[真人真事+少少甜] 一切，由MSN開始: 特別篇(四)、Kelly：分手很痛

『鳴嗚鳴…』今晚係平安夜，亦都係我初戀分手既日子。


好唔容易先可以將d眼淚忍住，忍到返屋企，係我訓落床果一刻，我終於都忍唔住，喊左出黎。


點解你要揀呢日講分手？點解你可以咁恨心？點解你情願去愛一個唔愛你?人都唔要一個愛你?人？


明明藍琛蕾同大雄一齊左，我以為你會對佢死心，點知你都仲要鐘個頭埋去…






『我有咩比唔上藍琛蕾呀…』


我一直收埋自己係個被窩度，喊下喊下就?得滯訓著左。


第二朝醒返果陣，阿爸阿媽都已經出左去返工，成間屋就只係淨返我孤零零一個。






我好想搵人傾訴，但係我發現原來我連一個真心?朋友都無。不過，就算無人俾我宣洩，我都唔會再搵藍琛蕾，永遠都唔會。


我落左街買啤酒，我想飲醉，因為只要我個腦一得閒，就會諗起丁當呢個賤人。


『嘩！咁難飲?！』我飲左唔夠一秒，就將我人生第一啖啤酒噴返出黎。平時見人飲得好輕鬆，點知個味原來係咁苦咁澀。






我夾硬將成罐啤酒飲哂落肚，結果唔夠一陣，我就衝左入廁所嘔，嘔到連黃膽水都無哂先停。不過嘔完之後，我並無舒服返，個心反而更辛苦。


『有無人可以關心下我？有無人可以陪下我？』諗起自己?慘怳，我又不自覺咁喊左出黎。


過左幾日，我都無出過街，只係留係屋企喊，喊到隻眼又紅又腫。阿爸阿媽返到黎就入房，佢地就以為我?書唔會黎打擾我。


我一得閒就會上討論區睇下d失戀post，搵下有無人同病相憐，有?就入去留言傾下計。只有咁樣我先至無覺得咁獨單，自己並唔係最慘果一個。


至於msn，我一早就已經del左，因為根本無人係我想搵。或者，我更驚?係自己會犯賤忍唔住搵返丁當。






唔經唔覺咁就過左個聖誕假，以前?我一定係用哂d時間黎?書，不過今年我就只係悲傷中渡過。


係返學前一日，我去將留左好耐?長頭髮剪短，我希望咁樣可以代表自己?一個新開始。我唔要俾丁當覺得我無左去就唔得。


不過，就算我真係放低，丁當我依一世都唔會原諒你。