[真人真事+少少甜] 一切，由MSN開始: 第四十六章、丁：分手時候

『Kelly，我有d野想同你講』 

『有咩遲d先講啦，得返好少時間炸』 

唱完k之後，kelly無問返我岩岩想講咩，佢即刻就拉左我去行街，我唯有等一個合適嘅時機再講。 

食完晚飯之後，kelly提議一齊去海傍行下。平安夜嘅尖沙咀海傍，好多人，迫到我地行都行唔到。 

我地行行下，見到前面有堆人圍住，於是就行埋去睇，原來係有班人係度唱歌。 





『有時候 有時候 我會相信一切有盡頭…』一個戴住口罩嘅女仔係度唱緊《紅豆》，身邊有個男仔幫佢彈結他。 

『好好聽呀～ 』kelly俾個女仔嘅歌聲吸引住，聽到唔捨得走。 

見到kelly聽得咁沉醉，我無理由呢個時候同佢講，唯有再等多陣。 

聽完之後，我就同kelly去行海傍。kelly一路都好多野講，不過我聽唔入耳，因為我等緊一個時機同佢講分手。 

終於行到一個少人d嘅地方，我捉住kelly對手：『kelly，我有d野想同你講』 





『搞咩呀，你個樣咁認真嘅…』 

『Kelly，我諗我地唔係咁適合…』 

『你…你咁講咩意思呀？ 』kelly聽到我突然咁講，嚇到面都青埋。 

『我嘅意思係…不如我地分手啦…』 

『點解呀，我真係好鍾意你嫁，你唔係對我都有好感嫁咩？  』kelly講講下已經有d眼濕濕。 





『你係一個好好嘅女仔，問題唔係出係你度。只係…我對你無果一種感覺』 

『姐係你無鍾意過我？ 』 

『我唔係咁嘅意思，不過我覺得我地唔係好適合做男女朋友姐…』 

『你係咪仲鍾意藍琛蕾？ 』kelly一下就問中左我嘅痛處。 

『你…你諗多左喇…』 

『你根本就鍾意佢！  』kelly突然好大聲咁講，搞到周圍d人都望哂過黎。 

『點解我做咁多野都徒勞無功，寫情信，獻身，織頸巾，我做咁多野你一d心動都無咩 』kelly喊到一發不可收拾。 

『原來封情信真係你寫嫁？ 』 





呢個時候，有個女仔行埋黎：『先生，洗唔洗買支花"tum"下你女朋友呀。 』 

『佢無女朋友嫁』kelly講完依句之後，就喊住咁走左，得返我同個女仔企左係度不知所措。