[真人真事+少少甜] 一切,由MSN開始: 第四十八章、丁:告白之夜
係荃灣公園入面有一座塔,白色,三層高,平時都無乜人會行入去,不過我以前有咩開心唔開心,都會係度同藍藍講,呢度就成為左我地兩個嘅秘密花園。
不過今日藍藍唔係度,無人可以坐係度聽我講心事。雖然知道佢同緊大雄一齊,我都係忍唔住打左俾佢,或者其實我心底仍然想佢可以係我身邊聽我傾訴
![](http://forum5.hkgolden.com/faces/frown.gif)
我上到最高果層,係個窗度望出去,成個公園幾乎無人。
諗返kelly岩岩個樣,我都知道我真係傷得佢好深好深…
![](http://forum5.hkgolden.com/faces/frown.gif)
或者我唔應該同佢講分手,或者我一開始就唔應該同佢一齊,或者我唔應該鍾意藍琛蕾…
『丁當,係咪你呀?』塔下面突然間有人大叫,係藍藍!
![](http://forum5.hkgolden.com/faces/shocking.gif)
藍藍行到上黎,我問佢:『點解你會黎嘅?
![](http://forum5.hkgolden.com/faces/surprise.gif)
『我聽完你電話之後好擔心你呀,你同kelly發生左咩事呀?』
『你…唔係同緊大雄一齊咩?你點知我係度嫁?』
『我聽到你好似好唔開心咁,咪趕過黎先囉。你以前一唔開心就拉我黎依度傾計嫁啦,有幾難搵姐』
聽到藍藍特登為左我而趕黎,心裏面都忍唔住暗爽左下
![](http://forum5.hkgolden.com/faces/sosad.gif)
『其實…我同kelly岩岩分左手
![](http://forum5.hkgolden.com/faces/frown.gif)
『我都估到少少嫁喇…點解好地地要分手呀?』
『因為我唔係真係咁鍾意佢…』
『你唔鍾意人又同人一齊?你搞咩呀丁當?』
『我同左kelly一齊之後先發現原來我一直都放唔低一個人…』
『放…放唔低一個人?係邊…邊個呀?
![](http://forum5.hkgolden.com/faces/@.gif)
我一下將藍藍攬住,攬到好實。
『我鍾意你呀,藍藍』
『你…你講咩呀?你攬得我好緊呀,放左手先再講啦
![](http://forum5.hkgolden.com/faces/shocking.gif)
『我今次唔會再放手嫁喇,我唔會再俾你走』
『我地唔可以咁嫁,同埋我已經有大雄喇…』
『你真係一d都無鍾意我咩?』
『我…一直都當你係最好最好嘅朋友…』
我放開左藍藍,佢"dup"低左個頭,好似迴避緊我嘅目光
![](http://forum5.hkgolden.com/faces/frown.gif)
『我都知咁樣你會好為難嘅,但係我會一直等你,直到你俾機會我為止』
『其實你唔洗咁做…』
『如果我唔咁做,我一定會後悔。我已經唔想再無左你…』講講下,我竟然不知不覺咁有d眼濕濕。
『唔好咁啦,我咪係你隔離囉』
『但係我唔想你淨係當我係朋友咁簡單,我想做你男朋友…』
『對唔住,我依家唔可以應承你…』
『我明嘅,係我自己遲左,只要你知道我係度等緊你就得喇。好夜喇,不如我送你返屋企?』
『嗯』
一路上,我地都無再講野。等到藍藍轉身行入門口之後,我終於都忍唔住喊左出黎…
![](http://forum5.hkgolden.com/faces/cry.gif)