千禧港女神探（一）春風化雨殺人事件: 第五話　上體育堂

第五話　上體育堂

「跳樓事件」平息後，CFY如常運作，這天5A班上體育堂，男學生在禮堂下的有蓋操場集合。

衣着鮮色，白髮蒼蒼的體育科朱展明老師到達有蓋操場，感覺上總是有點不協調。

朱展明說：「今日首先同大家做過握力測試，睇吓大家左右手力度係咪平衡。

握力計單位係千克，將讀數除自己體重，再乘100就可以得出握力體重指數。





以中五來計，低過56唔合格，56至70合格，71至84良好，高過84優秀。」

5A班男學生很有秩序地排隊來緊握那個握力計，每人左右手各握一次。

謝隆恩握完後，取得左手80千克，右手70千克的握力。

他的體重是100千克，經計算後的握力指數左手是80，右手是70。

張宇傑說：「奇怪！平日見肥隆都係右優，點解左手大力過右手咁多？」





徐梓俊說：「一睇就知道佢係毒男啦！咁你都唔明？」

張宇傑說：「毒男又點呢？有乜嘢關係？」

徐梓俊說：「左青龍，右滑鼠。」

張宇傑說：「咩係左青龍右滑鼠呀？」

徐梓俊說：「咪扮純情啦！唔好話俾我聽你未試過單手打字呀！」





張宇傑說：「單手打字⋯⋯左青龍⋯⋯右滑鼠⋯⋯我終於明喇！」

各人測試完後，大部份都是右手的握力指數比較稍高，握力指數都是大約60。

班中號稱「運動健將」的古偉達，握力指數也只是大約70。

朱展明說：「測試完畢，今日我教大家玩鞍馬。」

眾人來到鞍馬前面，朱展明正要開始說明。

朱展明說：「鞍馬係男子體操項目之一⋯⋯」

古偉達說：「朱Sir咪玩啦！你估我哋係體操王子咩！」

朱展明說：「唔使體操王子，鞍馬嘅動作唔算好難做。」





古偉達說：「講就天下無敵，你做俾我哋睇吓。」

朱展明說：「你哋唔信我做得到咩？」

古偉達說：「睇你都就快60歲啦！你做到我切！」

朱展明說：「今年就係60歲啦！咁就睇吓你切邊度喇！」

朱展明輕易做出單環轉體、雙環轉體、移位轉體、分腳交叉等動作，最後倒立輕鬆落地。

雖然不算是最高難度的奧運比賽動作，但是整套動作優美流暢，沒有半點瑕疵。

眾人看得目瞪口呆，古偉達更加感到無法相信。





黃傳聲說：「朱Sir真係好勁呀！除咗『湯馬斯盤旋』之外，其他奧運比賽動作都做齊。」

朱展明說：「其實我後生嗰陣做到『湯馬斯盤旋』，依家年紀大先至唔夠力做。」

古偉達不服氣，自己上鞍馬嘗試做出剛才的動作。

豈料雙手、腰腹和雙腿都不夠力，只是勉強做到分腳交叉，任何轉體動作也做不到。

朱展明說：「Victor點呀！做唔做到呀？想切邊度呀？」

這時，黃傳聲突然遞過?刀，各人一齊起鬨說：「切啦！切啦！切啦！」

古偉達說：「我切⋯⋯頭髮！」

他騎虎難下，唯有拿起?刀，切下一些頭髮。





古偉達說：「點解突然會有?刀？」

黃傳聲收回?刀並藏起來，之後支吾以對，不了了之。

謝隆恩說：「其實朱Sir係咪自細就好鍾意玩體操？」

朱展明說：「當然唔係，我自細就唔鍾意做運動，最差就係體育科。」

謝隆恩說：「咁點解體操咁勁又做埋體育科老師？」

朱展明說：「我就係要挑戰自己『最弱一環』，咁樣先至會有突破。」

謝隆恩說：「可惜睇唔到朱Sir做『湯馬斯盤旋』！」





朱展明說：「以我依家嘅體能真係好勉強，唔好意思令你失望。」

經過這堂體育堂之外，5A班的學生均對朱展明刮目相看。

古偉達說：「我總唔信我做唔到頭先嘅動作，俾一個月時間我練，再做唔到我切。」

朱展明說：「哈哈哈！好大口氣，到時睇吓你又切邊度。」

下課後，各人都在反覆思考要挑戰自己「最弱一環」才會有突破這句說話。