《情困之時，我遇上了自稱情性的情聖》: [Case 11－觀音與兵] PART 11

坐喺一間以黑白色為主，充滿藝術氣息，名為Whirling Coffee既咖啡店裏面...

被一張又一張，大大小小既黑白相包圍下...

我嘆住杯白朱古力咖啡，諗下諗下...

“無論過幾多個十年...我都唔會離開Nikki...我會一直喺Nikki身邊...不離不棄…”

睇黎…我真係可以做到...



因為...已經過左四年...

不知不覺之間，我喺Nikki身邊已經有四年多既時間...

距離第一個十年，都差唔多到左一半～

真係估唔到...估唔到時間可以過得咁快...

而喺呢四年間，除左話經常會同Nikki出街，仲會成日上佢屋企陪佢～



而只要佢父母要出外公幹既話，我都會上Nikki屋企瞓...

嗱！你又唔好諗係唔係有甜位呀！

我同Nikki乜都無做過架！

真係純粹陪住佢瞓架咋！

我只係攬住Nikki...又俾Nikki攬到實一實咁瞓...



因為我知道...Nikki佢好驚自己一個人...

Nikki一個人既話，會瞓極都瞓唔著...

Nikki既內心真係好無安全感...

而每當我俾Nikki攬實黎瞓，佢都會好快瞓著～仲會瞓得好冧添～

Nikki話攬住我黎瞓，好過攬攬枕喎～

而我呢？我每次都俾Nikki攬到半邊身癱瘓咁囉～

不過係幸福既～

俾深愛既人攬住黎瞓，都真係一件好幸福既事～



深愛既人…

對我黎講，Nikki當然就係我最深愛既人啦～

但對Nikki黎講呢？我係D乜呢？

我同Nikki之間既關係，其實從來都無變過...

應該話...Nikki從來都無俾一個名份我...

我唔係Nikki既男朋友...我地唔可以話係一齊梗...

一齊瞓都唔可以話係情侶關係？



咁係乜野關係呢？

我都唔知...我都煩惱梗...仲煩惱左好耐好耐...

就係煩惱左咁耐咁耐，我先會黎到呢一間名為Whirling Coffee既咖啡店...

我既煩惱同呢間咖啡店有乜野關係？

唔...咁就要講返我既細妹－珮琳～

講起上黎，珮琳已經醒返都有三年喇～

喺珮琳岩岩醒返既嗰段期間，一直都係由我...仲有佢男朋友照顧佢～幫佢康復～

喺屋企有我貼身照顧佢～



去醫院既時候，又有我同佢男朋友一左一右左右門神咁旁住佢～

到我要返工既時候，就到佢男朋友全天候睇住佢～

或者就係因為我地太過照顧珮琳啦～到佢差唔多完全康復之時，佢話要自己搬出黎住，要呼吸返自由既空氣喎～

起初我地就緊係唔肯俾佢咁做啦！

之但係以珮琳硬頸既性格，我地又邊有佢辦法丫？

結果，珮琳就搬左出去自己一個住喇～

而近呢一、兩年，由於租金都係同地鐵車費一樣，有升無減～



所以珮琳就決定搬去同男朋友一齊住喎～

唉～女生外向～女生外向～

不過呢，珮琳呢個細妹都幾有我呢個阿哥心既～

一有時間，就會上黎我道探下我咁話喎～

就好似尋晚咁咋嘛～珮琳就走左上黎痴餐～

「哥...你都做左Spaghetti 360既經理架啦...點解煮野食都仲係咁難食既？」珮琳咬一啖我煮既Carbonara...

『喂喂…廚房既野係唔關我呢個做經理既事架囉好唔好...』難得我親自下廚，又要俾你嫌棄囉...

「廚房又會唔關經理事既...咁有乜野係關你事架？只有溝女就關你事啦下話？」珮琳食到皺晒眉頭咁...

係唔係真係咁難食丫...

『咩溝女呀？！全間舖頭都知我唔好女色架啦！仲要係生人勿近嗰隻添架！D Part Time女黎到，我都點其他人教佢野！我自己係唔會接近佢地架！免得又有乜誤會啦！』我食一口Carbonara...

唔！唔...真係有D難食...

「係丫係丫？真係咁乖...咁乖咁仲等梗嗰個女仔？」珮琳摸下摸下自己手腕上條Pandora手鏈。

『呃...可以咁講啦...』我都唔知咁樣係叫乖，定係叫戇鳩...

「好心你鍾意人咁耐丫，就快D同人表白啦！我就真係戥個女仔可憐喇...等個男仔表白等左咁多年...」珮琳摸下摸下自己手腕上條Pandora手鏈，擰擰頭...

『你都戥佢可憐？你真係唔記得喺你出事之前，我有同你因為佢既事而嘈過黎架咩？』雖然珮琳話過有好多野都唔記得左...

「真係唔記得喇～你點講，我都係無印象～醫生都話我有D失憶架啦～唔記得咪由佢當無發生過囉～最緊要都係記得自己想記既野丫嘛～」珮琳好唔在意咁擺動一下身體。

『哦...咁你又知人地等梗我表白？』講到好似言之鑿鑿咁...

「第六感丫嘛～女人既第六感係特別準～」珮琳叉住D意粉，唔知放唔放入口好咁...

又係女人D第六感...

撞親個腦，第六感都會強D既？

「你係都唔信我D第六感既話...」珮琳諗左一諗，「都係搵個專業人士幫下你喇～」

『專業人士？』乜有D咁既專業人士架咩？

「嗯～好耐之前聽過Timothy講，話網上有個可以幫人解決情困既人架～」珮琳雙眼發晒光咁～

『哦？係呀？』我就唔係幾上心喇...

呢個年頭，網上面又有幾多野可信丫～

「真係好堅架喎～我有幾個Friends都有搵過佢幫手～個個都話真係解決得到架喎～」珮琳對眼仲係發晒光咁～

『係丫係丫？係唔係真係咁堅丫？』我都仲係好唔上心咁～

「真係好堅架～網上面都有好多人話多得佢先解得開一直困擾住自己既情困既～」珮琳點晒頭咁～

『係丫係丫？好堅丫？好堅丫？』我仲喺望住碟意粉，唔知食唔食好...

「唔好講咁多～你拎部電話黎等我幫你約佢～」珮琳向我伸一伸手…

『幫我約埋咁好丫？』我傻下傻下咁，拎部電話俾珮琳...

「情聖…情聖...」珮琳拎住我部電話撳撳撳...

仲有咁大碟...點食好丫...

「我有情困...搞掂！嗱～」珮琳隊一隊個Mon俾我睇...

我睇一睇個Mon入面...係一個日期...一個時間...一個地點...

『做咩丫？』我傻頭傻腦咁問一問...

「你照住呢個日期、時間、地點去見一個叫情聖既人就得架喇！係“情侶”個情～“性別”個性喎～」珮琳向我打左個眼色...

『喂！你知我聽日呢個鐘數實得閒架喇？！』我仲要Stand By等Nikki Call架！

「拖左咁多年，你都想快D解開情困架～有咩緊要事都好，都推晒佢～見左情性先講啦～」珮琳完全無理會過我既感受...

『哦...哦...』唔知點解...我真係覺得珮琳變左好多...

由極度自我中心，懶理身邊人...變成極度自我中心，要求別人做佢要你做既事...

咁係好事定壞事呢？

我唔知...

我只係知...就係咁...我就喺今日呢個時間，黎到呢間名為“Whirling Coffee”既咖啡店裏，等一個自稱情性既情聖。

繼續坐喺間咖啡店道嘆下杯白朱古力咖啡...

等下等下，望下望下...

成間Coffee雖然唔可以話係好大～

座位都係得六、七個～

而呢間咖啡店就只係得一個女仔打理。

不過...都真係幾旺場下～

在場都有三、四隻狗公坐喺道𥄫梗個靚女店員沖咖啡～

仲有兩、三隻中學雞企喺道扮晒睇梗相，實質就係偷影梗個靚女店員～

而個靚女店員就好似唔多覺自己正俾四周既狗公視姦、腦姦、相機姦咁，繼續沖咖啡。

老老柒柒，要舖頭好生意，係唔係一定要請D靚女返黎做架呢？

又老老柒柒，我地間舖請親Part Time既，都係D又靚又可愛又姣姣地又有D身材又Gfable既𡃁妹黎做～

但就係好似...好似唔夠好生意咁...

係唔係應該要好似呢間咖啡店咁，請返D廿四、五歲既姐姐仔返黎先壓得下場呢？

就喺我拎住杯咖啡，諗下諗下之時...

「HI～要你久等真係唔好意思喇～」有一把成熟沈實既聲音喺我面前出現。

我回一回神，望一望返面前...

面前正正就有一個著上西裝既男子坐低左！

而呢個男子既外貌...十足十古天樂咁既樣！

我尋晚都有聽珮琳吹過，話呢個自稱情性既情聖勁似古天樂！

我初初聽到既時候，仲喺道諗駛唔駛吹到咁大～

但而家一見，又真係無吹水架喎！

我再認真咁打量一下呢個貌似古天樂既男子...

古天樂大概都係大我幾年...

最多都係三十一、二歲左右...

睇黎…佢就係我要等既...珮琳口中既...情性...

「你就係...阿King？」情性展露出古天樂式笑容...

『係丫係丫…我就係阿King...你就係...情性？』呢個情性連笑都咁似古天樂...

「嗯～我就係情性～」情性點一點頭，「你既情困...唔會係同戀兄、搶男友、師生戀、變心有關？」

『唔？無...無關～無關～』奇怪喇...點解情性會咁問架呢？

係唔係如果我既情困係同戀兄、搶男友、師生戀、變心有關既話，會落力D幫我呢？

你知架啦～好似情性呢D怪人，總係有D特別既怪癖架嘛～

而我又真係無留意過有關情性既事喎...

就連情性個Facebook都無睇過～

我又點知咁多呢～

「嗯～咁就好喇～咁有乜野情困困擾住你？」情性打量一下我。

『我...』當我想開口之時...

「你要既Espresso～請慢用～」個靚女店員甜絲絲咁笑笑口，將杯咖啡放到去情性面前。

「唔該～」情性帶住古天樂式微笑，對個靚女店員點點頭後，「嗯～繼續～」

『我...我鍾意左一個女仔四年...』我諗下諗下...

「嗯～鍾意左個女仔四年...跟住呢？」情性飲一啖Espresso。

『我想同佢一齊...』我諗住Nikki...

「嗯～咁你應該係同佢講而唔係同我講。」情性冷眼咁望住我...

『我就係唔知應該點開口...』我知就唔駛黎搵你啦！

「有乜咁難開口呢？同個女仔講句“我一直都好愛你。可以俾我做你男朋友嘛？”搞掂～」情性隨口講左句。

『講咁易咩？人地條件好好！好多男仔追架...』我又諗起Nikki身邊D狗公...

「兵咋嘛？」情性冷冷咁問一問。

『直頭係狗公添啦！』只係想可以舐Nikki腳趾既死狗公！

「你又唔好咁話自己～你自己咪又係其中一隻～」情性冷冷咁擰擰頭。

『我點同呀？！我一直都只係想喺佢身邊陪住佢！保護佢！』唔好講到我只係想扑Nikki咁！

「咁就唔係兵喇咩？陪住娘娘身邊～保護佢～守護佢～仲要四年咁耐～俾你做將軍好唔好？」情性皺住眉咁望住我...

『我！我...』我...

「四年黎，唔駛問你都知你連對住佢講一句“我愛你”都未試過啦～」情性繼續皺住眉咁望住我...

『我...』喺呢五萬幾字裏面，我又真係連一句“我愛你”都無講過...

「四年黎，你又唔進又唔退咁！你唔辛苦架？」情性繼續Keep住皺晒眉咁望住我...

『我...』辛苦架...緊係辛苦啦...

愛一個人...喺佢身邊一直睇住佢有好多狗公圍住...又要擔心佢...又要心痛佢...但又唔忍心離佢而去...

真係好辛苦...真係好辛苦...

「有D野…係要忍心一D！」情性飲一大啖Espresso。

有D野…係要忍心一D？

有D咩野？又要點忍心法？

「尤其係愛情～」情性行到我身邊，拍一拍我膊頭，行出咖啡店外...

我一個人...坐喺張梳化道...睇住飲到清一清既Espresso玻璃杯...

尤其係愛情...

尤其係愛情...要忍心一D...

我真係唔知可以點忍心...

對住愛情...對住Nikki...

我可以點忍心？

我個心，根本就唔喺我手上...

我個心...一直都喺Nikki手中...

被Nikki玩弄於股掌之中...

唉...咁大個人...仲俾個女仔玩...是否太過失敗呢～唉～

鬼叫我甘心咩...

我都大大啖咁飲埋最後一口咖啡，離開間咖啡店...

我喺街上行下行下...遊下遊下...又睇下部電話...又睇下Nikki個Facebook...又睇下Nikki個IG...

Nikki今日全日都無搵過我...Facebook同IG都無更新過...

唔知Nikki今日去過邊呢？

唔知Nikki做過D咩呢？

唔知Nikki今日同邊個一齊呢？

我成個腦都係Nikki...

無時無刻都係諗住Nikki...

Nikki…Nikki…Nikki…唉～

都係返屋企啦～

夜麻麻坐巴士返屋企，車窗外既夜景都係吸引唔到我...

我眼中都仲係只有Nikki...

四年喇...四年真係唔係一段短既時間...

之但係...我仲要浪費多幾多個四年呢？

唉...

我帶住呢份無奈既心情返到呢屯門...落埋車...行返返屋企...

喺漆黑既街道上...我低住頭咁行下行下...行下行下...突然我好似感應到Nikki既存在咁！

我抬頭望一望返條路...我見到喺對面馬路...有一對男女...

男既高高地...勁潮咁既樣...

而個女既係...

『Nikki？！』

我企定定咁望住對面馬路，望住Nikki...

我望住Nikki翹到佢身邊嗰個扮晒潮咁既偽韓仔實一實咁...

望住Nikki好冧咁請嗰個偽韓仔食晒波餅咁...

又望住嗰個偽韓仔摸下摸下Nikki塊面...又摸下摸下Nikki條腰…仲要扮晒唔小心咁摸到Nikki對豐乳...

睇到我火到黎埋！

無錯喇！我呢一刻真係好扯火！

從來都未試過會咁扯火！

Nikki望一望到我...面上帶點錯愕咁...

而我...真係已經嬲到面容扭曲，面都紅埋！

我真係好嬲！又好無奈...

我好嬲點解Nikki成日可以翹到唔同既男仔實一實！

我無奈係點解Nikki唔可以潔身自愛D...

明知D男仔係想抽自己水，都甘心任由D男仔抽自己水...

點解呢...點解呢...點解我會鍾意左一個咁既女仔四年呢...

我好無奈咁擰擰頭，轉身走...

就喺呢個時候...

「King...阿King！」我聽到背後傳黎Nikki既叫聲...

我無理到，繼續走...

「King！King丫！」Nikki既叫聲越黎越近...

Nikki佢...佢追過黎？Nikki佢追上黎？

「King！等等！你聽我講...」Nikki捉一捉住我隻手！

『放開我！』呢一刻，我真係乜都唔想聽！

「你聽我講...唔係咁架...」Nikki好用力咁拉住我隻手...

『夠啦！我受夠喇！』我心中既怒火突然湧上喉嚨...湧左出口！

「你聽我講先啦...唔係你咁諗架...」Nikki苦苦哀求咁既樣...

『夠喇...夠喇...咁多年黎...我真係受夠喇...我真係好攰喇！』我一手Fing開Nikki...頭也不回咁轉身就走！

我一直走，唔理Nikki喺後面做D乜！

我真係受夠喇...我真係忍夠喇！

咁多年都係咁！重係咁鍾意同唔同既男仔搞埋一齊！

咩類型咩年紀既都見過！

成四十幾五十歲既阿叔都有玩過！

係唔係真係咁唔識得愛惜自己？

『係唔係真係要俾我話你係雞係公廁先安樂呀？！』

無得救架喇…無得救架喇！

真係無得救…喺Nikki身邊足足四年...最無得救嗰個應該係我...

我渾渾噩噩咁喺街上面行下行下...

越諗就越覺得自己唔岩...

我唔應該就咁Dom低Nikki唔理既...

話晒Nikki一個女仔...我咁樣Fing開佢...係唔係唔係咁好呢？

車！你理得人咁多姐？人地有個偽韓仔喺身邊架嘛！

但係個偽韓仔都係想呃蝦條架姐...又點會理得Nikki感受咁多丫？

呃蝦條咪好囉！Nikki最鍾意就係俾人呃蝦條架啦！

我唔准你咁話Nikki！

咁又唔係...那又唔係...哎呀...我就黎痴線架喇！

我再喺條街上傻下傻下咁行多一陣...行左好一陣...都行左幾耐下...

成個傻佬咁喺街上渾渾噩噩咁遊左都差唔多成個鐘...

『唉...都係返屋企冷靜下啦...』

就喺我失魂落魄咁行到返屋企樓下...入𨋢...上到屋企樓層...出𨋢望一望...望一望家門前...

我見到有個嬌小既身影...

『Ni…Nikki？』我望住低住頭企喺我家門前既Nikki...

「阿King...」Nikki面紅紅又眼濕濕咁行埋黎...行到埋我面前...

『點解你...』我都未將我要講既野講晒出口...

「阿King...唔好唔要我...」Nikki蹬一蹬起對腳，攬一攬實我...

『Nikki…我...』我俾Nikki咁樣攬一攬，真係心都軟埋...

我地喺家門前攬左一陣...

『Nikki…不如我地...入去先講...』始終喺道攬住既話，俾人見到唔係咁好既...

「嗯嗯...」Nikki點一點頭...

同Nikki入到屋，Nikki就坐左喺我張床道...

我就斟一斟杯水俾Nikki...

「唔該…」Nikki緊緊張張咁接過杯水...

『唔駛...』我地好似好客氣咁...

我地靜左一陣...大家都好似等梗對方開聲咁...

『嗰個偽...嗰個男仔呢？』結果都係我忍唔住開聲先...

「唔係咁架！真係唔係你諗咁架！」Nikki好緊張咁解釋！

『我諗成點呢？』我冷眼望一望住Nikki...

「唔係！唔係…」Nikki拎住杯水...諗下諗下...

答唔出呢？

緊係答唔出啦～因為你自己都係咁諗丫嘛～

「其實...其實我...」Nikki飲一飲啖水...

『嗯？』Nikki想講咩呢？

「其實...喺我十五歲嗰年...我俾左我既第一次...我最愛既人...」Nikki揸實杯水...

Nikki佢...佢係想同我講...

「嗰陣時…我真係好愛佢...由岩岩上到中學...第一眼見到佢...我就愛上左佢...一直都暗戀佢...」Nikki對手震下震下咁...

Nikki係想同我講...佢既往事...

「我一直都暗戀左佢四年...四年...有一次機會...同佢單獨去左平台道...傾下計...」Nikki對手震到杯水都震埋...

通常講到單獨上平台...都係甜位黎架喎...

「我地傾下傾下...又玩下玩下...我地吱下對方...又摸下對方咁...」Nikki手上杯水就黎震到瀉...

嗱～我都話架啦！

單獨上平台傾計，十之八九都會傾到吱對方～摸對方架啦～

呢D都係男女之間既性暗示～尤其係中學生～

吱下摸下跟住會係點？

「我地越吱越埋...越摸越重要既地方...摸下摸下...我就同左佢去後樓梯...」Nikki肉緊到成個人都震埋...

跟住咪出事囉～

好多時都係咁架啦～

尤其係D情竇初開既中學雞～

男既摸一摸就扯晒旗～

女既摸一摸就濕到成條底褲都係～

定力唔夠就好容易走埋去一二角就除褲即埋牙“啪啪啪啪啪啪啪啪啪啪啪啪啪啪啪啪啪”架喇～

「我唔單止俾左第一次佢...仲俾佢...中出...」Nikki講到好似想喊想喊咁...

唔駛問都知...一定係中出即飛啦...

「我初初諗住同佢咩過之後，就代表我地正式喺埋一齊...之但係...但係佢...第二日就當無件事咁...」Nikki擰下擰下頭...

都話架啦～呢個世上就係有咁多呃完蝦條當無事～

仲要特別鍾意呃D處女！

「之後我都有試過鍾意過其他男仔...我都有試過同佢地搞過...但每次完事後...佢地都總會選擇離開我...」Nikki D眼淚…滴到落杯水道...

其實係佢地一心諗住只係同你啪啪啪啪啪啪啪啪啪啪...

純粹SP...

都無諗過要同你拍拖...

「所以我...我一直都唔敢同你搞...就係怕同你搞左既話...你又會唔理我...離開我...唔要我...因為我...我一直都好愛你...我真係好愛你架！」Nikki情深深咁望住我...

下？

我有無聽錯丫？

Nikki佢係話...佢一直都...一直都好愛我？！