[真人真事]那些年錯過的愛情: 中四０４

思蓓：「三點啦...？咁我要返去執埋Ｄ野....」 

我：「我係呢條天橋等你，你執完就出黎搵我」 

思蓓：「你等我？唔眼訓咩？你可以返屋企架...」 

我：「返咩屋企呀...咁遲返去一定比人罵...比我送埋你啦好無」 

思蓓：「嗯....咁你一定要等我」佢捉著我的手說 





我：「你唔好自己走左去就真，我會企定定等你」 

思蓓：「等我呀羅子傑！」佢講完便立即跑回家 

　　等到三點九左右，終於見到思蓓係天橋下面跑緊上黎。我見佢跑上黎就立即攬住佢 

我：「我好驚你咩都唔講，自己走左去」不知怎樣我又想哭了 

思蓓：「傻佬...我地約定左仲有十五分鐘...」 





我：「係！我地仲有十五分鐘..姐係依加你仲係我女朋友」 

思蓓：「當然啦，不如我比首歌你聽下」 

　　我答應了思蓓後，思蓓便把聽筒塞進我的耳內。 

思蓓：「留意歌詞呀..」 

　　這一首歌...是吳雨霏的最後一秒鐘。細心細味歌詞，我又在思蓓的面前喊了。但是，當我望向思蓓。她也和我一樣在哭著，這是歌詞的威力嗎？





大地靜下但求擁抱你一秒 
海角枯乾但求戀愛到破曉 
淚水氾灠似浪潮 淚水淹沒那座橋 
你我至少 （愛過一秒） 

夕陽下臨別但求聽到你講笑 
輕吻一秒鐘未曾嗟怨太過少 
若果愛亦會動搖 
或許震憾過暴潮 
世界太小 （你最緊要） 

明天或許日出 再沒法愛多一秒 
預早撥走鬧錶 喝令秒針永遠不准跳 
臨天光一刻抱緊你 (愛到了最後時期) 
明天的地球都拋棄（哭著吻別你） 

臨離開捨不得傷悲 來好好欣賞你 
臨別至發覺你背面何樣美 

明天路軌裂開 注定與你分開了 
日出遇到大風 抱實你恐怕你吹走了 
臨天光一刻送走你（愛到了最後時期) 
無呼吸亦無需空氣（哭著吻別你） 
連時光亦開始灰飛 人生中消失你 
臨別至發覺這麼的需要你

https://www.youtube.com/watch?v=FHeL3A-Q8i8 

思蓓：「點呀，首歌好唔好聽？」佢笑著向我說 

我：「好聽...不過聽完都無時間啦」 





　　思蓓聽到後便望一望手中的電子錶 

思蓓：「仲有十分鐘呀傻佬」佢笑著對我說 

我：「你仲有十分鐘就要走..十分鐘後就同我分手...」 

思蓓：「唔係分手，係暫別！」 

我：「唉...是但啦」 

思蓓：「羅子傑，我走左之後要比五樣野你做，你可唔可以幫我完成佢？」 

我：「你講啦...」我面向街道捉著她的手說 





思蓓：「你望住我啦，我想望住你講」佢拉我的臉面向她 

思蓓：「第一，你要照顧好你媽媽。第二，唔可以再頹廢落去，一頹廢想打機就要諗住籃球。第三，你要比心機讀書，叻比叔叔睇。第四，你要忘記我，徹徹底底咁忘記我！第五，如果有第二個女仔對你好好，你一定要考慮下佢！緣份唔等人，你唔可以再錯過任何一樣野...」佢說完便看著我 

我：「咩野呀...咩徹徹底底咁忘記你...我點做得到...」 

思蓓：「你聽唔聽到我講咩？總之...唔好掛住我。你要向前看....」 

我：「可唔可以比個理由我？」 

思蓓：「無理由架傻佬，總之聽我講啦！」 

我：「好好好！！咁依加仲有幾耐？」 

思蓓：「仲有一分鐘...」佢看著電子錶說 





我：「一分鐘...比我拖埋你落橋啦...你媽咪應該就出到黎」我再次忍著眼淚說 

思蓓：「等等！」佢在後叫停我 

　　當我望去後面，思蓓便上前親了我的口。她閉上眼鏡親著我，眼淚不斷落下。我什麼都不懂，只是用口她的嘴唇一下。思蓓張開眼睛後笑了一笑，我們便一起落天橋。

　　我倆拖著手等了數分鐘，路上便有一架車正在駛過黎，這正是思蓓的媽咪。思蓓見到佢媽咪渣住架車黎，就放開我的手，向她的媽媽揮手著 

「我們，分手了嗎？」 

　　思蓓媽咪渣到架車埋黎之後，就叫思蓓去車尾箱睇下有無執漏野。我同思蓓行左去車尾箱後，思蓓便親了我一口，之後更細細聲說出 

思蓓：「保重....！再見啦羅子傑」 

　　思蓓說完後便行去車的前座向她媽媽說 

思蓓：「行得啦媽咪！Ｄ野無執漏，開得車！」 

思蓓媽咪：「咁上車啦，早Ｄ去機場食個早餐」 

思蓓：「嗯....咁再見啦羅子傑...」佢向我微笑著 

我：「....再見」 

　　思蓓說完後便上車離開，看著車子慢慢從小路慢慢駛出路口，我竟然不由自主地追了上去。幸好車子離開得不太遠，我追到架車後便拍打一下車身 

我：「喂，停車呀！停車呀！」我邊拍車身邊說