[真人真事+少少甜] 一切,由MSN開始: 第四十七章、藍:離別之際
「大雄!我地快D去睇煙花啦,仲有幾分鐘就開始啦!
![](http://forum5.hkgolden.com/faces/love.gif)
Space Mountain我地玩左5次,大雄好大膽,乜都肯陪我玩,我驚個時就即刻攬實我,好有安全感。
![](http://forum5.hkgolden.com/faces/kiss.gif)
煙花放左個米奇頭出黎,雖然係好白痴,但呢一刻我都覺得好幸福。
呢個時候,我feel到個袋係咁震,原來有人打黎...
![](http://forum5.hkgolden.com/faces/surprise.gif)
「大雄,呢到太嘈,我要去接個電話先。」我同大雄走出人群,行得遠少少。
「喂,丁當,做咩事呀?
![](http://forum5.hkgolden.com/faces/smile.gif)
「藍藍... 聽到你把聲就安... 安落哂啦...」
「你把聲做乜咁既?你... 你喊緊!?
![](http://forum5.hkgolden.com/faces/@.gif)
「我... 我無野呀... 我只係傷透左一個好愛我既女仔既心...
![](http://forum5.hkgolden.com/faces/sosad.gif)
![](http://forum5.hkgolden.com/faces/sosad.gif)
![](http://forum5.hkgolden.com/faces/sosad.gif)
「你係邊!?我依家即刻搵你!」
「唔洗啦,我無事。你同... 大雄玩得開心D。」
嘟... 嘟... 嘟...
丁當cut左我線,我完全唔知發生咩事。Kelly比丁當傷害左!?打極Kelly手提都唔聽,好彩之前收齊哂每人既屋企電話...
「喂,您好呀!我想搵一搵Kelly。」
「佢頭先一番黎就話 支力,沖完涼就上床訓左啦。」
「咁我遲D再搵佢,唔該你。」
點算好... 依家Kelly番左屋企應該無乜野,但丁當...
![](http://forum5.hkgolden.com/faces/shocking.gif)
「大雄,出大事啦!我依家要番去搵丁當先!」正當我諗住轉身跑出Disney,大雄竟然捉實我!
「唔好走啦... 就一次咁多,當陪多我一陣... 好難得我地先有機會兩個一齊玩得咁開心... 唔好次次都因為丁當,而將我放埋一邊。
我知... 我知道丁當對你好緊要,但我係你男朋友呀!唔通我呢個男朋友都唔值得你為我留低!?
![](http://forum5.hkgolden.com/faces/frown.gif)
「Sorry呀,大雄。今次,我非走不可。
![](http://forum5.hkgolden.com/faces/cry.gif)
「點解次次都係丁當!係你身邊陪伴你個個叫郭雄仁呀!
![](http://forum5.hkgolden.com/faces/angry.gif)
「今次係最後一次,我遲D再同你解釋!Sorry...
![](http://forum5.hkgolden.com/faces/sosad.gif)
我怕我留多一秒就會心軟...
對唔住呀,大雄...
![](http://forum5.hkgolden.com/faces/frown.gif)