[真人真事]那些年錯過的愛情: 中四０６

「今日....夜晚去左LULU姨屋企燒野食，去到佢屋企仲話介紹個男仔比我識！知道左之後我就好期待呢個男仔係咩野樣。我食左一陣之後出去路口拎Ｄ野，踩返去LULU姨屋企果陣就見到一個著住２４號波衫既人阻住條路...不過，原來呢個２４號仔竟然就係我既「相親對象」...他的樣子很普通....很失望...」 

我：「屌...我個樣真係好差咩..」 

　　「最好笑就係...呢個２４號仔竟然以為我真係佢既對象，仲同我講佢有心上人。睇黎佢唔單止怕羞，智商睇黎都有Ｄ問題...不過，呢個男仔好似激嬲左一個女仔，問我女仔唔開心果陣想人地點安慰佢。其實我咁耐以黎，唔開心果陣都未比男仔安慰過。不過我就教左佢用錢摺一個心心送比女仔。女仔收到應該會好開心吧？希望下一次有機會見到你，聽到你成功既消息啦！」 

　　我看完這日後便翻開其他頁數，睇下日記上仲有冇關於我既野。搵左一陣後終於再次見到我的名字。睇到關於我的第一句時，我又笑了出來。 

我：「連我講粗口都寫埋入去」我邊笑邊說 



「今日放學返屋企撞到２４號仔...我見到佢就立即衝上去。點知佢竟然抱住左我，仲係條街上面大大聲聲講粗口，發覺佢傻傻地之餘又有Ｄ搞笑...估唔到今日同男朋友分左手，夜晚就撞到佢。雖然今日好多人講過唔同既說話安慰我...不過我覺得咬完２４號仔隻手後心情就好左好多。多謝你，啊傑！　P.S：今日仲聽到佢讚我摺心心呢招掂，聽到真係開心晒！」 

　　難道她每一天都有記載著嗎？我翻開其他頁數看其他日子，發現思蓓真的會把所有東西記低。呢段時期，好多都係佢對啊JOE既掛念同牽掛。翻到暑假的其中一日，第一句就看到 

「我好像開始喜歡上你了」

　　我看完這一日的日記，才知道思蓓從那時起就開始喜歡了我。 

「.....羅子傑呢個男仔好特別，佢係我醉左果陣竟然無乘人之危。佢係我迷失果陣竟然罵醒我，訓覺果時仲坐到櫈上面訓教唔理我。如果係第二個男仔，我諗果晚已經沖上黎陪我訓。呢一晚之後，佢就好似改變左我一Ｄ想法，令我知道呢個世界上仲有好男仔。如果我可以了解「你」多Ｄ就好啦...我希望係佢心上，我會佔愈黎愈多既位置。」 



「原來思蓓果陣就鍾意我...」 

　　翻到其他日子略略看過後，我就在第二本日記上找出思蓓在我生日當日向我告白的那一頁 

「...岩岩我係天橋上面，送左條手鏈比羅子傑做生日禮物，見到佢戴左條手鏈之後傻笑果個樣我就好開心。我地兩個仲係天橋上面倒數佢既生日，不過佢好似唔多鍾意我呢個慶祝方法。而且...當我親向啊傑時，佢竟然推開我....岩岩我個心只係係到諗「羅子傑係咪唔鍾意我？」...但之後啊傑竟然同我講「呢個係佢第一次...要比時間佢諗清楚」...雖然佢係感情方面真係好蠢...但我聽到之後真係好開心，原來啊傑係一個對感情認真既人。好期待三個月後...佢比我既答案...凌晨三點了，晚安了羅子傑」這一頁的最下還畫有一個笑的符號 

　　睇到呢一頁，我雙眼竟然自然地流下兩行淚水。我看著這本日記，竟然邊笑邊哭，我已經不知道這是開心還是傷心的淚水。我只知道，我當時錯過了一個好女孩。

　　再翻開第二本日記，睇左幾頁就已經係我打籃球學界期間發生的日子 



　　「今日我自己一個去左睇啊傑打籃球學界。開頭我去到個場只係諗住自己一個人坐埋一邊，但後來一個姐姐好主動咁叫左我同佢一齊坐，我答應左佢之後就同佢傾計。我地兩個傾左一陣就覺得大家好投契，呢個姐姐叫啊瑜。」 

「啊瑜？啊魚的真名好像也有一個「瑜」字」 

　　「雖然我地睇緊籃球比賽，但大家既話題竟然圍繞住啊傑。我今日仲知道左一Ｄ秘密...」 

　　為方便比大家睇，我打成是她們兩個的對話。以下是在下記憶 

啊魚：「藍藍，點解你會自己一個睇羅子傑比賽既？」 

思蓓：「因為,,,我未睇過佢打波囉...」 

啊魚：「咁簡單咩？你係咪鍾意羅子傑呀？」 

思蓓：「你又知？點解咁講？」 



啊魚：「我都好鍾意佢...不過係朋友個種「鍾意」，佢係好男仔黎架，佢對女朋友一定好好...」 

-------------------------------------------------- 

「魚姐，我羅子傑今天終於知道你們說什麼了」 

　　看到下一段，差唔多全都是寫關於啊嘉的負面野。我看到後只是一笑置之，然後翻開下一頁 

　　「啊傑打完學界之後黎左我屋企..佢沖完涼之後就坐左係張床到睇電視。唔知點解我見到佢會自動幫佢吹頭，而佢又無拒絕我。我覺得我地兩個之間既舉動好似情侶一樣。但我現在還是啊傑的「好兄弟」....「好兄弟」。我真希望那一天快點到來，告訴我，你的答案...讓我成為你的「女朋友」。」 

　　我的眼淚一滴一滴，落在日記簿上。