[真人真事+少少甜] 一切,由MSN開始: 第十二章、丁:友誼萬歳
見到枱面上竟然係一碗腸仔通,我都唔知笑好定喊好
![](http://forum5.hkgolden.com/faces/sosad.gif)
![](http://forum5.hkgolden.com/faces/shocking.gif)
![](http://forum5.hkgolden.com/faces/yipes.gif)
![](http://forum5.hkgolden.com/faces/kill2.gif)
「你食得咁快係咪好肚餓呀?我裝多碗俾你丫
![](http://forum5.hkgolden.com/faces/smile.gif)
![](http://forum5.hkgolden.com/faces/sosad.gif)
好唔容易終於食哂,藍藍就話:「丁當,知你唔開心。我有一份禮物比你,你過黎我比你睇下。」果下真係有啲驚喜,原本諗住佢個心一早飛左去大雄果度,原來佢都有少少著緊我嘅,我即刻有啲沾沾自喜。
![](http://forum5.hkgolden.com/faces/love.gif)
「喂喂喂!你做乜帶我入你房?我唔想咁快失身喎哈哈」我扮到有啲欲拒還迎咁。
跟住佢帶左我入房,間房咁多年都無咩點變過,無論係桃紅色嘅牆紙,定係佢啲好幼稚嘅卡通擺設,都同我細個上黎玩嘅時候一樣。
藍藍係個櫃到拎左件波衫出黎,佢講:『之前你咪話你好鍾意cp3嘅,我特登走去買黎俾你。原本諗住當生日禮物送俾你嘅,不過見你依排咁唔開心就提早送俾你先當係鼓勵下你啦。雖然你做唔到隊長,但係你係我心目中都仲係好西利嫁!』
![](http://forum5.hkgolden.com/faces/good.gif)
『件衫好貴嫁喎,不如我俾返錢你啦…』
『識左咁多年唔洗咁斤斤計較啦
![](http://forum5.hkgolden.com/faces/wink.gif)
我接過件波衫,果一刻,我真係有啲感動。之前一直以為藍藍俾大雄迷到神魂顛倒,但原來佢都無忘記到我,我係佢心目中都仲有番咁上下地位。
![](http://forum5.hkgolden.com/faces/biggrin.gif)
望住面前笑得好燦爛嘅藍藍,我突然攬住左佢,我知道呢個時機可一不可再。
『藍藍,我好鍾意你,我一直都暗戀你,之前我見到你同大雄變到咁熟我真係好驚,我好擔心會失去你。你可唔可以俾次機會我,等我做你男朋友?』我心入面唔知點解湧出一股勇氣,將我一直收埋係個心入面嘅野講哂出黎,果陣時我個心真係跳得好快好快,個腦完全諗唔到野。
『丁當,我知道你對我好好,好緊張我。我地一齊經歷過好多野,同你一齊嘅時候真係好開心,我一直都當你係我最好嘅朋友。如果你做我男朋友嘅話,我諗你都會對我好好,甚至比依家更好。但係我好擔心萬一我地嘅友情變左質,又或者有一日我地遇到啲咩事而令到我地唔再咁愛大家嘅時候,我地唔可以再好似依家咁做番好朋友。所以,對唔住,我唔可以應承你,但係我想你可以一直留係我身邊,做我最好最好嘅朋友』藍藍甩開左我雙手,塊面好紅,係佢嬌滴滴嘅面上係一個堅定嘅眼神。果一刻,我知道,我再點講都唔會改變到佢嘅決定。
![](http://forum5.hkgolden.com/faces/frown.gif)
『對唔住…我唔應該講啲咁嘅野,或者我地真係比較適合做朋友。多謝你件衫,我走先喇,下次再見啦』
我真係好後悔,我知道有啲野講左出口就收唔番,可能就係因為我嘅一時衝動,令到我同藍藍唔可以再返到好似以前咁嘻嘻哈哈。我個心真係好亂好亂…
![](http://forum5.hkgolden.com/faces/frown.gif)