[真人真事+少少甜] 一切，由MSN開始: 第六十章、藍：兩小無猜

「藍藍！你黎啦！我以為... 我要等到天光哈哈

」丁當一見到我，即刻好開心咁講。

「丁當... 你有乜想同我講？

」

丁當突然攬實我，話：「對唔住呀，藍藍。如果唔係我忍唔住，我地一樣會繼續係好朋友。唔會搞到依家咁...

」

「丁當...」

「噓！等我講埋先。可唔可以做我女朋友，淨係今日！過左今日，我就當呢排既事無發生過，重新做你既好朋友。就一次，求下你。

」

「就當我可以扮無事，但有D野發生左就係發生左！點可以話無就算...

」

「藍藍... 由細到大我有幾錫你，你知嫁！有邊一次我唔聽你話？今次，當係就我一次...」

見到眼前既丁當雙眼通紅，我覺得自己真係會心軟，但咁樣咪姐係對唔住大雄...？

「做咩唔出聲... 不如咁，唔好話做我女朋友啦... 陪我玩一日，得我地兩個，好似以前咁，好唔好？

」

「好啦...」之後，丁當即刻拖住我跑出小白塔。

「我地去邊呀？

」

「陣間你咪知囉哈哈」佢帶我行出荃灣公園，經過西鐵站，黎到灣景廣場。唔通我地係去...

「我地好耐無黎過冒險樂園啦。

」丁當講完就走入去兌左200個代幣。

記得好細個既時候，我地既屋企人都會帶我同丁當一齊黎呢度玩。一放假，就一定會求爸爸媽媽帶我地去。

因為係呢度，唔單止有得玩，仲可以換禮物。講起上黎，丁當每次玩完都會將佢一大半既飛比我，所以次次我都滿載而歸。

到左大個，唔係嫌呢度太幼稚，而係因為覺得玩一次好唔扺，所以我都已經好多年無黎。

「藍藍，我地黎挑機啦！

」每一次，我同丁當都會鬥番三場氣墊球。

「好呀！我先唔怕你，我寶刀未老呀！