[真人真事+少少甜] 一切，由MSN開始: 第四十七章、藍：離別之際

「大雄！我地快D去睇煙花啦，仲有幾分鐘就開始啦！

」今日同大雄係Disney玩左成日，唔知點解今日明明係紅日，但又唔係話好多人。

Space Mountain我地玩左5次，大雄好大膽，乜都肯陪我玩，我驚個時就即刻攬實我，好有安全感。

煙花放左個米奇頭出黎，雖然係好白痴，但呢一刻我都覺得好幸福。

呢個時候，我feel到個袋係咁震，原來有人打黎...

「大雄，呢到太嘈，我要去接個電話先。」我同大雄走出人群，行得遠少少。

「喂，丁當，做咩事呀？

」點解丁當會呢個時候搵我，照道理佢應該同Kelly玩得好開心嫁。

「藍藍... 聽到你把聲就安... 安落哂啦...」

「你把聲做乜咁既？你... 你喊緊！？

」點解丁當會喊？對上一次，佢咁樣喊住打比我，應該已經係F.1。

「我... 我無野呀... 我只係傷透左一個好愛我既女仔既心...

」

「你係邊！？我依家即刻搵你！」

「唔洗啦，我無事。你同... 大雄玩得開心D。」

嘟... 嘟... 嘟...

丁當cut左我線，我完全唔知發生咩事。Kelly比丁當傷害左！？打極Kelly手提都唔聽，好彩之前收齊哂每人既屋企電話...

「喂，您好呀！我想搵一搵Kelly。」

「佢頭先一番黎就話支力，沖完涼就上床訓左啦。」

「咁我遲D再搵佢，唔該你。」

點算好... 依家Kelly番左屋企應該無乜野，但丁當...

「大雄，出大事啦！我依家要番去搵丁當先！」正當我諗住轉身跑出Disney，大雄竟然捉實我！

「唔好走啦... 就一次咁多，當陪多我一陣... 好難得我地先有機會兩個一齊玩得咁開心... 唔好次次都因為丁當，而將我放埋一邊。

我知... 我知道丁當對你好緊要，但我係你男朋友呀！唔通我呢個男朋友都唔值得你為我留低！？