千禧港女神探（一）春風化雨殺人事件: 第四話　跳樓中學

第四話　跳樓中學

現在334新學制增設了通識教育為必修科，學生唯有多看報紙留意新聞。

某天，葉雨虹在圖書館中，看見《暗報》刊登了昨天有小學生跳樓的新聞，感到不勝唏噓。

這時，黎國光看見她正在拿着《暗報》發呆，就走過來搭訕。

黎國光說：「有乜嘢大新聞呀？」





葉雨虹說：「唉！又有小學生跳樓喇！」

黎國光說：「每年九月開學，總會有幾個中學生、小學生跳樓，已經唔算係乜嘢新聞。」

葉雨虹說：「點解有勇氣跳樓，無勇氣生存？」

黎國光說：「係咁㗎喇！依家啲00後心靈脆弱，經唔起挫折，以為死咗就可以解決問題。」

這時，葉雨晴剛好也在圖書館，聽到兩人的對話就走過來。





葉雨晴說：「乜你講到好似大我十年咁，其實你咪大我兩年。90後！」

黎國光說：「我哋90後就算係自殺，至少都去到大學先至會頂唔順。真係一代不如一代！」

葉雨晴說：「咁都唔好得幾多，咪一樣係睇唔開。」

葉雨虹說：「其實CFY曾經都有唔少學生跳樓，不過反而有更多學生入讀。」

黎國光說：「好多怪獸家長覺得讀書壓力大先至係好學校，跳樓學生只不過係失敗者。」





葉雨虹說：「大埔區之中CFY以多學生跳樓而出名，更曾經被傳媒封為『跳樓中學』。」

黎國光說：「不過，自從肥隆諗到一條『絕世好橋』之後，企圖跳樓嘅學生都會放棄自殺念頭。」

葉雨虹說：「你講嗰個肥隆係咪我哋班嗰個？」

黎國光說：「無錯！就係5A班嗰個謝隆恩！」

這時走廊外面一片騷動，有一名女學生越過四樓走廊的圍欄，爬到禮堂頂部企圖跳樓自殺。

剛好經過的數學科老師布思哲立刻上前到禮堂頂部，並認得出她正是自己教過，1A班的鍾樂怡。

布思哲說：「鍾樂怡！妳咁樣好危險㗎！快啲返埋來啦！」

鍾樂怡說：「唔好叫我全名呀！每次叫全名都係我做錯事，或者俾老師罰。」





布思哲說：「咁我叫妳Mandy啦！有事慢慢講，點解要搞到跳樓咁嚴重？」

鍾樂怡說：「我讀書好辛苦呀！就快壓力爆煲喇！」

布思哲說：「其實妳嘅入學成績都算唔錯，依家啱啱升上中一，大把時間追。」

鍾樂怡說：「你知咩丫！唔錯係唔夠㗎！我阿爸阿媽要我至少全級考前10名呀！」

布思哲說：「其實以CFY嘅水準全級前50名穩陣入三大，全級前100名穩陣入八大。」

鍾樂怡說：「表哥表姐唔係哈佛、史丹福，就係牛津、劍橋，我讀本地大學阿爸阿媽會好無面。」

布思哲說：「三大國際排名都唔算低，大把人大學都入唔到。」





鍾樂怡說：「唔算低係唔夠㗎！阿爸阿媽係要我入世界前10名嘅大學呀！」

就在此時，一個龐大的身形逐漸移近，正是滿臉暗瘡，體重220磅的謝隆恩。

他蹣跚地越過四樓走廊的圍欄，來到禮堂頂部，並叫圍觀的學生讓路。

布思哲曾經聽聞過謝隆恩成功勸服學生跳樓的事蹟，也讓路看他如何遊說。

鍾樂怡看見他後，更是嚇得花容失色，忍不住哭起上來。

鍾樂怡說：「你個死肥仔、核突佬走開呀！」

謝隆恩說：「乜咁大嘥呀！既然妳要去死，不如喺死之後俾我享受一吓。」

謝隆恩流露猥褻好色的眼神，伸出舌頭舔着上下唇，逐漸垂涎三尺。





鍾樂怡說：「你變態㗎！我就算死，都唔會俾你搞我。」

謝隆恩說：「姦屍都係一樣，我就同妳做個『生死之交』。快啲跳落去，我喺下面等妳。」

說完，他蹣跚地越過四樓走廊的圍欄，走四層樓梯去到地面露天操場。

謝隆恩張開雙手大叫：「Come on, baby. 快啲跳啦！我等緊妳！」

鍾樂怡說：「你痴線㗎！我先至唔會俾妳搞呀！死變態佬！」

說完，鍾樂怡立即回到四樓的走廊上，謝隆恩再一次挽救了一條寶貴生命。

訓導主任蔡智勇看到整個過程，不禁拍手叫好，對謝隆恩極為欣賞。





蔡智勇說：「難得你諗到辦法唔使驚動警察同記者，就可以圓滿解決事件。」

謝隆恩說：「但係咁樣唔怕個女學生有心理陰影咩？」

蔡智勇說：「心理問題可以解決，總好過無咗條命。」

謝隆恩說：「如果跳樓嘅係男學生，效果會更快更好。」

蔡智勇說：「好彩有你，唔使搞大件事，又唔會影響學校嘅聲譽。」