《善惡的彼岸，或許都是愛》: 1-9

然後大家又在轉眼間傳送到另一個地方。
那處又是一個極大，極大的空間，有著望不見盡頭的白色。
每隔數百米，就會有一個類似是「靶」的物體。只見有些人在攻擊「它」，有些人在復原「它」，也有些人在「它」的面前身泛綠光的靜靜地坐下。
 
新鬼們走近一個沒鬼在使用的「靶」前細看。
 
「嘩……老….老師，個「靶」生勾勾既？點解條友要比其他鬼當做「靶」咁練習既喂？」健志問。
 
「拿，因為有好多鬼既魔力係精神系既，即係可以入侵，控制，甚至修改其他鬼既思想，所以一定要用活靶黎練習。」ＫＪ平淡地說：「佢地都被施加左一種超強既防禦魔力，所以一定唔會咁易就魂飛魄散，大家遲下訓練既時候可以盡情攻擊佢地。」
 




「問題重點係點解佢地會成為活靶架？」金毛仔問
 
「金毛仔，問問題比少少禮貌好嘛？不過呢個係好問題黎既。呢度既活靶全部都係曾經係非法既情況之下令到其他鬼魂飛魄散，即係類似你地係人間時候既殺人犯。佢地需要係呢度做活靶，直到有人用超越佢地被施加左既「防禦魔力」既魔力去攻擊佢地，將佢地合法地擊至魂飛魄散為止。」ＫＪ說
 
「有鬼可以咁勁？」健志問
 
「其實唔難。」ＫＪ說，然後運起熟悉的紅色魔力：「Destroying !」
 
一道紅色魔力直轟向活靶。如雷聲貫耳的同時，同學們終於看到了什麼是「魂飛魄散。」
 




就是如字面所說的：「整個魂魄飛散開去」。
只見活靶在受了攻擊後大叫一聲，然後一團薄薄的氣體就從它身上散開去，然後它就消失了，不找走半點雲彩，只留下看得呆了的我們，和一道之前捆綁著它，現在空空如也的木椿。
 
「基本上所有從學院畢業既學生都有能力為佢地作出解脫，因為你地魔力訓練堂既考試就係要打爆一隻呢Ｄ活靶。」ＫＪ說
 
「好，大家應該都無咩疑問架啦，再打開你地既筆記，按一下「家」呢個位唔該大家。」