[真人真事+少少甜] 一切，由MSN開始: 第十一章、藍：塞翁失馬

「藍藍，一齊去慶祝啦！

」大雄一打完波，無理到其他女女就跑黎我個到。

「恭喜你呀大雄！

下一次決賽加油！至於慶祝...」本來我都諗住同大雄慶祝，但係呢個時間，見到丁當一個人垂頭喪氣咁坐係一邊。

「我諗... 等大雄你做左隊長我再同你慶祝啦。

」之後，我就跑到丁當身前。

「喂！丁當，唔好咁頹啦！」

「你唔洗理我喎！你同大雄去慶祝啦！

」

「我點會留低你喎... 我地兄弟黎嫁嘛！行啦，我帶你去一個地方。

」我捉住丁當手臂，就拉左佢出學校門口。

「你又話帶我去個地方，做乜又行番去海濱？

」丁當問我，睇落佢都無咁唔開心。

「你今晚上我屋企食飯啦，當陪下我。我頭先已經SMS我呀媽同佢講左，你拒絕左我會好無臉嫁！

」自從中二開始，丁當都無上過去我屋企。今晚等我好好同佢傾下計，唔想我地既關系漸漸疏遠。無論點都好，丁當對我都好重要。

「伯母佢地呢？

」

「佢地頭先又SMS我，話公司有野做。唔番黎食，叫我地自己搞掂。唉... 仲諗住等你試下我呀媽最新發明既『可樂雞翼』，次次食完我都好開心。」

「唔緊要啦，我唔似得你咁為食呀肥豬！」

「不如丁當你去沖個涼先，今餐我煮哈哈！你著住我老豆D衫先，如果係你，佢唔會介意既。」

「你煮！會唔會食死人嫁！我地依家去落街食算啦。再唔係，咪call 218 5個0囉。

」唔知點解，丁當塊臉紅哂，係咪太熱呢？

「唔得呀！等我煮番餐正既令你開心啦！你快D沖個涼先，沖完涼就有得食。」我推左丁當入去廁所。呢一推太大力！！！

我推到丁當坐左上廁所，自己跌左係佢身上。

「喂... 喂... 你話上黎食飯喎，做... 做乜咁狼死想推倒我哈哈」我即刻推開丁當，點知丁當突然攬實我。

「藍藍... 唔好走啦... 唔好離開我...」

「你... 你做乜無啦啦講呢D呀。我緊係唔會離開你，因為我... 我地係好朋友呀。

」丁當鬆開手，我都唔好意思又壓住佢，即刻企起身。

「嗯。係呀。好朋友。Sorry… 我無啦啦咁抱住你。」

「係我太大力先... 我去煮飯先啦，唔好凍親！」之後我急急腳走出廁所。頭先比丁當攬住個下... 唔知點解個心跳得好快好快...

明明以前細個我地攬攬、撓手，都唔會心跳臉紅。算啦！藍琛蕾，你唔好諗咁多啦！

「藍藍！」當我煮煮下野，丁當突然大叫。

「藍藍！你唔記得拎衫比我呀！」大鑊啦！比丁當抱一抱唔記得拎衫比佢！

「你等等呀！」

「開門啦，我拎好啦。」

「7頭！你唔係想就咁入黎呀？我處男黎嫁，比你望哂全身我仲洗食女女嘅！」

「都無女比食你嫁啦！不如咁，你開少少門，我伸手入黎比衫你。」

「好啦好啦，我依家開。」丁當一開，我即刻遞比佢，點知... 丁當捉實我隻手！

「藍藍！咁難得，入黎陪我玩玩哈哈

」

「你快d放手啦，傻左咩！」

「係呀！我係傻左啦！

如果唔係我點會妒忌...」

「你⋯妒忌咩⋯」

「我⋯ 無事啦。Sorry呀！我講下笑姐哈哈，你唔係以為我會送自己上門呀？我好肚餓呀，食得未呀？

」

「無事就好⋯ 你快d著衫就有得食啦，包你話正，哈哈」我好快行翻出廳，等丁當出黎。

「嘩！藍琛蕾呀！你淨係煮左腸仔通粉炸？

」

「Sorry呀！原來屋企乜餸都無，最近既街市都要坐10分鐘車⋯」見到丁當好似好嫌棄咁，搞到我眼紅紅⋯

「傻瓜，我唔係怪你，反正我都好耐無食你煮既通粉。你記唔記得小學個時當我地爸爸媽媽都唔得閒照顧我地，你就會煮腸仔通粉比我。」

「緊係記得啦。你次次都喊住話要食哈哈。」

「我邊有喊呀！係有人喊住求我食我先勉強食炸！

」

「咁算囉。你自己食個杯麵啦！