[真人真事+少少甜] 一切，由MSN開始: 第六十一章、丁：殘酷真相

『唉，我都想佢係我女朋友呀…』我心諗 。 

呢個時候，藍藍部手機突然響起。我望到個來電顯示，係大雄。 

藍藍猶疑左一下，我捉住佢隻手，同佢講：『唔好聽…』 

藍藍個樣好似好掙扎咁，塊面都紅哂。不過，最後佢都係聽左。 

『喂』 
『我依家…我依家係冒險樂園…』 




『我遲d先再同你解釋丫，對唔住呀大雄…』 

藍藍跟住就收左線。不過大雄之後都仲繼續打黎，藍藍最後索性熄左機。 

『我要果隻草泥馬公仔啦！』藍藍好似都幾開心咁。 

行出左冒險樂園之後，我同藍藍講：『多謝你呀』 

『你講咩呀？你幫我擲到隻公仔，應該係我多謝你喎 』 





『多謝你可以為左我而放低佢…』 

『其實大雄始終係我男朋友，我最後都會同佢講返…只不過我暫時拖住先姐，其實我夾係你地中間我都好辛苦…』 

『唔好講佢住啦，不如我地諗下去食咩先啦』我特登扯開話題，唔想俾大雄破壞到我地嘅氣氛。 

『urm…不如去食米線？』 

『好呀』 





我地坐低左，叫好野食，藍藍突然開口。 

『丁當，我有d野想講…』 

『…你講啦』 

『其實…我之前真係鍾意過你… 』 

『我都估到你之前係呃我嫁喇 』 

『但係…就係因為我愛你，所以先拒絕你。如果我地真係拍拖嘅話，可能我地一開始會過得好開心，但係大部分情侶最後都係分手收場…我想可以一直留係你身邊，如果係朋友嘅話就唔會分手，我好驚會因為咁樣會無左你…你明唔明？』 

我無出到聲，唔係因為我聽唔明藍藍講乜，而係因為我聽得明，但係我又反駁唔到佢 。 

『咁…你依家仲鍾唔鍾意我？』 





『我…我已經有大雄喇…』 

藍藍唔肯直接答我，咁姐係佢個心其實仲有我係度 。 

『你覺得你咁樣仲可以繼續同大雄開開心心咁行落去咩？』 

藍藍無出到聲，佢個樣好迷惘。 

『腩肉米線、雞肉米線走芽菜』 

『算啦，我唔應該咁講，食野先啦』 

我之後同藍藍講返以前嘅野，唔再提起大雄，不過佢都好似仲係好sad咁，無咩心機理我…