沸騰。

學校為了保全Band 1中學的聲譽，盡可能低調處理，對傳媒三緘其口。

然而，在學校之內，孫葡萄被傳聞是頭號嫌疑犯，在放學前已經傳遍整個校園。

孫葡萄感受到前所未有的群眾壓力，比這一個多月的學業壓力有過之而無不及。

就在3D班內，各同學用着奇異的眼光在看着她，彷彿未審先判地認定她就是殺人兇手。





孫葡萄正在開始動搖，難道自己在潛意識之中，無意識地殺害了古偉達？

放學鈴聲響起，孫葡萄不知不覺地走到四樓走廊的圍欄，眼前爬過去就是禮堂頂部。

孫葡萄下意識地爬過去，就像當日中一女學生鍾樂怡一樣，企圖跳樓自殺。

眾人看見這個情形，馬上通知老師，當時陳秀琴也在四樓。

於是，陳秀琴就爬過四樓走廊的圍欄，去到禮堂頂部，企圖勸服孫葡萄打消跳樓自殺的念頭。