[真人真事+少少甜] 一切，由MSN開始: 第四十九章、藍：針鋒相對

「你所打既電話暫時未能接通，請你遲d再打過黎...」呢句說話我諗每個人都有憎恨佢既一刻。 

我打左好多次比丁當，佢都唔聽。不過唔緊要，因為我知佢係邊。或者我可能比丁當自己更加了解佢。 

「丁當，係咪你呀？」 

「點解你會黎嘅？」果然，佢真係係呢到。 

呢座白色既小塔一d都唔普通，因為佢係我地既防空洞，容許我地兩個逃離呢個煩人既世界。 





不過，我都已經好耐無黎，我以為我地已經大個，唔再需要黎呢到逃避現實。 

丁當同Kelly分左手... 其實我完全估唔到，因為Kelly係幾咁愛丁當。原來單方面既付出唔唔夠嫁... 

最令我意想不同既係... 

「我鍾意你呀，藍藍」 
「我今次唔會再放手嫁喇，我唔會再俾你走」 
「我都知咁樣你會好為難嘅，但係我會一直等你，直到你俾機會我為止」 
「如果我唔咁做，我一定會後悔。我已經唔想再無左你…」 





點解偏偏要係呢個時候？明明我已經有大雄啦！ 

丁當，你覺得咁好好玩咩？ 

其實我比任何人都清楚，佢係好認真。 

而佢都比所有人了解，我心入面亦係愛佢既。 

但... 





咁樣唔代表一切！我唔可以因為我地兩個既任性而自私咁傷害大雄。 

「我地唔可以咁嫁，同埋我已經有大雄喇…」 
「我…一直都當你係最好最好嘅朋友…」 

我承認有一刻我想點頭答應佢，唔再做佢一世既好朋友，要做佢一世既好伴侶。 

果一刻，我腦入面同樣閃過大雄係我轉身離開前失望傷心既表情。 

對唔住，丁當。由細到大，都係你係到就我，就當比我任性埋呢次。 

我地做唔成男女朋友，依舊可以係好朋友，但我同大雄分左手，可能乜都唔係... 我唔想失去你地任何一個。 

大雄： 

23:36 多謝你令我知道自己有幾咁比唔上丁當 
23:37 多謝你令我認清呢個殘酷既事實 

記得肥仔曾經問我個問題：「如果有一日，大雄要你同丁當絕交，你會點？」 

當時既我好自豪咁講：「呢一日永遠都唔會黎！ 」，睇黎我真係太高估自己。 

我： 
00:13 原諒我 Sorry 
00:13 當時我太擔心丁當同Kelly 所以黎唔切同你解釋... 
00:14 我好怕佢地會出左咩意外 
00:14 因為丁當好耐無喊住黎搵我 
00:14 我走唔代表你唔重要 
00:14 你兩個都好重要呀! 
00:14 比多次機會我 無下次!!!!!! 

00:15 我愛你