《善惡的彼岸，或許都是愛》: 1-8

「拿，各位同學聽住，唔好亂咁跑好嘛。」ＫＪ試圖管理一下秩序。 

幸好大家都是成年人，混亂的場面沒有發生。 

「大家留心，呢度係通訊區，呢個區域對大家黎講係非常重要的。每一隻鬼係呢度都會有一個Locker，你 

地家人朋友係人間燒比你地既野呢，就會傳送晒去呢個Locker度。有Ｄ屋呀車呀之類既大型物件呢，就會 

以清單既形式出現係你地既Locker入面，你地拎住張清單去果邊個「大型物品提取處」拎就得架啦。」Ｋ 





Ｊ說，指著遠處那個「大型物品提取處」的牌坊說。 

「至於部升降機呢，就係比你地上人間向親人朋友「報夢」用既，每次只可以用大約一分鐘。所以多數鬼 

都係用部LIFT去報夢比家人聽要燒D咩落黎比佢既。當然啦，我地亡者國度都有野賣，不過因為通漲問題 

嚴重，點計條數都係叫人燒件物品落黎比你抵Ｄ。」ＫＪ笑說 

「喂喂ＫＹ，如果無人燒野落黎咁點？」健志緊張地問道。 





「我個名叫ＫＪ呀較剪仔，有少少耳性好嘛？」ＫＪ說 

「不過呢個係好問題黎既。如果無人燒野比你，你就可以一邊先住係中轉屋度，一邊去排公屋。亦可以向 

勞工處伸請係亡者國度入面做野儲錢。呢度咩都有得賣，只要你有錢。好似我咁我做一個月導師就有大約 

三千萬，不過一扎香都要賣成五十二萬。但係其實你地會用錢既地方唔多架，你地唔洗食唔洗飲。食香都 

係好似人間食煙咁，並唔係必須既，所以實際上你有錢都無地方洗的，最多都係買下樓，買下車，睹下 





馬，買下工人，買下電視電話咁架姐。總以就算你無錢，你都一定唔會魂飛魄散既，只係生活上無咁多享受架姐。」ＫＪ說 

「排公屋？我由成年果日開始排，排到我死果日都未排到，點排呀？」一名應該約三十多歲的鬼魂說，一 

看便知他租屋租到致死方休。 

「大家放心，基本上一個星期就一定會派到公屋比你架啦，除非你比人查到原來陽間一早有人燒左屋比你 

啦。」ＫＪ笑說：「呢度無鬼可以呃公屋，所以公屋既供求係非常穩定既。」 

「大家仲有無問題？如果無既就請打開你地既筆記，按一下「訓練」果個位唔該。」ＫＪ說