[真人真事]那些年錯過的愛情: 中四０５

　　思蓓媽咪見到我拍佢架名貴車就立即停低左。思蓓見到我追上黎就立即出黎捉著我的手同我講 

思蓓：「做咩呀傻佬！！我真係要走啦！！」佢邊喊邊說 

我：「我追上黎唔係唔捨得你....我係有野要比你」 

思蓓：「媽咪，等多我五分鐘！」佢向車內說著 

　　思蓓講完之後，我地兩個就去左燈柱下面。 



思蓓：「你係咪有野同我講...？」 

我：「唔係，你等我一陣」 

　　十幾秒後，我捉著思蓓的手，替她帶上手鏈 

我：「思蓓...呢條鏈我打籃球比賽先會除落黎。依加我送條鏈比你，我祝你平平安安，永遠幸福」 

思蓓：「傻佬...呢條鏈係你生日果陣...我送比你架...」佢開始哭了 



我：「見到呢條鏈你要掛住我...就算我地將來見唔返大家。我都好想你呢一世，記住識到一個叫羅子傑既人」我笑著說 

思蓓：「一定會記住你啦！！呢條鏈...我一定會帶住佢」佢邊哭邊說 

我：「一定要帶呀...你話過帶住呢條鏈會有好運....依加我比返你...我祝你去到英國都幸幸福福」我摸著她的頭說 

思蓓：「咁你都要忘記我呀！知唔知呀！」佢摸著我的面說 

我：「得啦，快Ｄ走」我放低她的手 



思蓓：「嗯...再見啦羅子傑」佢向我揮手著 

我：「再見啦...我的最愛...」 

　　就這樣，思蓓便上了車。我站在燈柱下面，看到她在車中也有回頭看我。不過，車子很快地開走了。我也再看不到她的身影。於是，我們完了。 

　　思蓓走左之後，我獨自坐左係橋上面喊，一直在想過去的事。 

　　如果你們是羅子傑，你們會像我一樣嗎？我很沒用吧？ 

－－－－－－－－－－－－－－－－－－－－－－－－－－－－－－－－－－－－－－－－－

　　九月中左右，LULU姨兩公婆叫左我同啊媽去佢地屋企個花園燒野食。雖然我同啊媽都唔想去，但最後LULU姨都黎左接我地。雖然今日呢個活動係當慶祝中秋節活動，但其實LULU姨只是想開解我啊媽。我地四個燒左一陣之後，思蓓媽咪也來了。我看到她只是打了一個招呼，然後專心燒我的腸仔。當我準備食果陣，思蓓媽咪就同我講 

思蓓媽咪：「傑仔呀，思蓓留左好多碟係到呀，你不如拎Ｄ返屋企睇」 



我：「唔洗啦....」 

LULU姨：「拎返去睇啦傑仔，反正藍藍都唔知幾時返黎，你當比啊媽有Ｄ娛樂啦」 

我：「唉好啦好啦，我食完就去拎啦」 

　　食完一連串腸仔之後，思蓓媽咪就帶左我去佢屋企。入到去之後，佢就叫我自己入房簡，佢就出返去燒野食。我打開思蓓的房門，擺設還是和以前一樣沒有分別。我去左擺碟果個櫃之後就開始簡，呢到入面全部都係我同佢既回憶。 

「星爺的大內密探零零發...西遊記之仙履奇緣...頭文字D...我的野蠻女友....」 

　　這些都是我過去和思蓓看過的電影，我望到後只是嘆了口氣。然後便繼續簡碟，簡左一大堆之後我正想行出房。點知比我見到書桌上有Ｄ野 

「咦...呢D係....」



　　當我望向書桌上，發現書櫃放左一排唔同顏色，唔同厚度的簿，書的旁邊更寫著一堆數字。而且書桌上更放了一張成績表的副本，八掛之下我就行埋去拎黎睇。一看之下，原來是思蓓的成績表，而且差唔多科科都滿分 

　　我再看一看思蓓的缺席和遲到日數，缺席和遲到的日子差不多接近五十天，看到這裡我不由自主地笑了出來。 

我：「唉...做咩成日走堂呀你..」 

　　睇完成績表之後，我就係思蓓的書桌上拎左果Ｄ唔同顏色既簿睇。隨意拎左一本之後，一看內容就知道是日記簿了。這時候，我記起思蓓說過的一句話 

「開心，唔開心，我都會寫係日記簿入面」 

　　「放左聖誕假咁耐，我就一直訓到下午先起身。但係今日訓醒果陣收到一個電話，竟然係羅子傑約我一陣出黎傾計！我聽到個電話後立即起身打扮，因為我唔想比佢知道我咁遲先起身，見到我未訓醒既樣 」 

我：「唉...你個傻婆真係...」我笑著說 

　　「可惜今日屋企有人，令到我地只可以係河邊見面。不過見到佢我就會感到好溫暖，就好似今日呢個夕陽一樣。..... 羅子傑好似好唔開心，掉左個心心落河又講左一堆偉論。不過我衷心希望佢搵到一個，能夠接收佢心心既女仔。即使三個月約定過後，佢唔選擇我。我都希望佢搵到果個命中注定既女仔」 



　　我看到其中一段，便立即把書櫃上的日記取出，然後坐係床上睇。幾經辛苦，終於搵到我們認識的那一天。 

　　「今日....」