《情困之時，我遇上了自稱情性的情聖》: [Case 11－觀音與兵] PART 10
著上侍應既制服，企喺窗邊睇下手機。
今日又有工開，又係喺Spaghetti 360道返Part Time。
而家呢個時候都可以話係時間尚早，無乜客人～可以偷下懶～
我就趁住而家仲有時間，睇下Nikki既Facebook～留意下Nikki既近況～
其實...我已經有好耐無見過Nikki喇...
之從上次同Nikki去醫院探珮琳之後，都已經好耐無同過Nikki出街...
Nikki無主動搵過我...我又忙於照顧珮琳...
每日唔係返Part Time搵錢，就係去醫院照顧珮琳...陪住珮琳...
每次望住熟睡中既珮琳...總係好無助...
『你知唔知丫...你瞓得咁冧，我地就好擔心...你已經瞓左好耐喇...仲未瞓夠？仲想瞓到幾時呢？我地真係好想你可以快D醒丫...珮琳...快D醒啦...』
但呢個世界就係“希望越大，失望越大。”。
你想得到既，永遠都係得不到。
珮琳既情況，一直都無好轉過。
醫生都係一直話觀察觀察...樂觀面對。
老實講句，講又有邊個唔識？問題係做唔做得到！
樂觀面對就可以令珮琳醒返既話，我一定會樂觀面對。
但而家唔係丫嘛！而家就連我地幾樂觀都好，珮琳都仲係瞓梗喺病床上！
我地可以點姐？！
係咯…我地可以點姐？
我地咪只可以樂觀面對囉...
樂觀面對～樂觀去照顧熟睡中既珮琳～樂觀咁等珮琳醒返～
我地就係咁～就係咁去面對逆境～
香港人丫嘛～香港精神丫嘛～獅子山力量丫嘛～指鹿為馬丫嘛～
係咁架啦～
明知係大話，都要迫自己去信～
仲要話“係咁架啦～唔係可以點丫～”～
將所有唔合理既事合理化～
呢個就係本土既特色～
面對任何事都係咁...
真係痴線…
活喺呢個瘋狂既城市，真係迫到就快痴線！
不過係咁架啦～唔係可以點丫～
唔知架～希望在明天丫嘛～
其實落雨又有乜好怕喎～
生命無希望，前路受重創～
唉～
至於Nikki...我就只可以好似而家咁，望住部電話，望住佢個Facebook...
望下佢近期Upload過既相...
望下佢寫左乜野近況...
望下Nikki同好多男仔攬頭攬頸又摸又錫咁去唔同地方飲野...
飲到面都紅晒...
飲到衣衫不整…
飲到成頸都係咖哩雞...
我諗唔係咖哩雞黎既～應該係敏感架姐～
好多張...有好多好多張都係同D男仔攬住黎影...
連洋腸都有！
D洋腸仲好鍾意攬住Nikki條頸搭隻手落到胸前...
有D仲好似放左喺Nikki個豐乳上...
攬腰既就直頭用隻手指公托一托Nikki個南半球！
D死鬼佬真係好撚鹹濕！
係女都要攬！係女都要食！
食完仲要唱！正一死仆街！
但點解D港女咁鍾意食洋腸？
我又真係唔係好明，有好多港女連英文都唔識講，但就好鍾意食洋腸。
身體語言係唔係真係咁萬能？
係唔係“啪啪啪啪啪啪啪啪啪啪啪啪啪啪啪啪啪”就可以溝通得到？就了解晒對方既一切？
我諗最了解既，都只係對方既需要囉～
對對方既生理需要～
好多時我都唔明白，女仔俾唔同國籍...唔同膚色既男人不斷用雙手喺自己身體上遊走...用條唔知插過入幾多個唔同既女仔既陰道既臭鳩抽插自己既陰道係乜野感覺...
乜真係咁好Feel架咩？
咁男人呢？
可以同到唔同既女仔“啪啪啪啪啪啪啪啪啪啪啪啪啪”真係咁興奮咩？
唔知...我真係唔知...
唔好話我好耐都無扑過野…就算係打J，我而家都好少...
我真係無咁既心情J...
連旗都唔係好扯得起...
“係天氣影響心情？定係心情影響天氣？”
計我話係心情影響性慾就真...
「喂～要開工架喇阿King～仲對住部手機發呆～D客差唔多黎架喇～我地出一出去先，好快返黎架喇～」男經理搭一搭住新黎既女Part Time，行一行出門口。
『哦哦！而家準備！』又唔知走去邊條後巷開心心...
唉～都唔係第一次架喇～
呢三日有不同既女Part Time返工，每日都係差唔多一到Lunch姐，就俾經理攬左出去～
經理就真係識食啦～食親都係又大波～又嫩口～
食好西～食好西～食完好西先開工～
至於我呢？我咪只好埋頭苦幹，努力工作咁囉～
鬼叫我只係一個Part Time侍應仔咩？！
之不過...
『對唔住對唔住...三位丫呵？呢邊丫呢邊丫...』我帶位又帶錯...
『要熱撚死唔係凍撚死咩？Sorry...Sorry...係我落錯單...』單又落錯...
『呀！Sorry！Sorry！我唔係有心整到你成身都係架！Sorry！Sorry！』放杯水都倒瀉晒...
『多謝你一千七百六十蚊...吓？咁貴？係咁貴架喎...呀！Sorry...Sorry...唔係你呢張檯...唔係你呢張檯...Sorry...Sorry...』單都拎錯...
係咁做錯野...
不斷咁做錯野...
一路諗住珮琳同Nikki，一路咁做野，有乜辦法唔做錯野？
「喂！你搞乜呀？！呢幾日都係咁架喇喎你！神不守舍咁，成日做錯野！」仲要俾食完女既經理屌...
『Sorry…Sorry…』可惜我又無勇氣去屌鳩返個仆街經理...
「唉！你今日都係唔好做喇！免得俾你搞臭我地舖頭個名！返去抖下啦你！再有工開先再通知你啦！」個仆街經理無我咁好氣...
『哦哦...好好...Sorry...Sorry...咁我去換返件衫先...』我只好死死地氣返入去員工室...
咁既狀態都唔會做得好架喇～只會越做越錯架姐～
都係返去抖下啦...抖下再去醫院陪下珮琳啦～
我一行返入去間勁細既員工室之時...
“初出發那天 盼由樹 變成路 一醒覺 經已殺出 這條路”
係由我個Agnes b大袋裏面...
“人情物理 直行直過 若然後遺未清掃 可否盡掃”
珮琳既手機...
“太意想不到 一切困境 會平定 變成路 犧牲最寶貴那些 也難料到”
係珮琳部電話響...
我打一打開個Agnes b大袋...
“然後賺了獎項 又想走回頭 改定數”
搵一搵珮琳部手機...
“時候不早了 別等到 情懷老”
拎一拎起珮琳部手機...收左線...
“初出發那天 盼由樹 變成路 一醒覺 經已殺出 這條路”
又再響過...
睇一睇個Mon...睇一睇邊個打黎...
『男朋友？』又係珮琳既男朋友...
“太意想不到 一切困境 會平定 變成路 犧牲最寶貴那些 也難料到”
呢個男仔真係...都真係幾死唔斷氣架喎...
自從上次我喺醫院Send左“唔好再Send喇”五隻字後，佢每晚都仲係Keep住Send。
我已經無再打開黎睇，佢都仲係要Keep住Send。
無諗住放棄過...
真係不到黃河心不死咁既樣...
呢個男仔真係...係唔係真係對我細妹咁痴情呀？
唔知點解，我真係有少少醋意...
有個男仔對自己既細妹咁痴情，做阿哥既總係有少少醋意...
我諗都算係正常掛...
因為總係有D唔係咁想自己個細妹蝕低俾D男仔...
總係覺得...D男仔只係想搞自己細妹...搞到自己細妹好唔開心...好痛心咁...
“初出發那天 盼由樹 變成路 一醒覺 經已殺出 這條路”
仲要係俾一個咁鬼死煩既男仔纏住！
“太意想不到 一切困境 會平定 變成路 犧牲最寶貴那些 也難料到”
你仲要打多幾多十次先肯停呀？！
電話鈴聲終於都無再響起～
不過取而代之既係...
*噹*Whatsapp既響聲...
我望一望個Mon...Mon上面寫住既係...
“男朋友：珮琳！我好掛住你呀！”
過左一陣間...
*噹* “男朋友：珮琳！我想見到你呀！”
呢條友係唔係真係咁痴情呀？！
你係咁愛我細妹，又唔聽見我細妹有講起過你？！
*噹* “男朋友：珮琳！我真係好愛你架！”
真係好愛我細妹...呢個男仔...真係好愛我細妹...
我個細妹有一個咁愛佢既男朋友...
*噹* “男朋友：珮琳！我求下你...你就俾我見下你...俾我見下你啦...”
我解一解鎖...
*噹* “男朋友：珮琳丫...俾次機會我啦...俾次機會我再同你一齊啦好嘛…我真係好愛你...我真係好愛你架...求下你啦...唔好唔要我啦好唔好...”
痴情男子...喺呢個世界上...可能只係死剩我同你架咋...
唉...
好啦好啦...我諗都應該同珮琳既男朋友交代一下...交代清楚...
我喺個輸入格裏打左句“一個鐘頭後市中心Starbucks等”。
*噹* “男朋友：好好 我而家去Starbucks等你！不見不散！”
“OK 到時見”
唉...痴情漢子...唉～
我就換好套衫，執返整齊個人，拎齊D野，行出舖頭門口。
我慢慢行過去Starbucks...諗下諗下...
一個對自己細妹可以咁痴情既男仔，我諗都真係一個好男仔黎既。
之但係...越痴情既男仔...就越難接受到事實...
接受珮琳昏迷不醒既殘酷事實...
個男仔會唔會受唔住打擊呢？會唔會崩潰呢？
又會唔會肯定落去...肯喺珮琳身邊不離不棄咁照顧佢...肯默默喺珮琳身邊守護佢...
會唔會都好啦～講完俾佢聽之後，就要睇佢自己既做化啦～
我繼續向住Starbucks方向行過去，行到去Starbucks入口...望一望入面...
我望到有一個...同珮琳手機裏面張相...一模一樣樣既男仔...坐左喺落地玻璃窗隔離...
係呢個男仔...
係呢個同我差唔多咁上下年紀...差唔多咁上下Style既男仔...
我向住呢個男仔既方向行過去...
我一直望住呢個男仔行...一直向住呢個男仔既方向行埋去...
呢個男仔...就係珮琳既...男朋友...
『你好...要你久等了...』我行到去珮琳既男朋友面前，點一點頭...
久等了...真係久等了...
「你...你好...你係？」珮琳既男朋友有D錯愕...
都正常既...
佢一定一直都以為係珮琳佢已讀不回...
一定以為今次都係珮琳回覆佢...
『ER…點講好呢...』我坐一坐喺珮琳既男朋友面前...由個褲袋裏面拎出一部玫瑰金既iPhone放到檯上...
珮琳部手機...
珮琳既男朋友見到珮琳部手機就更加錯愕...
『其實我應該一早就約你出黎...我係珮琳既哥哥...』我應該一早就約你出黎...
其實我應該要再早D講俾你聽...
『其實一直以黎...都係我代我細妹睇你既Message...我唔知你叫乜名...我只係喺細妹部電話裏面見到“男朋友”呢三隻字...仲有你同我細妹既合照做頭像...』如果唔係知道你係我細妹既男朋友，我真係唔會理你咁多...
只係你係我細妹既男朋友，更加令我唔知好唔好同你講清楚...
我就係怕...你知道左之後唔會再等珮琳...
我就係怕...呢頭你決定唔再等珮琳，嗰頭珮琳就醒返...
「珮琳仲嬲梗我？」珮琳既男朋友疑惑咁問一問...
『唔係唔係…唔…其實我都唔知係唔係...本來我就諗住等佢醒返先由佢親自處理...之但係...我見你對我細妹咁長情...我又唔忍心要你咁樣等落去...所以上次我先代我個妹Send段Message俾你...叫你唔好再Send Message黎...』就係呢個原因...
你地既事，都係由你地親自解決會好D...
「珮琳佢發生左乜事呀？！」珮琳既男朋友好緊張咁追照！
『珮琳佢...發生左意外....昏迷左...都已經大半年喇…起初大家都諗住佢會好快醒返...但...珮琳一瞓...就瞓左半年有多喇...』其實係我唔肯面對...
其實一直都只係因為我唔肯去面對事實...
係我一直都諗住珮琳會好快醒返...
半年喇…不知不覺之間...珮琳已經昏迷左半年有多…
我都無辦法...唔去面對呢個事實...
『我見到你咁愛我細妹...我就諗...我有必要講俾你聽...所以...我就約你出黎...』始終都要...交代清楚...
只見珮琳既男朋友呆晒咁...
好似就快崩潰咁...
或者呢個事實真係太殘酷...
或者突然要佢接受...係一件好難既事...
或者需要花一D時間...再多一D時間去消化...
就喺我坐定定望住珮琳既男朋友等佢慢慢消化之時...
“從來沒我份～～～”喺我身上響起六天既鈴聲...
電話響...係Nikki？！
我立刻拎部電話出黎睇一睇...
個芒就顯示住Nikki既甜美笑容...
真係Nikki喎...
都有成兩個月無打過俾我...點解又會突然喺而家打黎搵我呢？
係唔係有咩事呢？
都係唔好理咁多！快D接聽好過！
我立即滑動解鎖：『喂…』
「阿King...你而家...得唔得閒...上黎我道丫...」Nikki把聲就由聽筒裏傳入我耳裏...我心裏...
上Nikki道？
點解好似咁突然咁架呢？
而且聽Nikki把聲...好似唔係咁開心咁...
『嗯...我...OK既...』點解Nikki會叫我上佢道架呢？
係唔係發生左咩事呢？
「真係有時間過黎？」Nikki好似若有所思咁...
『嗯...嗯...我而家過黎...』你叫得我上黎，就算幾唔得閒都會仆到黎！
「你過黎要幾耐架？」Nikki仲係好似好無安全感咁...
好無安全感？
無錯喇...由通話中都可以感受到...Nikki佢...佢好似好無...安全感咁...
好似一個岩岩俾人Hurt爆左既少女咁...
對所有野都唔放心...好無安全感...
『大約十五分鐘...』我諗我喺呢道跑過去，十五分鐘就到！
「嗯...咁我等你啦...」Nikki好似好心急想見到我咁...
好似要等十五分鐘都太耐咁...
『嗯嗯...等陣見...』
「嗯嗯...」
我等到Nikki收完線之後，收一收返埋部電話...
「你可唔可以話我知...珮琳喺邊間醫院...同埋...可唔可以將珮琳部電話...交俾我Keep...」珮琳既男朋友含住淚咁問...
眼見一個大男孩，可以為左我細妹含淚...
我點一點頭：『嗯...』
喺呢個世界上，痴情既男子真係有好多～
苦等十年得個吉既又有～
為左個女仔追巴士追左成條街既又有～
死前都要為最愛努力付出所有既又有～
寧願自己盲，都要捐眼角膜俾個女仔既都有～
你話呢個世界上，係唔係有好多痴線佬？
但我就係唔明，點解仲有咁多女人話D好男人死晒～
難道咁痴線既都未夠好？
咁喺你地眼中既好，會係點樣架？
好似彭于晏咁呀？
彭于晏點呀？
又型又Man又可愛又搞笑又靚仔囉～
咁就係叫做好架喇？
唉～我真係唔明...
我寫一寫過地址...將珮琳既手機交到去珮琳既男朋友手中...再道過別...我就帶住焦急既心情跑！
我一直喺商場裏面跑！一直喺人群之中左穿右插！一直向住Nikki既屋企方向情路狂奔！
唔知Nikki發生左咩事呢？
Nikki搵得我，一定係有緊要事！
唔係有緊要事既話，都唔會第一時間諗起我！要搵我！
我真係覺得自己而家好似台劇...韓劇...台劇定韓劇...是撚旦旦啦！總之就係似D乜劇裏面既男主角咁浪漫又激情啦！
我出力咁跑！好似D台劇丫～韓劇丫～D男主角Keep住型咁跑！
仲要點跑都唔會流汗！
因為而家係冬天！
我好快就跑到黎Nikki屋企樓下！好快就入左大堂！好快仲入埋𨋢！好快就黎到Nikki家門前！
“叮噹叮噹”我手震震咁撳一撳Nikki鐘仔...
我之所以會手震，唔係因為我緊張...係因為我跑到上氣唔接下氣...
雖然話唔會出汗姐，但都會攰...會無氣架嘛！
“咔”一聲響，Nikki一開門姐，我就見到佢著住件白色大Tee包住個身...
而Nikki D秀髮有D濕濕地...
係岩岩沖完涼？
可能啦～不過係唔係岩岩沖完涼都唔重要，最重要既係Nikki既雙眼...
Nikki既雙眼...紅紅地...水汪汪咁...水汪汪咁...好似就快要喊出黎咁...
『Ni…』正當我想開口問Nikki發生咩事...
「阿King...」Nikki攬一攬住左我...攬一攬實左我...
『Nikki…』我攬一攬住Nikki...摸一摸佢背脊...
Nikki做咩呢？
做咩好似咁傷心咁架呢？
邊個搞到Nikki咁傷心呢？
我摸下摸下Nikki既背脊，摸極都摸唔到佢條Bra帶...
當然啦...因為Nikki都無戴Bra...
點解我會知？
因為當Nikki一打開門既時候，我就見到佢胸前對豐乳微微凸出兩點～
其實一D都唔意外啦～就喺我跑梗過黎之時，都已經有晒心理準備～
不過呢點都唔重要喇...
『傻豬～個頭咁濕好易冷親架～我幫你吹乾先啦～』我再輕輕摸下摸下Nikki既背脊。
「嗯嗯...」Nikki點一點頭，就拖一拖住我，行入去佢間閨房。
Nikki坐一坐喺床邊...我就喺張梳妝檯上拎起把風筒仔...開一開...
“颼”我就好用心咁幫Nikki吹頭...
我跪喺Nikki後面，摸下摸下佢把濕濕地既秀髮...掃兩掃...又撥兩撥...
好溫柔咁撥...好溫柔咁摸...
Nikki坐得好定...但個心就好似...唔多平靜咁...
唔知點解呢，我總係好似感覺得到Nikki個心....Nikki既心跳...好似好亂咁...
總係好似...流梗血咁...
我繼續幫Nikki吹乾把頭髮...吹到乾晒...十成乾...
『搞掂～吹乾晒就無咁易冷...』當我放返好把風筒，仲未將個“親”字講出口之時...
Nikki就從後攬實我...攬得我好實...
成對豐乳都壓晒埋我背脊道...
我仲感覺到Nikki既兩粒...兩粒...
「唔好離開我...」Nikki把聲好沙...好似喊住黎講咁...
『唔離開...唔離開...我一定會一直都喺你身邊...』我摸下摸下Nikki對手...
無論過幾多個十年...我都唔會離開Nikki...
我會一直喺Nikki身邊...不離不棄…