千禧港女神探（一）春風化雨殺人事件: 第十五話　談判專家

第十五話　談判專家

陳秀琴說：「孫葡萄！好危機呀？返埋來先啦！有咩事慢慢講！」

孫葡萄說：「唔好叫我全名呀！每次叫親全名，唔係做錯事，就係會被罰。」

陳秀琴說：「咁我叫妳Pluto啦！生命好寶貴㗎！唔好咁小事就睇唔開呀！」

孫葡萄說：「咁都算係小事？依家個個都當正我係殺人犯呀？」





陳秀琴說：「咁都只係懷疑姐，都未正式落案控告妳。」

孫葡萄說：「妳就講得輕鬆，試下被人懷疑嗰個係妳，妳又會點樣？」

陳秀琴說：「我一定會相信警察可以查明真相，還妳一個公道。」

孫葡萄說：「最弊好多人未審先判，認定我係兇手，咁我就真係水洗都唔清。」

陳秀琴說：「點講都好啦！唔好做傻事呀！」





孫葡萄說：「妳走開，唔好理我，有得我去死。」

就在這時，訓導主任蔡智勇知道了有女學生要跳樓，於是急忙找5A班的謝隆恩進行游說。

謝隆恩蹣跚地在四樓走廊走過來，葉雨晴看見後，實在忍受不了。

葉雨晴說：「乜你咁論盡㗎！你行得咁慢，不如等我來。」

謝隆恩說：「妳係勸得掂先好，搞唔掂就等我來。」





葉雨晴說：「得喇！得喇！我有分數㗎喇！」

於是，葉雨晴就爬過四樓的圍欄，去到禮堂頂部。

孫葡萄說：「Solar唔好過來呀！等我一個人死咗去就算！」

葉雨晴說：「妳點可以就咁就死咗去㗎！《山賊王》仲未大結局呀！」

孫葡萄說：「係喎！臭飛仲未搵到『超級大寶藏』喎！」

葉雨晴說：「《幻影騎士》仲未解決『十頭』啊！」

孫葡萄說：「咁又係喎！名門仲未做到『幻影』呀！」

葉雨晴說：「米田共共仲有好多命案等佢去破案㗎！」





孫葡萄說：「係喎！我每次都好想估到邊個係兇手呀！」

葉雨晴說：「咁咪係囉！仲有咁多動漫好睇，點會捨得死。」

孫葡萄說：「就算我唔捨得死，都要揹住殺人兇手呢個罪名，我以後喺學校嘅日子點過？」

葉雨晴說：「我都明白，妳只不過係無不在場證明，殺人動機亦都好牽強。

我絕對相信妳唔會係兇手，靠警察破案不如靠自己，我一定會還妳一個清白。」

孫葡萄說：「妳真係我嘅好姊妹，但係妳只不過係一個初中學生，憑乜嘢還我一個清白？」

葉雨晴說：「我唔係一個普通嘅初中學生，我身體入面流住神探嘅血。」





孫葡萄說：「妳唔係想話俾我聽，妳同米田共共一樣，有個神探爺爺吓話。」

葉雨晴說：「唔係爺爺，而係爸爸，我爸爸就係神探。」

孫葡萄說：「妳爸爸係邊個？叫乜野名呀？」

葉雨晴說：「我爸爸就係西九龍重案組總督察，人稱『不老神探』嘅葉知秋。」

孫葡萄說：「就係成日上電視，俾記者訪問，代表警方發言嗰個靚仔叔叔？」

葉雨晴說：「妳都有睇新聞？無錯呀！嗰個靚仔叔叔就係我爸爸喇！」

這時，混雜在圍觀學生群中的兇手，聽到葉雨晴的爸爸，葉知秋的大名，立刻感到額角冒汗。

兇手想：「查案天份真係可以遺傳？咁我就要睇吓妳有幾多斤両喇！」





孫葡萄說：「可惜妳爸爸唔係管呢個環頭？如果由佢負責我就有信心好多！」

葉雨晴說：「依家我好差咩？話曬我都有佢嘅遺傳，點都會有多少查案天份。」

孫葡萄說：「咁好啦！我就相信妳，等妳揪出真兇，還我清白。」

葉雨晴說：「咁就快啲返上來啦！唔好企喺咁危險嘅地方喇！」

孫葡萄說：「好啦！好姊妹！大偵探！」

於是，葉雨晴成功勸服孫葡萄，回到四樓的走廊，不需要謝隆恩出手了。

訓導主任蔡智勇在四樓走廊中，看見整個游說過程，不禁拍手讚好。





蔡智勇說：「估唔到原來除咗謝隆恩之外，妳都可以成功勸服跳樓學生。」

葉雨晴說：「小意思姐，咁無理由見到自己個friend要跳樓唔去救。」

孫葡萄說：「我真係好好彩，可以一入來就識到妳呢個friend。」

葉雨晴說：「唏！講呢啲！喺學校入面，講個friend字就要負責。」

蔡智勇說：「咁我唔使擔心謝隆恩畢業之後，無人游說跳樓學生。」